ޕާކިސްތާނުގައި ޓިއުޝަން ސެންޓަރެއްގެ ފުރާޅު ވެއްޓި 14 ކުއްޖަކު މަރުވެއްޖެ
ޕާކިސްތާނުގެ އަމިއްލަ ޓިއުޝަން ސެންޓަރެއްގެ ފުރާޅު ވެއްޓި ހިނގި ހިތާމަވެރި ހާދިސާގައި 14 ކުޑަކުދިން މަރުވެ، އިތުރު ބަޔަކަށް ވަނީ އެކިވަރުގެ އަނިޔާ ލިބިފައި. މި ހާދިސާއާ ގުޅިގެން ކަމާބެހޭ އިދާރާތަކުން ތަހުގީގެއް ފަށާފައިވާއިރު، އިހުމާލުވި ކަމުގެ ތުހުމަތުގައި މިހާތަނަށް ދެ މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފައި. ރެސްކިއު ޓީމުތަކުން ބުނާގޮތުގައި މި ހާދިސާގައި މަރުވި އަދި އަނިޔާވި ގިނަ ކުދިންނަކީ އުމުރުން 7 އަހަރާއި 11 އަހަރާ ދެމެދުގެ ކުދިން.
ޕާކިސްތާނުގެ ލާހޯރުގައި ހުރި އިމާރާތެއްގެ ފުރާޅު ވެއްޓި އެތައް ކުއްޖަކު މަރުވި ހާދިސާ ހިނގި ސަރައްދު | ރެސްކިއު1122
ޕާކިސްތާނުގެ ލާހޯރުގައި ހުރި އިމާރާތެއްގެ ފުރާޅު ވެއްޓި، އެތަނުގައި ތިބި 14 ކުދިން މަރުވެއްޖެ ކަމަށް އޮފިޝަލުން ހާމަ ކޮށްފި އެވެ.
މި ހާދިސާ ހިނގާފައިވަނީ ޕާކިސްތާނުގެ ކަހްނާ ސަރަހައްދުގައި ހުންނަ އަމިއްލަ ޓިއުޝަން ސެންޓަރެއްގަ އެވެ.
ހާދިސާ ހިނގި ސަރަހައްދުން ނެރުނު ކުދިންގެ ތެރޭގައި އުމުރުން 10 އަހަރުން ދަށުގެ ކުޑަކުދިން ހިމެނޭ ކަމަށް ރިޕޯޓުތައް ބުނެ އެވެ.
އިމާރާތުގެ ފުރާޅު ވެއްޓެން މެދުވެރިވި ސަބަބު ބެލުމަށް ކަމާބެހޭ އިދާރާތަކުން މިހާރު ތަހުގީގެއް ފަށާފައިވާއިރު، މި ތަހުގީގުގެ ފުރަތަމަ މަރުހަލާގައި ދެ މީހަކު ވަނީ ފުލުހުންގެ ބެލުމުގެ ދަށަށް ގެންގޮސްފަ އެވެ.
އެމަޖެންސީ ސާވިސް "ރެސްކިއު 1122" ގެ ތަރުޖަމާނު ފާރޫގް އަހުމަދު ބީބީސީއަށް މައުލޫމާތު ދެއްވަމުން ވިދާޅުވީ، ރެސްކިއު އޮޕަރޭޝަން އެއްގަޑިއިރު ތެރޭގައި ނިންމާލާފައިވާ ކަމަށާއި، އިމާރާތުގެ ދަށުން ސަލާމަތްކުރި ގިނަ ކުދިންނަކީ އުމުރުން ހަތް އަހަރާއި 11 އަހަރާ ދެމެދުގެ ކުދިން ކަމަށެވެ.
މި ހާދިސާގައި އިތުރު ފަސް މީހަކަށް އެކިވަރުގެ އަނިޔާ ލިބިފައިވާ ކަމަށް ބެލެވެ އެވެ.
މަސްދަރު: ބީބީސީ
