ވެނެޒުއޭލާއަށް ބާރުގަދަ ބިންހެލުމުން އައިތާ އަށް ދުވަސް ފަހުން ވެއްޓިފައިފައިވާ އިމާރާތްތަކުގެ ދަށުން މީހަކު ސަލާމަތްކޮށްފި

ވެނެޒުއޭލާއަށް އައި ބާރުގަދަ ދެ ބިންހެލުމާ ގުޅިގެން ބިނާއެއް ވެއްޓި، އޭގެ ދަށުގައި ތާށިވިތާ އަށް ދުވަސް ފަހުން މީހަކު ސަލާމަތްކޮށްފި އެވެ.

ވެއްޓިފައިވާ 140 ޓަނުގެ ކޮންކްރީޓް ކުނިތަކުގެ ދަށުގައި ހެރްނާން ގިލް ތާށިވެފައި އޮއްވާ ފެނުނުތާ 100 އަށްވުރެ ގިނަ ގަޑިއިރު ފަހުން، ކަމާބެހޭ ފަރާތްތަކުން ވަނީ އޭނާ ސަލާމަތުން ނެރެފައެވެ.

މި މަސައްކަތުގައި ބައިވެރިވި ޗިލީގެ ފަޔަރ ފައިޓަރަކު ކުރިން ބުނެފައިވަނީ، މިއީ ޝައްކެއްވެސް ނެތް ގޮތުގައި އޭނާގެ މުޅި ހަޔާތުގައިވެސް ކުރިމަތިލާންޖެހުނު އެންމެ އުނދަގޫ އަދި ފަންނީ ގޮތުން ގޮންޖެހުންތައް ބޮޑު ސަލާމަތްކުރުމުގެ އޮޕަރޭޝަން ކަމަށެވެ.

ޖޫން މަހުގެ 24 ވަނަ ދުވަހު ވެނެޒުއޭލާއަށް އައި ބިންހެލުންތަކުގައި މިހާތަނަށް 2,300 އެއްހާ މީހުން މަރުވެފައިވާކަން ކަށަވަރުވެފައިވާއިރު، އެތައް ހާސް ބަޔަކު އަދިވެސް ވަނީ ގެއްލިފަ އެވެ. މިދިޔަ ހޮނިހިރު ދުވަހު ގިލް ފެނުނު ފަހުން، އޭނާ ސަލާމަތްކުރުމަށްޓަކައި އެތައް ސަތޭކަ ރެސްކިއު މަސައްކަތްތެރިންނެއް ދިޔައީ ވަގުތާ ދެކޮޅަށް ހުއްޓުމެއް ނެތް މަސައްކަތްތަކެއް ކުރަމުންނެވެ.

ގިލް ސަލާމަތްކުރުމުގެ މަސައްކަތުގައި ވެނެޒުއޭލާގެ އިތުރުން ޗިލީ، ކޮސްޓަރީކާ، އެލް ސަލްވަޑޯރ، މެކްސިކޯ، ޕޯޗުގަލް އަދި އެމެރިކާގެ ޓީމުތަކުން ބައިވެރިވި އެވެ.

އޭނާ އޮތް ހިސާބަށް ދިއުމަށްޓަކައި ސަލާމަތްކުރާ ފަރާތްތަކުން ކޮނުނު މަގުތަކުގެ ބައެއް ބައިތައް އެކި ފަހަރު މަތިން ވެއްޓިފައިވެ އެވެ. މީގެއިން ދޭހަވަނީ މި މަސައްކަތަކީ ސަލާމަތްކުރަން އުޅޭ މީހުންގެ ފުރާނައަށްވެސް އޮތް ބޮޑު ނުރައްކަލެއް ކަމެވެ.

ގިލް ތާށިވެފައި އޮތް ތަނަށް ވައްދާފައިވާ ކުޑަ ކެމެރާއަކުން ރެކޯޑުކޮށްފައިވާ ވީޑިއޯއިން ފެންނަ ގޮތުގައި، ޗިލީގެ ފަޔަރ ފައިޓަރަކު ގިލްގެ ގާތުގައި އޭނާގެ ބޯ ކެމެރާއާ ދިމާލަށް އަނބުރާލުމަށް އެދޭ އަޑު އިވެ އެވެ.

އޭރު އޭނާގެ އެއް ލޯ އޮތީ ރަތްވެފައެވެ. އަދި އޭނާ އޮތީ މާސްކެއް އަޅައިގެންނެވެ. އެ މާސްކަކީ ކޮންކްރީޓްތައް ނެގުމުގެ ތެރޭގައި އުފެދޭ ހިރަފުހާއި ކުނިތަކުން ރައްކާތެރިވުމަށްޓަކައި، ކުޑަ ލޯވަޅެއްގެ ތެރެއިން ސަލާމަތްކުރާ ފަރާތްތަކުން އޭނާއަށް ފޯރުކޮށްދީފައިވާ މާސްކެކެވެ.

އޭނާގެ ވަށައިގެން ހުރި ގައު ކުނޑިތައް ސަލާމަތްކުރާ ފަރާތްތަކުން ވަރަށް ފަރުވާތެރިކަމާއެކު ނަގަމުން ދިޔައިރު، ލޮލަށް ލިބިދާނެ ގެއްލުމަކުން ސަލާމަތްވުމަށްޓަކައި ރައްކާތެރިކަމުގެ އައިނު އެޅުމަށްވެސް ފަޔަރ ފައިޓަރު އޭނާގެ ކިބައިން އެދުނެވެ. ކޮސްޓަރީކާގެ ރެޑް ކްރޮސްގެ ރިކާޑޯ އަރިއަސް، އާންމު ނޫސްވެރިޔާ ޖޯން ކަމާގޯއަށް މައުލޫމާތު ދެމުން ބުނީ ގިލްގެ ހާލަތު މިހާރު ސްޓޭބަލް ކަމަށެވެ.

މީގެ އިތުރުން، އޭނާއަށް ބޯނެ ފެން ފޯރުކޮށްދީ، އައިވީ ޑްރިޕް ގުޅާފައިވާ ކަމަށްވެސް އޭނާ ބުންޏެވެ.

އަރިއަސް ބުނި ގޮތުގައި، "ގަލެރިއަސް ޕްލާޔާ ގްރާންޑޭ" ޝޮޕިން ސެންޓަރު ވެއްޓުނު ވަގުތު ގިލް ސަލާމަތްވީ މުއުޖިޒާތެއް ފަދަ ގޮތަކަށެވެ. "އޭނާ ބުނި ގޮތުގައި އޭނާގެ ނިޔަފައްޗަކަށްވެސް ގެއްލުމެއް ނުލިބޭ. އޭނާގެ ހާލު ރަނގަޅު،" އަރިއަސް ބުންޏެވެ.

މެކްސިކޯގެ ނޫސް ސައިޓެއް ކަމަށްވާ "މިލެނިއޯ" އަށް އޭނާ ބުނީ، ގިލް ސަލާމަތްކުރުމުގެ ތެރޭގައި އޭނާ ބޭނުންވާ ވަކި ރަހަތަކެއްގެ ހައިޑްރޭޝަން ބުއިންތަކަށްވެސް އެދުނު ކަމަށާއި، އެ ތަކެތި އޭނާއަށް ފޯރުކޮށްދީފައިވާ ކަމަށެވެ.

"އޭނާ އަމިއްލައަށް ސަލާމަތް ކުރުމުގެ މަސައްކަތުގައި އުޅުނު މީހުންނަށް ހިތްވަރުދީ، މަސައްކަތް ކުރިއަށް ގެންދިއުމަށް ބުނި ކަމަށް ފްރޭންކޯ ކިޔައިދީފައިވެ އެވެ.

ފްރާންކޯ ބުނި ގޮތުގައި، ސަލާމަތްކުރާ މީހުންނާއި ގިލްއާ ދެމެދު އޭނާގެ އާއިލާއާ ބެހޭގޮތުންނާއި، އޭނާ ސަލާމަތްކުރުމަށް ކުރާ އުނދަގޫ މަސައްކަތްތަކާ ބެހޭގޮތުން މެދުނުކެނޑި ވާހަކަދެކެވުނެވެ. ބިންހެލުން އައި ވަގުތު ގިލް ހުރީ މޯލްއާ އިންވެގެން އޮންނަ ޕާކިން ލޮޓުގެ ބޭސްމަންޓުގައި ހުރި  ކުޑަ ކޮޓަރިއެއްގެ ތެރޭގައި ޑިއުޓީގަ އެވެ.

ބެލެވޭ ގޮތުގައި އެ ކޮޓަރި އޭނާގެ ވަށައިގެން އައްޑަނައެއް ފަދައިން އޮތުމުގެ ސަބަބުން، އޭނާގެ މައްޗަށާއި ވަށައިގެން ވެއްޓުނު 140 ޓަނުގެ ކޮންކްރީޓް ކުނިތަކުން އޭނާ ވަނީ ސަލާމަތްވެފަ އެވެ.