ވެނެޒުއެލާ އަށް އެހީވާނަން، އެންމެ އިސްކަމެއް ދޭނީ ތާށިވެފައި ތިބި މީހުން ސަލާމަތް ކުރުމަށް: ރޫބިއޯ

ވެނެޒުއެލާ އަށް އައި ބިން ހެލުމާ ގުޅިގެން އެމެރިކާ އިން އެ ޤައުމަށް އެހީތެރިކަން ދިނުމަށް ނިންމާފައިވާއިރު، އެންމެ އިސްކަމެއް ދެނީ ތާށިވެފައި ތިބި މީހުން ސަލާމަތް ކުރުމަށް ކަމަށް އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ ވިދާޅުވެއްޖެ އެވެ.

ނޫސްވެރިންނާ ވާހަކަ ދައްކަވަމުން ރޫބިއޯ ވިދާޅުވީ، މިހާރު އެމެރިކާ އިން ކަންބޮޑުވަނީ އިމާރާތް ތަކުގެ ތެރޭގައި ތާށިވެފައި ތިބި މީހުންނާ މެދު ކަމަށާއި، އެ މީހުން ސަލާމަތް ކުރުމަށް އެހީތެރިވުމަށް ބޭނުންވާ ކަމަށެވެ. އެ މީހުންގެ ތެރޭގައި އެމެރިކާގައި ދިރިއުޅޭ މީހުންގެ ގާތް ބައެއް މީހުން ތިބި ނަމަވެސް، އެމެރިކާ އަބަދުވެސް އިންސާނީ ކާރިސާ ތަކަށް އެހީތެރިކަން ދީފައިވާ ކަމަށާއި، ޚާއްސަކޮށް އެމެރިކާގެ ސަރަހައްދުގައި ހިނގާ ކަންކަމަށް އެހީތެރިވާ ކަމަށް ރޫބިއޯ ވިދާޅުވި އެވެ.

ރޫބިއޯ އިތުރަށް ވިދާޅުވީ މި ކާރިސާ އަށް އެހީތެރިވުމަށް މިހާރު އެމެރިކާ ތައްޔާރަށް އޮތް ކަމަށާއި، މިކަމުގައި އެމެރިކާ އިން ވަރަށް އަވަހަށް އެހީތެރިކަން ދޭނެ ކަމަށެވެ. އެގޮތުން ރޫބިއޯ ވިދާޅުވީ، މިވަގުތު އިސްކަން ދޭން ޖެހޭނީ އިންސާނީ ކަންކަމަށް ކަމަށާއި، ގެއްލުން ލިބި އަދި ޒަޚަމުވެފައިވާ މީހުންނަށް އެހީތެރިވުމަށް މަސައްކަތް ކުރާނެ ކަމަށެވެ.  

ވެނެޒުއެލާގައި ހިނގި މި ކާރިސާގައި މިހާތަނަށް މަރުވި މީހުންގެ އަދަދު މަދުވެގެން ވެސް 164 އަށް އަރާފައިވާއިރު، 1000 އަށް ވުރެ ގިނަ މީހުން ޒަޚަމުވެފައިވާ ކަމަށް ވަނީ ބުނެފައި އެވެ. މީހުން ސަލާމަތް ކުރުމުގެ މަސައްކަތްތައް ވަރަށް ބާރަށް ކުރިއަށްދާއިރު، ތާށިވެފައިވާ މީހުން ސަލާމަތް ކުރުމަށް އަވަސް މަސައްކަތްތައް ކުރިއަށްދާ ކަމަށް ރިޕޯޓުތައް ބުނެ އެވެ.

މީގެ އިތުރުން ރޫބިއޯ ވިދާޅުވީ މި ކާރިސާގައި އެތައް ބަޔަކު މަރުވެފައިވާ ކަމަށާއި، ބޮޑެތި ޒަޚަމްތައް ލިބިފައިވާ މީހުން ވެސް ތިބި ކަމަށެވެ. މީގެ އިތުރުން އަދިވެސް އެތައް ބަޔަކު އިމާރާތް ތަކުގެ ދަށުގައި ތާށިވެފައިވާ ކަމަށާއި، މިވަގުތު އެންމެ ބޮޑު އިސްކަމެއް ދޭން ޖެހެނީ އެ މީހުން ސަލާމަތް ކުރުމަށް ކަމަށް ވެސް އޭނާ ވިދާޅުވި އެވެ.