ޔޫރޯ މަރކެޓިންގ، ފައިނޭންޝަލް އެކްސްޕޯ2026 ގެ ބެވަރޭޖް ޕަރޓްނަރ އަކަށް
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އިންތިޒާމުކުރާ "މޯލްޑިވްސް ފައިނޭންޝަލް އެކްސްޕޯ 2026" އަންނަ އަހަރުގެ ޖުލައި 2 އިން 4 އަށް ހުޅުމާލޭ ސެންޓްރަލް ޕާކުގައި ބޭއްވުމަށް ވަނީ ތައްޔާރުވެފަ. މާލީ ދާއިރާއަށް އާންމުން ހޭލުންތެރިކުރުވުމަށް ބާއްވާ މި މައުރަޒުގައި ޔޫރޯ މަރކެޓިންގ އިން އޮފިޝަލް ބެވަރޭޖް ޕަރޓްނަރުގެ ހައިސިއްޔަތުން ބައިވެރިވެ، ޒިޔާރަތްކުރާ ފަރާތްތަކަށް ލަވާޒާ ބްރޭންޑުގެ ކޮފީގެ ތަަފާތު ރަހަތައް ތަޖުރިބާކޮށްލުމުގެ ފުރުސަތު ފަހިކޮށްދޭންވަނީ ހަމަޖެހިފަ. މި އެކްސްޕޯ ކުރިއަށްދާނީ ކޮންމެ ދުވަހެއްގެ މެންދުރުފަހު 3:00 އިން ރޭގަނޑު 10:00 އަކަށް.
ޔޫރޯ ސްޓޯރ | ރާއްޖެއެމްވީ
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އިންތިޒާމުކޮށްގެން ބާއްވާ މޯލްޑިވްސް ފައިނޭންޝަލް އެކްސްޕޯ 2026 ގެ އޮފިޝަލް ބެވަރޭޖް ޕަރޓްނަރަކަށް ޔޫރޯ މާކެޓިންގ ޕްރައިވެޓް ލިމިޓެޑް ހަމަޖައްސައިފިއެވެ. މިއީ ރާއްޖޭގައި ބާއްވާ ގައުމީ ފެންވަރުގެ މާލީ މައުރަޒެއްގައި ޕްރީމިއަމް ކާބޯތަކެތީގެ ބާވަތްތައް ރާއްޖެއަށް އެތެރެކޮށް ފަތުރާ އެންމެ ބޮޑު އެއް ކުންފުނި ކަމަށްވާ ޔޫރޯ މަރކެޓިންގ އިން ބައިވެރިވާ ފުރަތަމަ ފަހަރެވެ.
މި އަހަރުގެ މޯލްޑިވްސް ފައިނޭންޝަލް އެކްސްޕޯ ބޭއްވުމަށް ހަމަޖެހިފައިވަނީ 2026 ޖުލައި 2 އިން 4 އަށް ހުޅުމާލޭ ސެންޓްރަލް ޕާރކުގައެވެ. "އެމްޕަވަރިންގ ސަސްޓެއިނަބަލް ފިއުޗަރސް: އިންކްލޫޝަން، އިނޮވޭޝަން، އެންޑް އިންޓެލިޖެންސް" މި ޝިއާރުގެ ދަށުން ބާއްވާ މި އެކްސްޕޯއަކީ މާލީ ދާއިރާގެ މުހިންމު ފަރާތްތަކާއި، ވިޔަފާރިތަކުގެ އިތުރުން އާންމު ރައްޔިތުން އެއްތަނަކުން ބައްދަލުވެ، މާލީ ދާއިރާއާ ގުޅޭ މައުލޫމާތު ހިއްސާކުރުމަށް ފަހިކޮށްދޭ މުހިންމު މަންސައެކެވެ.
އެކްސްޕޯގެ އޮފިޝަލް ބެވަރޭޖް ޕަރޓްނަރުގެ ހައިސިއްޔަތުން، ތިން ދުވަހުގެ މުއްދަތަށް ކުރިއަށްދާ މި ހަރަކާތުގައި ޔޫރޯ މަރކެޓިންގ އިން ހާއްސަ ބެވަރޭޖް ތަޖުރިބާއެއް ފޯރުކޮށްދޭނެއެވެ. އެގޮތުން އެކްސްޕޯއަށް ޒިޔާރަތްކުރާ ފަރާތްތަކަށް އިޓަލީގެ މަޝްހޫރު ބްރޭންޑެއް ކަމަށްވާ ލަވާޒާގެ ތަފާތު ކޮފީތަކާއި، އެ ކުންފުނީގެ ސިގްނޭޗަރ ކޯލްޑް ބްރޫ ކޮފީ ބޯލުމުގެ ފުރުސަތު ލިބިގެންދާނެއެވެ. މިއީ މައުރަޒުގެ ބައިވެރިންނާއި ޒިޔާރަތްކުރާ ފަރާތްތަކަށް ހިތްފަސޭހަ މާހައުލެއްގައި މައުލޫމާތު ބަދަލުކުރުމަށް ލިބޭނެ ފުރުސަތެއް ކަމަށް އެ ކުންފުނިން ބުނެއެވެ.
ޔޫރޯ މަރކެޓިންގ އިން ހާމަކުރި ގޮތުގައި މިފަދަ ގައުމީ ހަރަކާތްތަކުގައި ބައިވެރިވުމަކީ ބައިނަލްއަގުވާމީ ގޮތުން ބަލައިގަނެވިފައިވާ ބްރޭންޑްތަކާއި ފެންވަރު ރަނގަޅު މެހެމާންދާރީގެ ތެރެއިން ޒިޔާރަތްކުރާ ފަރާތްތަކުގެ ތަޖުރިބާ މުއްސަނދިކު ރުމަށް އެ ކުންފުނިން ދޭ އަހަންމިއްޔަތު ރަމްޒުކޮށްދޭ ކަމެކެވެ. އެކްސްޕޯ ކުރިއަށްދާ ވަގުތުތަކުގައި އެ ކުންފުނީގެ ސްޓޯލަށް ޒިޔާރަތްކުރާ ފަރާތްތަކަށް ލަވާޒާ ކޮފީގެ ރަހަތަކާއި އޭގެ ތާރީހާ ގުޅޭ މައުލޫމާތު ހިއްސާކުރުމަށް އެ ކުންފުނީގެ ޓީމުން ތިބޭނީ ތައްޔާރަށެވެ.
މި މައުރަޒު ކުރިއަށްދާނީ ކޮންމެ ދުވަހެއްގެ މެންދުރުފަހު 3:00 އިން ރޭގަނޑު 10:00 އަށެވެ. މޯލްޑިވްސް ފައިނޭންޝަލް އެކްސްޕޯއަކީ ރާއްޖޭގެ މާލީ ނިޒާމު ހަރުދަނާކުރުމަށާއި، މާލީ ހިދުމަތްތަކަށް އާންމުން ހޭލުންތެރިކުރުވުމަށް އެމްއެމްއޭ އިން ސިލްސިލާކޮށް ބާއްވަމުން އަންނަ މުހިންމު ހަރަކާތެކެވެ.
މަސްދަރު: Euro Marketing
