ނޯވޭ އަތް ދަށުގެ ވަރުގަދަ ބްރެޒިލް ކަޓައިފި
ނޯވޭ އިން ވަރލްޑް ކަޕްގެ ކުއާޓަރ ފައިނަލް އިން ޖާގަ ހޯދި ފުރަތަމަ ފަހަރު. އަދި ވޯލްޑް ކަޕްގައި ނޯވޭގެ އެންމެ ބޮޑު ކާމިޔާބު.
މެޗުގައި ލަނޑު ޖެހުމަށް ފަހު ހާލަންޑް އުފާ ފާޅު ކުރަނީ. | ރޮއިޓާސް
މިހާރު ކުރިއަށްދާ ފީފާ ވަރލްޑް ކަޕްގައި ނޯވޭ އަތުުން ބަލިވެ، ވަރުގަދަ ބްރެޒިލް މުބާރާތުން ކަޓައިފި އެވެ.
އާދީއްތަ ދުވަހުގެ ރޭ ފަތިހު ކުޅުނު މެޗު ނޯވޭ އިން ކާމިޔާބު ކުރީ 2-1 އިންނެވެ.
މެޗުގައި ދެ ޓީމުން ވެސް ލަނޑު ޖެހީ ދެ ވަނަ ހާފުގައި އެވެ. މެޗުގެ 79 ވަނަ މިނެޓުގައި ނޯވޭ އަށް ލީޑު ނަގައިދިނީ އާލިން ހާލަންޑް އެވެ. އޭގެ ފަހުން މެޗުގެ 90 ވަނަ މިނެޓުގައި ހާލަންޑް ވަނީ ނޯވޭގެ ދެ ވަނަ ލަނޑު ޖަހައި ލީޑު ފުޅާ ކޮށްފައި އެވެ.
މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި ބްރެޒިލްގެ ހަމަ އެކަނި ލަނޑު ޖެހީ ނޭމާ ޖޫނިއާ އެވެ. އެއީ އެ ޓީމަށް ލިބުނު ޕެނަލްޓީ ކާމިޔާބު ކޮށްގެންނެވެ.
މިއީ ނޯވޭ އިން ވަރލްޑް ކަޕްގެ ކުއާޓަރ ފައިނަލް އިން ޖާގަ ހޯދި ފުރަތަމަ ފަހަރެވެ. އަދި ވަރލްޑް ކަޕްގައި ނޯވޭގެ އެންމެ ބޮޑު ކާމިޔާބެވެ.
