އެކުއެޑޯ އަތުން ޖަރުމަނު ބަލިވިއިރު، އައިވަރީ ކޯސްޓަަށް ތާރީޚާ ކާމިޔާބެއް
މިއާ އެކު މި ގުރޫޕުގެ އެއް ވަނަ އަަށް ދިޔަ ޖަރުމަނު އަދި ދެ ވަނަ އަށް ދިޔަ އައިވަރީ ކޯސްޓަށް ވެސް ލިބެނީ ހަ ޕޮއިންޓެވެ. ލަނޑުގެ ގޮތުން ކުރި ހޯދަނީ ޖަރުމަނު.
މެޗުގައި ލަނޑު ޖެހުމަށް ފަހު އެކުއެޑޯގެ ކުޅުންތެރިން އުފާ ފާޅު ކުރަނީ. | ރޮއިޓާސް
މިހާރު ކުރިއަށްދާ ފީފާ ވޯލްޑް ކަޕްގެ ގުރޫޕު އީގައި އެކުއެޑޯއާ ދެކޮޅަށް ކުޅުނު މެޗުން ޖަރުމަނު ބަލިވެއްޖެ އެވެ.
ބުރާސްފަތި ދުވަހުގެ ރޭ ދަންވަރު ކުޅުނު މެޗު އެކުއެޑޯ އިން ކާމިޔާބު ކުރީ 2-1 އިންނެވެ.
މެޗު ފަށައިގެން ދެ ވަނަ މިނެޓުގައި ޖަރުމަނަށް ލީޑު ނަގައިދިނީ ލެރޯއީ ސާނޭ އެވެ. ނަމަވެސް އޭގެ ހަތް މިނެޓު ފަހުން އެކުއެޑޯ އަށް ނަތީޖާ ހަމަހަމަ ކޮށްދިނީ ވިލްސަން އަަންގޫލޯ އެވެ. އޭގެ ފަހުން މެޗުގެ 77 ވަނަ މިނެޓުގައި އެކުއެޑޯ އަށް ލީޑު ނަގައިދިނީ ގޮންޒާލޯ ޕްލާޓާ އެވެ.
މި ގުރޫޕުގައި ކިއުރުސާއޯއާ ދެކޮޅަށް ކުޅުނު މެޗު އައިވަރީ ކޯސްޓް އިން ކާމިޔާބު ކުރީ 2-0 އިންނެވެ.
މެޗު ފަށައިގެން ހަތް ވަނަ މިނެޓުގައި އައިވަރީ ކޯސްޓަށް ލީޑު ނަގައިދިނީ ގޮންޒާލޯ ޕްލާޓާ އެވެ. އޭގެ ފަހުން ދެ ވަނަ ހާފުގެ 64 ވަނަ މިނެޓުގައި ޕެޕޭ ވަނީ ދެ ވަނަ ލަނޑެއް ޖަހައި އެ ޓީމުގެ ލީޑު ފުޅާ ކޮށްފައި އެވެ.
މިއާ އެކު މި ގުރޫޕުގެ އެއް ވަނަ އަަށް ދިޔަ ޖަރުމަނު އަދި ދެ ވަނަ އަށް ދިޔަ އައިވަރީ ކޯސްޓަށް ވެސް ލިބެނީ ހަ ޕޮއިންޓެވެ. ލަނޑުގެ ގޮތުން ކުރި ހޯދަނީ ޖަރުމަނެވެ. ދެ ޓީމަަށް މުބާރާތުގެ ދެ ވަނަ ބުރުން ޖާގަ ލިބުނުއިރު، މިއީ އައިވަރީ ކޯސްޓަށް މުބާރާތުގެ ދެ ވަނަ ބުރުން ޖާގަ ލިބުނު ފުރަތަމަ ފަހަރެވެ.
