ޚާމަނާއީގެ ޖަނާޒާގެ ތެރެއިން އެތައް ހާސް ބަޔަކު ގޮވާލީ ޓްރަމްޕްގެ މަރަށް!

އީރާންގެ ކުރީގެ ރޫހީ ލީޑަރު އާޔަތުﷲ އަލީ ޚާމަނާއީގެ ޖަނާޒާގައި ބައިވެރި ވަމުން އަންނަ އެ ޤައުމުގެ އެތައް ހާސް ރައްޔިތުން ތަކެއް، އެމެރިކާގެ ރައީސް ޑޮނަލްޑް ޓްރަމްޕް މަރަން ގޮވާލައިފި އެވެ. 

އެގޮތުން ޖަނާޒާގައި ބައިވެރިވި މީހުން ވަނީ ޓްރަމްޕް މަރަން ގޮވާލައި، ބެނާ ތަކާއި، ބޯޑުތައް ހިފައިގން ތިބެފައި އެވެ. މީގެ އިތުރުން އެމެރިކާގެ ނައިބު ރައީސް ޖޭޑީ ވޭންސް އާއި، ޑިފެންސް ސެކްރެޓަރީ ޕީޓް ހެގްސެތު އަދި އިޒްރޭލްގެ ބޮޑު ވަޒީރު ބެންޖަމިން ނަތަންޔާހޫގެ ފޮޓޯ ހިމެނޭ ބެނާތައް ވެސް ފެނިފައިވެ އެވެ. 

އެ ބަނާ ތަކުގައި ލިޔެފައި ވަނީ "ލޭ އޮހޮރުވާލާނަން" ފަދަ ބަސް ތަކެވެ. މިކަމުގެ ސަބަބުން ފެނިގެން ދަނީ އީރާންގެ ރައްޔިތުން އެ ޤައުމުގެ ވެރިންގެ ދިފާއުގައި ތިބި ކަމަށާއި، ޤައުމު ބައިބައި ކުރަން އަދުއްވުން ކުރަމުން އަންނަ މަސައްކަތާ ދެކޮޅު ކަމެވެ. އަދި އެމެރިކާ އާއި އިޒްރޭލްގެ ހަމަލާ ތަކުގައި އަވަހާރަ ކޮށްލި ލީޑަރު ޚާމަނާއީ އަށް ޤައުމުގައި އޮތް ޤަދަރާއި ލޯބި ފެނިގެންދެ އެވެ. 

މި އެއްވުން ތަކުގެ ތެރެއިން ޓްރަމްޕް މަރަން ގޮވާލުމަކީ ވަރަށް ބޮޑު ކަމެއް ކަމަށް ބައިނަލްއަޤުވާމީ މީޑިއާ ތަކުގައި ދަނީ ފާހަގަ ކުރަމުންނެވެ. ނަމަވެެސް، އީރާނުގެ ރައްޔިތުންގެ މެދުގައި ޓްރަމްޕްއާ މެދު އޮތް ރުޅިވެރިކަން އަދި ނަފުރަތު ފެނިގެން ދާ ކަމަށް ގިނަ ބަޔަކު އަންނަނީ ފާހަގަ ކުރަމުންނެވެ. 

މީގެ އިތުރުން އެއްވުމުގައި ބައިވެރިވާ ފަރާތް ތަކުން އަންނަނީ އެމެރިކާގެ ދިދަ އަންދަމުންނެވެ.