ސްޓަރމާ ފުނާ އަޅާފައި ހުންނަ ގޮތަށް މާކްސް ދެމުން އައި ސޯޝަލް މީޑިއާ އެކުންޓެއް މަޝްހޫރުވެ، ބޮޑު ވަޒީރުގެ އޮފީހުން ރަސްމީ ދައުވަތެއް!
އެ ބައްދަލުވުމުގައި ވެސް އޭނާ ވަނީ ސްޓަރމާގެ އިސްތަށިގަނޑު ފުނާ އަޅާފައި ހުންނަ ގޮތުގެ ފޮޓޯއެއް ނަގާފައި. އެ ފޮޓޯގައި ސްޓަރމާ ފެނިވަޑައިގަންނަވަނީ ލޯގަނޑެއްގެ ކުރިމަތީގައި ހުއްޓިގެން ހުރެ، ފުނަޔަކުން ބޮލުގައި ފުނާ އަޅާ މަންޒަރު. އެ ފޮޓޯ ހިއްސާ ކުރުމަށް ފަހު، އެ އެކައުންޓުން ބުނެފައި ވަނީ ސްޓަރމާގެ އިސްތަށިގަނޑުގެ ރޭޓިން އަކީ 10 އަކުން 10 އެއް ކަމަށް.
ލޯގަނޑެއްގެ ކުރިމަތީގައި ހުންނަވައި، އިނގިރޭސިވިލާތުގެ ބޮޑު ވަޒީރު ސްޓާމާ ބޮލުގައި ފުނާ އަަޅުއްވަނީ. | އިންސްޓަގްރާމް
އިނގިރޭސިވިލާތުގެ ބޮޑު ވަޒީރު ކިއާ ސްޓަރމާ ބޮލުގައި ފުނާ އަޅާފައި ހޮންނަ ގޮތަށް މާކްސް ދިނުމަށް، ނުވަތަ ރޭޓް ކުރުމަށް ސޯޝަލް މީޑިއާގައި އެކައުންޓެއް ހިންގާ މީހަކަށް، ބޮޑު ވަޒީރުގެ ރަސްމީ އޮފީހަށް ދައުވަތު ދެއްވައިފި އެވެ.
އިންސްޓަގްރާމްގައި ހިންގާ މި އެކަންޓުގެ ނަމަކީ "ރޭޓަޑްސްޓަރމާސްހެއަރ" އެވެ. މި އެކައުންޓު ހިންގާ ފަރާތަކަށް ވަނީ، ބޮޑު ވަޒީރުގެ ރަސްމީ އޮފީސް ޑައުނިންގ ސްޓްރީޓް އިން ދައުވަތު ދީފައި އެވެ. ބުދަ ދުވަހު އޭނާ ވަނީ ބޮޑު ވަޒީރުގެ އޮފީހަށް ގޮސް، ސްޓަރމާއާ ބައްދަލު ކުރައްވައިފަ އެވެ.
އެ ބައްދަލުވުމުގައި ވެސް އޭނާ ވަނީ ސްޓަރމާގެ އިސްތަށިގަނޑު ފުނާ އަޅާފައި ހުންނަ ގޮތުގެ ފޮޓޯއެއް ނަގައިފަ އެވެ. އެ ފޮޓޯގައި ސްޓަރމާ ފެނިވަޑައިގަންނަވަނީ ލޯގަނޑެއްގެ ކުރިމަތީގައި ހުއްޓިގެން ހުރެ، ފުނަޔަކުން ބޮލުގައި ފުނާ އަޅާ މަންޒަރެވެ. އެ ޕޮޓޯ ހިއްސާ ކުރުމަށް ފަހު، އެ އެކައުންޓުން ބުނެފައި ވަނީ ސްޓާމާގެ އިސްތަށިގަނޑުގެ ރޭޓިން އަކީ 10 އަކުން 10 އެއް ކަމަށެވެ.
ސިޔާސީ ދާއިރާ އަކީ ފޫހި ކަމެއް ނެތް, މަޖާ ދާއިރާ އަކަށް ހެދުމުގެ މަޤުސަދުގައި ފާއިތުވި ފަސް އަހަރު ދުވަހު އޮންލައިންކޮށް ހިންގަމުން އައި މި އެކައުންޓްގެ ވެރިޔާ އަށް ބޮޑު ވަޒީރުގެ ރަސްމީ އޮފީހުން ދައުވަތު ދިނީ އެކައުންޓުގެ މަޤުބޫލުކަން ބޮޑުވުމާ ގުޅިގެންނެވެ. މި ބައްދަލުވުމުގައި ބޮޑު ވަޒީރު ސްޓަރމާ އާއި އެމަނިކުފާނުގެ ޓީމުން ވަނީ އެކައުންޓު ހިންގާ ފަރާތާ އެކު ގިނަ ވަގުތު ތަކެއް ހޭދަ ކުރައްވައި، އެކި ކަންކަމާ ގުޅޭ ގޮތުން ވާހަކަ ދައްކަވައިފަ އެވެ.
މި ބައްދަލުވުމަކީ ގިނަ ބައެއްގެ މެދުގައި މަޤުބޫލުކަން ހޯދާފައިވާ މި އެކައުންޓަށް ލިބުނު ވަރަށް ބޮޑު ކުރިއެރުމެއްގެ ގޮތުގައި ގިނަ ބަޔަކު ދަނީ ސިފަ ކުރަމުންނެވެ. ބޮޑު ވަޒީރުގެ ރަސްމީ އޮފީހުގެ މަޝްހޫރު ކަޅު ދޮރުން އެތެރެ އަށް ވަދެ، ސީދާ ބޮޑު ވަޒީރާ ބައްދަލުކޮށް އިސްތަށިގަނޑަށް މާކްސް ދިނުމުގެ ފުރުސަތު ލިބުމަކީ މި މަސައްކަތަށް ލިބުނު ރަސްމީ ބަލައި ގަތުމެއް ކަމަށް އެ އެކައުންޓުން ކުރި ޕޯސްޓުގައި ވަނީ ބުނެފައި އެވެ.
މި އެކައުންޓަކީ ލޭބަރ ޕާޓީގެ ލީޑަރުގެ މަޤާމާ ސްޓަރމާ ހަވާލުވެ ވަޑައިގެންނެވިއިރުން ފެށިގެން، އޭނާގެ އިސްތަށިގަނޑަށް ފާޑު ކިޔައި، ފުނާ އަޅާފައި ހުންނަ ގޮތަށް މާކަސް ދެމުން އަންނަ އެކައުންޓެކެވެ. މި އެކައުންޓުގެ ސަބަބުން ސިޔާސީ ކަންކަމަށް އާންމުންގެ ޝައުޤުވެރިކަން އިތުރުވެފައިވާ ކަމަށް ގިނަ ބަޔަކު ދެކެ އެވެ.
އެ ބައްދަލުވުމާ ގުޅޭ ގޮތުން ބޮޑު ވަޒީރުގެ އޮފީހުން ބުނެފައި ވަނީ، އާންމު ރައްޔިތުންނާ ގާތުން މަސައްކަތް ކުރުމާއި، ސޯޝަލް މީޑިއާގެ ތަފާތު އުފެއްދުން ތަކަށް ހިތްވަރު ދިނުމަކީ ބޮޑު ވަޒީރު އިސްކަން ދެއްވާ ކަމެއް ކަމަށެވެ. މިއީ ސޯޝަލް މީޑިއާގައި ސަމާސާ ކުރުމުގެ މަޤުސަދުގައި ހިންގާ މިފަދަ ޕޭޖަކަށް، އިނގިރޭސިވިލާތުގެ ބޮޑު ވަޒީރު މިފަދަ ސަމާލު ކަމެއް ދެއްވި ފުރަތަމަ ފަހަރެވެ.
