އެމެރިކާގެ އިންޒާރުތައް ކުރިއަށްދާނަމަ، ވޮޝިންޓަނާ ދެމެދު މަޝްވަރާތައް ފެށިގެން ނުދާނެ: އީރާނުގެ ޚާރިޖީ ވަޒީރު
7 ޖުލައި 2026 | އަންގާރަ 11:32އެމެރިކާގެ އިންޒާރުތައް ކުރިއަށްދާނަމަ ދާއިމީ އެއްބަސްވުމަކާ ގުޅޭ މަޝްވަރާތައް ނުފެށޭނެ ކަމަށް އީރާނުގެ ޚާރިޖީ ވަޒީރު އައްބާސް އަރާގްޗީ ވިދާޅުވެއްޖެ. އަރާގްޗީ ވަނީ އެމެރިކާއިން ކުރިން ކޮށްފައިވާ ސޮޔަށް އިހުތިރާމް ކުރުމަށް ގޮވާލައްވައި، ދެ ގައުމުގެ ދެމެދުގައި މިދިޔަ މަހު ސޮއިކުރި ވަގުތީ އެއްބަސްވުމަށް އަމަލުކުރުމަށް ބާރުއަޅުއްވާފައި.
އިރާގުގެ ބަޣުދާދުގައި 2026 ޖޫން 28 ވީ އާދީއްތަ ދުވަހު ބޭއްވި ބައްދަލުވުމަކަށްފަހު، އީރާނުގެ ޚާރިޖީ ވަޒީރު އައްބާސް އަރާގްޗީ (މ) އާއި އިރާގުގެ ޚާރިޖީ ވަޒީރު ފުއާދު ޙުސައިން (ވ) ގުޅިފައިވާ ނޫސްވެރިންގެ ބައްދަލުވުމަކަށް ވަޑައިގަންނަވަނީ. | ގެޓީ އިމޭޖަސް
އެމެރިކާގެ އިންޒާރުތައް ކުރިއަށްދާނަމަ، ތެހެރާނާއި ވޮޝިންޓަނާ ދެމެދު އެއްބަސްވުމަކަށް އައުމަށް ކުރެވޭ މަޝްވަރާތައް ފެށިގެން ނުދާނެ ކަމަށް އީރާނުގެ ޚާރިޖީ ވަޒީރު އައްބާސް އަރާގްޗީ އަންގާރަ ދުވަހު ވިދާޅުވެއްޖެ އެވެ. އީރާނުގެ ޚާރިޖީ ވަޒީރު މިހެން ވިދާޅުވީ، އެއްބަސްވުމަކަށް ނާދެވިއްޖެނަމަ "މަސައްކަތް ނިންމާލާނެ" ކަމަށް ވިދާޅުވެ އެމެރިކާގެ ރައީސް ޑޮނަލްޑް ޓްރަމްޕް ދެއްވި އިންޒާރާ ގުޅިގެންނެވެ.
އެކްސްގައި ކުރެއްވި ޕޯސްޓެއްގައި އަރާގްޗީ ވިދާޅުވީ، އިންޒާރުތައް ކުރިއަށްދާނަމަ ދާއިމީ އެއްބަސްވުމަކާ ގުޅޭ މަޝްވަރާތައް ނުފެށޭނެ ކަމަށެވެ. އަދި އެމެރިކާއިން ކުރިން ކޮށްފައިވާ ސޮޔަށް އިހުތިރާމް ކުރުމަށްވެސް އޭނާ ވަނީ ގޮވާލައްވާފަ އެވެ.
އަރާގްޗީގެ މި ޕޯސްޓުގައި އިޝާރާތް ކުރައްވާފައިވަނީ، އެއް ގައުމުން އަނެއް ގައުމަށް ބާރުގެ ބޭނުން ނުކުރުމަށާއި އިންޒާރު ނުދިނުމަށް ގޮވާލައި، މިދިޔަ މަހު އީރާނާއި އެމެރިކާއާ ދެމެދު ސޮއިކުރި ވަގުތީ އެއްބަސްވުމަށެވެ.
