ބަންގްލަދޭޝްގެ ފުލުހަކު އޭއައި ބޭނުންކޮށްގެން، މަސްތުވާތަކެތީގެ ވިޔަފާރިކުރާ މީހަކު ލައިގެން ހުރި އާޖެންޓީނާގެ ޖާޒީ ބްރެޒިލް ޖާޒީއަކަށް ބަދަލުކުރި މައްސަލައެއް ފެންމަތިވެއްޖެ
5 ޖުލައި 2026 | އާދީއްތަ 12:11ބަންގްލަދޭޝްގެ ފުލުހަކު ހައްޔަރުކުރި މީހަކު ލައިގެން ހުރި އާޖެންޓީނާގެ ޖާޒީ، އޭއައި ބޭނުންކޮށްގެން ބްރެޒިލް ޖާޒީއަކަށް ބަދަލުކުރި މައްސަލައެއްގައި އެ އޮފިސަރާ މެދު އިސްލާހީ ފިޔަވަޅު އަޅަން ފަށައިފި. މަސްތުވާތަކެތީގެ މައްސަލައެއްގައި ހައްޔަރުކުރި މީހާގެ ފޮޓޯ ނޫސްވެރިންނާ ހިއްސާކުރުމުގެ ކުރިން ޑިޖިޓަލްކޮށް މި ބަދަލު ގެނައި މައްސަލައިގައި ސޯޝަލް މީޑިއާގައި ގިނަ ބައެއްގެ ފާޑުކިޔުން ވަނީ އަމާޒުވެފަ.
ބަންގްލަދޭޝްގެ ފުލުހަކު އޭއައި ބޭނުންކޮށްގެން، މަސްތުވާތަކެތީގެ ވިޔަފާރިކުރާ މީހަކު ލައިގެން ހުރި އާޖެންޓީނާގެ ޖާޒީ ބްރެޒިލްގެ ޖާޒީއަކަށް ބަދަލުކޮށްފައިވާ ފޮޓޯ | އިންޑިޔާ ޓުޑޭ
ބަންގްލަދޭޝްގެ ފުލުހަކު ހައްޔަރުކުރި މީހަކު ލައިގެން ހުރި އާޖެންޓީނާގެ ޖާޒީ، އާޓިފިޝަލް އިންޓެލިޖެންސް (އޭއައި) ބޭނުންކޮށްގެން ބްރެޒިލް ޖާޒީއަކަށް ބަދަލުކުރި މައްސަލައެއް ފެންމަތިވެއްޖެ އެވެ.
އާޖެންޓީނާގެ ޖާޒީއަށް ވީ ކިހިނެއް؟
ބަންގްލަދޭޝްގެ ފުލުހުންގެ ސަބް-އިންސްޕެކްޓަރަކު ހައްޔަރުކުރި މީހެއްގެ ފޮޓޯ ނޫސްވެރިންނާ ހިއްސާކުރުމުގެ ކުރިން، އޭއައި ބޭނުންކޮށްގެން އެމީހާ ލައިގެން ހުރި އާޖެންޓީނާގެ ޖާޒީ ބްރެޒިލް ޖާޒީއަކަށް ބަދަލުކޮށްފައިވާ ކަމަށް ތުހުމަތު ކުރެވެ އެވެ. ފުލުހުންގެ ރަސްމީ މުއާމަލާތްތަކުގައި ބޭނުންކުރާ ޗެނަލްތަކުން މި ފޮޓޯ ހިއްސާކުރުމުގެ ކުރިން، ޑިޖިޓަލްކޮށް ފޮޓޯއަށް މި ބަދަލު ގެނައި މައްސަލައިގައި އެ އޮފިސަރަށް މިހާރު ވަނީ ބޮޑު މައްސަލަ އަކާ ކުރިމަތިލާން ޖެހިފަ އެވެ.
އާޖެންޓީނާގެ ޖާޒީ ބްރެޒިލް ޖާޒީއަކަށް ބަދަލުކޮށްގެން ގެނައި މި ބަދަލާ ގުޅިގެން ސޯޝަލް މީޑިއާގައި ގިނަ ބައެއްގެ ފާޑުކިޔުން އަމާޒުވެފައިވާއިރު، އެ އޮފިސަރާ މެދު މިހާރު ވަނީ އިސްލާހީ ފިޔަވަޅު އަޅަން ފަށާފަ އެވެ.
"ދަ ޑެއިލީ ސްޓާ" ނޫހުން ރިޕޯޓްކޮށްފައިވާ ގޮތުގައި މި ހާދިސާ ހިނގާފައިވަނީ ބަންގްލަދޭޝްގެ ބަރިޝާލްގަ އެވެ. މަސްތުވާތަކެތީގެ ވިޔަފާރިކުރާ ކަމަށް ތުހުމަތު ކުރެވޭ އުމުރުން 35 އަހަރުގެ ރަސަލް ހައުލާދަރު ހައްޔަރުކޮށްފައިވަނީ މިދިޔަ ހޯމަ ދުވަހުގެ މެންދުރުފަހުގެ ވަގުތެއްގައި އެވެ.
މަސްދަރު: އިންޑިއާ ޓުޑޭ
