އަލްޖީރިއާ ބަލިކޮށް، 1954 ވަނަ އަހަރުގެ ފަހުން ސްވިޒަލެންޑަށް ނޮކްއައުޓުގެ ފުރަތަމަ މޮޅު
މިއީ 1954 ވަނަ އަހަރުގެ މުބާރާތުގެ ކުއަޓަރ ފައިނަލްގައި ވާާދަ ކުރި ފަހުން، ސްވިޒަލެންޑަށް މުބާރާތުގެ ނޮކްއައުޓް ބުރުން ހޯދުނު ފުރަތަމަ މޮޅު. އޭގެ ފަހުން ސްވިޒަލެންޑު ވަނީ ގުރޫޕް ސްޓޭޖު ނުވަތަ ގަދަ 16 އިން ކަޓާފައި. މިފަހަރުގެ މުބާރާތުގެ ގަދަ 16 ގައި ސްވިޒަލެންޑުން ނިކުންނާނީ ކޮލަމްބިއާ އާއި ގާނާ ކުޅޭ މެޗުން މޮޅުވާ ޓީމަކާ ދެކޮޅަށް.
މެޗުގައި ލަނޑު ޖެހުމަށް ފަހު ސްވިޒަލެންޑުގެ ކުޅުންތެރިން އުފާ ފާޅު ކުރަނީ. | ރޮއިޓާސް
ފީފާ ވަރލްޑް ކަޕްގައި އަލްޖީރިއާއާ ދެކޮޅަށް ކުޅުނު މެޗުން މޮޅުވެ، ސްވިޒަލެންޑުން މުބާރާތުން ގަދަ 16 އިން ހޯދައިފި އެވެ.
ހުކުރު ދުވަހުގެ ހެނދުނު ކުޅުނު މެޗު ސްވިޒަލެންޑުން ކާމިޔާބު ކޮށްފައި ވަނީ 2-0 އިންނެވެ. މެޗުގެ ފުރަތަމަ ހާފުގައި ސްވިޒަލެންޑުން އެއް ލަނޑު ޖެހިއިރު، އަނެއް ލަނޑު އެ ޓީމުން ޖެހީ ދެ ވަނަ ހާާފުގައި އެވެ.
މެޗު ފަށައިގެން 10 ވަނަ މިނެޓުގައި ސްވިޒަލެންޑުން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު ސްވިޒަލެންޑަށް ޖަހައިދިނީ ބްރީލް އެމްބޯލޯ އެވެ. އެއީ ޔޯހާން މަންޒަމްބީ ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ.
އޭގެ ފަހުން ވެސް މެޗުގައި އިތުރު ލަަނޑު ޖަހަން ސްވިޒަލެންޑަށް ވަނީ ރަނގަޅު ފުރުސަތު ތަކެއް ލިބިފައި އެވެ. ދެ ވަނަ ހާފު ފަށައިގެން ފުރަތަމަ މިނެޓުގެ ތެރޭގައި ސްވިޒަލެންޑުން ވަނީ ދެ ވަނަ ލަނޑެއް ޖަހައި ލީޑު ފުޅާ ކޮށްފައި އެވެ. އެ ލަނޑު އެ ޓީމަށް ޖަހައިދިނީ ޑަން އެންޑޯޔޭ އެވެ.
މެޗުގައި ލަނޑު ޖަހަން އަލްޖީރިއާ އަށް ވެސް ރަނގަޅު ފުރުސަތު ތަކެއް ލިބުނު ނަމަވެސް، އެ ޓީމަށް އެކަން ކާމިޔާބު ކުރެވޭ ގޮތެއް ނުވި އެވެ. މެޗުން ބަލިވެ އަލްޖީރިއާ އަށް ވަނީ ވޯލްޑް ކަޕް ނިމިފައި އެވެ.
މިއީ 1954 ވަނަ އަހަރުގެ މުބާރާތުގެ ކުއާޓާ ފައިނަލްގައި ވާާދަ ކުރި ފަހުން، ސްވިޒަލެންޑަށް މުބާރާތުގެ ނޮކްއައުޓް ބުރުން ހޯދުނު ފުރަތަމަ މޮޅެވެ. އޭގެ ފަހުން ސްވިޒަލެންޑު ވަނީ ގުރޫޕް ސްޓޭޖު ނުވަތަ ގަދަ 16 އިން ކަޓައިފަ އެވެ. މިފަހަރުގެ މުބާރާތުގެ ގަދަ 16 ގައި ސްވިޒަލެންޑުން ނިކުންނާނީ ކޮލަމްބިއާ އާއި ގާނާ ކުޅޭ މެޗުން މޮޅުވާ ޓީމަކާ ދެކޮޅަށެވެ.
