އެމެރިކާ އިން އެއްބަސްވުމާ ޚިލާފު ވެފައިވާ ކަމަށް ޣަލިބާފް ވިދާޅުވެއްޖެ

އެމެރިކާ އާއި އީރާންއާ ދެމެދު ހަނގުރާމަ މެދު ކަނޑާލުމަށް ވެފައިވާ އެއްބަސްވުމާ، އެމެރިކާ އިން ޚިލާފު ވަމުން އަންނަ ކަމަށް އީރާންގެ ޤާނޫނު ހަދާ މަޖިލީހުގެ ރައީސް މުޙައްމަދު ބާގިރު ޣަލިބާފް ވިދާޅުވެއްޖެ އެވެ. 

ބުދަ ދުވަހު އެކްސްގައި ކުރެއްވި ޕޯސްޓެއްގައި ޣަލިބާފް ވިދާޅުވީ، އެމެރިކާ އިން އީރާން އަށް ހަމަލާދީ، އީރާން އަށް ތެލުގެ ދަތިކުރުންތައް ކުރިމަތިކޮށް، އިތުރު ހަމަލާ ދޭނެ ކަމުގެ ބިރު ދައްކައި، ހުރްމުޒް ކަނޑު އޮޅީގައި އީރާން އިން ގެންގުޅޭ އުސޫލުތަކާ ޚިލާފުވެ އަދި ލުބުނާންއާ ދެކޮޅަށް އިޒްރޭލް އިން ދެމުންދާ ހަމަލާ ތަކަކީ އެއްބަސްވުމާ ޚިލާފުވުން ކަމަށެވެ. 

މީގެ އިތުރުން ޣަލިބާފް ވިދާޅުވެފައި ވަނީ ބިރު ދެއްކުމާއި ބާރުގަދަ ކުރުމުގެ ދައުރު މިހާރު ނިމިފައިވާ ކަަމަށެވެ. އަދި އީރާން އަކީ ދަތިކުރުން ތަކުގެ ކުރިމަތީގައި ފަސްޖެހޭނެ ޤައުމެއް ނޫން ކަމަށް ވެސް އޭނާ ވިދާޅުވި އެވެ. 

އެމެރިކާ އިން ވަނީ އަންގާރަ ދުވަހު އީރާންއާ ދެކޮޅަށް ހަމަލާ ތަކެއް ދީފައި އެވެ. ހޮރްމުޒް ކަނޑު އޮޅިން ދަތުރުކުރި ބޯޓު ތަކަަކަށް އީރާން އިން ހަމަލާ ދީފައިވާ ކަމަށް ބުނެ، އެމެރިކާ އިން ވަނީ އީރާންގެ ތެލުގެ ވިޔަފާރި އަށް ދީފައިވާ ހުއްދަ ބާތިލު ކޮށްފައި އެވެ. މިކަމުގެ ސަބަބުން ދެ ޤައުމުގެ ދެ މެދުގައި އޮތް އެއްބަސްވުމަށް ވަނީ ނުތަނަވަސްކަން ކުރިމަތިވެފައި އެވެ. 

އެމެރިކާގެ ހަމަލާ ތަކުގެ ރައްދުގައި އީރާން އިން ވެސް ވަނީ ހަމަލާ ތަކެއް ދީފައި އެވެ. އެގޮތުން އީރާން އިން ވަނީ ބަހްރެއިން އާއި ކުވެއިތުގައި ހުރި އެމެރިކާގެ އަސްކަރީ އަމާޒު ތަކަށް ހަމަލާ ދީފައި އެވެ. އީރާން އިން ބުނެފައި ވަނީ އެ ދެ ޤައުމުގައި ހުރި އެމެރިކާގެ 85 އަމާޒަށް ހަމަލާ ދީފައިވާ ކަމަށެވެ.

Raajje.mv

ކުވެއިތާއި ބަހްރައިންގައި ހުރި އެމެރިކާގެ 85 ތަނަކަށް ހަމަލާ ދީފިން: އީރާން

ބައިނަލްއަޤުވާމީ މާހިރުން ބުނާ ގޮތުގައި އެމެރިކާ އިން އީރާންއާ ދެކޮޅަށް ހަމަލާ ދިނުމާއި، އީރާން އަށް ތެލުގެ ދަތިކުރުންތައް ކުރިމަތި ކުރުމަކީ ދެ ޤައުމުގެ ދެ މެދުގައިވާ އެއްބަސްވުމަށް ގޮންޖެހުން ކަމަށާއި، އެކަމުގެ ސަބަބުން މަސްރަހު އިތުރަށް ގޯސާވާނެ އެވެ.