ފަހު ވަގުތު އައިވަރީ ކޯސްޓް ބަލިކޮށް، ނޯވޭ ގަދަ 16 އަށް
މޮޅާ އެކު ނޯވޭ އިން މުބާރާތުގެ ގަދަ 16 އިން ޖާގަ ހޯދިއިރު، މިއީ ނޯވޭ އިން މުބާރާތުގެ ނޮކްއައުޓް ބުރުގައި ހޯދި ފުރަތަމަ މޮޅު. މީގެ ކުރިން ދެ ފަހަރެއްގެ މަތިން ނޯވޭ ވަނީ ގަދަ 16 އިން ބަލިވެ ކަޓާފައި. މިފަހަރުގެ މުބާރާތުގެ ގަދަ 16 ގައި ނޯވޭ ނިކުންނާނީ ބްރެޒިލްއާ ދެކޮޅަށް.
މެޗުގައި ލަނޑު ޖެހުމަށް ފަހު ނޯވޭގެ ކުޅުންތެރިން އުފާާ ފާޅު ކުރަނީ. | ރޮއިޓާސް
ފީފާ ވޯލްޑް ކަޕްގައި އައިވަރީ ކޯސްޓާ ދެކޮޅަށް ކުޅުނު މެޗުން މޮޅުވެ، ނޯވޭ އިން މުބާރާތުގެ ގަދަ 16 އިން ޖާގަ ހޯދައިފި އެވެ.
އަންގާރަ ދުވަހުގެ ރޭ ކުޅުނު މެޗު ނޯވޭ އިން ކާމިޔާބު ކުރީ 2-1 އިންނެވެ. މެޗުގައި ނޯވޭ އިން ލަނޑު ޖަހައި ކުރި ހޯދާފައި ވަނިކޮށް، އައިވަރީ ކޯސްޓް އިން ނަތީޖާ ހަމަހަމަ ވެސް ކުރި އެވެ. ނަމަވެސް، ފަހު ވަގުތު ލަނޑު ޖަހައިގެން ނޯވޭ ވަނީ މެޗުން މޮޅުވެފައި އެވެ.
މެޗުގެ ފުރަތަމަ ހާފުގެ 39 ވަނަ މިނެޓުގައި ނޯވޭ އަށް ލީޑު ނަގައިދިނީ އެންޓޯނިއޯ ނޫސާ އެވެ. އެއީ މާޓިން އޮޑެގާޑް ތަނަވަސްކޮށްދިން ފުރުސަތެއްގައި އޭނާ ޖެހި ލަނޑެކެވެ. ނަމަވެސް މެޗުގެ ދެ ވަނަ ހާާފުގެ 74 ވަނަ މިނެޓުގައި އައިވަރީ ކޯސްޓް އިން ނަތީޖާ ހަމަހަމަ ކުރީ އަމަދު ޑިއާލޯ ޖެހި ލަނޑުންނެވެ.
މެޗުގައި އިތުރު ލަނޑު ޖަހަން ނޯވޭ އިން ގިނަ މަސައްކަތް ތަކެއް ކުރަމުން ދިޔައިރު، އެ ޓީމަށް އެކަން ކާމިޔާބު ކުރެވުނީ މެޗުގެ ފުރިހަމަ ވަގުތު ހަމަވާން ހަތަރު މިނެޓަށް ވެފައި ވަނިކޮށެވެ. މެޗުން ނޯވޭ މޮޅު ކޮށްދިނީ މުބާރާތުގައި މޮޅު ކުޅުމެއް ދައްކަމުން އަންނަ އާލިން ހާލަންޑް އެވެ.
މޮޅާ އެކު ނޯވޭ އިން މުބާރާތުގެ ގަދަ 16 އިން ޖާގަ ހޯދިއިރު، މިއީ ނޯވޭ އިން މުބާރާތުގެ ނޮކްއައުޓް ބުރުގައި ހޯދި ފުރަތަމަ މޮޅެވެ. މީގެ ކުރިން ދެ ފަހަރެއްގެ މަތިން ނޯވޭ ވަނީ ގަދަ 16 އިން ބަލިވެ ކަޓައިފަ އެވެ. މިފަހަރުގެ މުބާރާތުގެ ގަދަ 16 ގައި ނޯވޭ ނިކުންނާނީ ބްރެޒިލްއާ ދެކޮޅަށެވެ.
