އެމްބާޕޭ އަކީ ޑިކްޓޭޓަރެއް ނޫން: ޑެޝޯމްޕްސް
6 ޖުލައި 2026 | ހޯމަ 05:28ގޮތުން ޑެޝޯމްޕްސް ބުނީ، އެމްބާޕޭ އަކީ ޑިކްޓޭޓަރެއް ކަމަށް ބައެއް ފަރާތް ތަކަށް ހީވެފައި އޮތް ނަމަވެސް، އެއީ ހަގީގަތެއް ނޫން ކަމަށް. އެމްބާޕޭ އަކީ އޭގެ އިދިކޮޅު ކަމަށް އޭނާ ބުނި. އެއާ އެކު ޑެޝޯމްޕްސް ބުނީ އެމްބާޕޭއާ ގުޅޭ ގޮތުން ފަތުރާ ވާހަކަ ތަކާއި، އެމްބާޕޭގެ އަސްލު މިޒާޖާ އެއްވެސް ގުޅުމެއް ނެތް ކަމަށް.
ފްރާންސްގެ ކޯޗު ޑެޝޯމްޕްސް އަދި ކެޕްޓަން އެމްބާޕޭ. | ރޮއިޓާސް
ފްރާންސްގެ ކެޕްޓަން ކީލިއަން އެމްބާޕޭ އަކީ ޑިކްޓޭޓަރެއް ކަމަށް ބައެއް ފަރާތް ތަކަށް ހީވެފައި އޮތް ނަމަވެސް، އެމްބާޕޭ އަކީ ޑިކްޓޭޓަރެއް ނޫން ކަމަށް ފްރާންސްގެ ކޯޗު ޑިޑިއޭ ޑެޝޯމްޕްސް ބުނެފި އެވެ.
ޑެޝޯމްޕްސް މިހެން ބުނެފައި ވަނީ މިހާރު ކުރިއަށްދާ ފީފާ ވޯލްޑް ކަޕްގެ ގަދަ 16 ގައި ފްރާންސް އިން ޕެރަގުއޭ ބަލި ކުރި މެޗަށް ފަހު އެވެ. އެ މެޗުން ފްރާންސް މޮޅުވެފައި ވަނީ އެމްބާޕޭ ކާމިޔާބު ކުރި ޕެނަލްޓީ އިންނެވެ.
މިފަހަރުގެ ވޯލްޑް ކަޕް ކުރިއަށްދާއިރު، އެމްބާޕޭ އަކީ ޑިކްޓޭޓަރެއް ކަމަށް ސިފަވާ ގޮތަށް ބައެއް ފަރާތް ތަކުން އަންނަނީ ސޯޝަލް މީޑިއާގައި ޕޯސްޓުތައް ޖަހަމުންނެވެ. ނަމަވެސް، ޑެޝޯމްޕްސް ވަނީ އެމްބާޕޭގެ ދިފާއުގައި އެކަމަށް ރައްދު ދީފައި އެވެ.
އެގޮތުން ޑެޝޯމްޕްސް ބުނީ، އެމްބާޕޭ އަކީ ޑިކްޓޭޓަރެއް ކަމަށް ބައެއް ފަރާތް ތަކަށް ހީވެފައި އޮތް ނަމަވެސް، އެއީ ހަގީގަތެއް ނޫން ކަމަށެވެ. އެމްބާޕޭ އަކީ އޭގެ އިދިކޮޅު ކަމަށް އޭނާ ބުންޏެވެ. އެއާ އެކު ޑެޝޯމްޕްސް ބުނީ އެމްބާޕޭއާ ގުޅޭ ގޮތުން ފަތުރާ ވާހަކަ ތަކާއި، އެމްބާޕޭގެ އަސްލު މިޒާޖާ އެއްވެސް ގުޅުމެއް ނެތް ކަމަށެވެ.
އޭގެ ބަދަލުގައި އެމްބާޕޭ އަކީ ވަރަށް ވިސްނުން ތޫނު، އަޚުލާޤު ރަނގަޅު ކުޅުންތެެރިޔެއް ކަމަށް ޑެޝޯމްޕްސް ވަނީ ބުނެފައި އެވެ. އަދި ފްރާންސްގެ މުޅި ޓީމު އެމްބާޕޭ އަށް "ފޮލޯ" ކުރާ ކަމަށް ވެސް އޭނާ ބުންޏެވެ. ޑެޝޯމްޕްސް ބުނީ އެމްބާޕޭ އަކީ ފްރާންސްގެ ކެޕްޓަނަށް ވުމުން އޭނާ ވަރަށް އުފާވާ ކަމަށާއި، ދަނޑު މަތީގައި އަދި ދަނޑުން ބޭރުގައި ވެސް އެމްބާޕޭ މުޅި ފްރާންސް ތަމްސީލު ކުރާ ކަމަށެވެ.
މިފަހަރުގެ ވޯލްޑް ކަޕްގައި ވެސް އެމްބާޕޭ އަންނަނީ މޮޅު ކުޅުމެއް ދައްކަމުންނެވެ. އެގޮތުން މިހާތަނަށް މުބާރާތުގައި އެމްބާޕޭ ވަނީ ހަތް ލަނޑު ޖަހައިފަ އެވެ. މުބާރާތުގެ ރަން ބޫޓުގެ ރޭހުގައި އެމްބާޕޭ އަންނަނީ އާޖެންޓީނާގެ ކެޕްޓަން ލިއޮނަލް މެސީއާ ވާދަ ކުރަމުންނެވެ. މެސީ އާއި އެމްބާޕޭ ވެސް ވަނީ މިހާތަނަށް ހަތް ލަނޑު ޖަހައިފަ އެވެ. 2022 ވަނަ އަހަރު ޤަތަރުގައި އޮތް ވޯލްޑް ކަޕްގެ ރަން ބޫޓު ވެސް ހޯދީ އެމްބާޕޭ އެވެ.
މީގެ އިތުރުން އެމްބާޕޭ އަކީ ވޯލްޑް ކަޕްގެ ތާރީޚުގައި ދެ ވަނަ އަށް އެންމެ ގިނަ ލަނޑު ޖަހާފައިވާ ކުޅުންތެރިޔާ އެވެ. އެއް ވަނައިގައި އާޖެންޓީނާގެ މެސީ އޮތީ 20 ލަނޑާ އެކު އެވެ. ދެ ވަނައިގައި 19 ލަނޑާ އެކު އެމްބާޕޭ އޮތްއިރު، އެމްބާޕޭ އަށް މި ރެކޯޑު މުގުރާލުމުގެ ފުރުސަތު ވެސް އެބަ އޮތެވެ.
