ދެކުނު ކޮރެއާ ބަލިކޮށް، ތާރީޚީ ކާމިޔާބާ އެކު ދެކުނު އެފްރިކާ ދެ ވަނަ ބުރަށް
މޮޅާ އެކު ދެކުނު އެފްރިކާ ވަނީ ތިން މެޗުން ހަތަރު ޕޮއިންޓާ އެކު ގުރޫޕުގެ ދެ ވަނަ ހޯދާފައި. ދެކުނު އެފްރިކާ އަތުން ބަލިވި ދެކުނު ކޮރެއާ އޮތީ ތިން ޕޮއިންޓާ އެކު ތިން ވަނައިގައި. އެ ޓީމަށް ދެ ވަނަ ބުރުގެ ފުރުސަތު އޮތީ، އެންމެ ރަނގަޅު ނަތީޖާ ނެރޭ ތިން ވަނަ ޓީމު ތަކުގެ ތެރޭގައި ހިމެނިގެން.
މެޗުގައި ލަނޑު ޖެހުމަށް ފަހު ދެކުނު އެފްރިކާގެ ކުޅުންތެރިން އުފާ ފާޅު ކުރަނީ. | ރޮއިޓާސް
މިހާރު ކުރިއަށްދާ ފީފާ ވޯލްޑް ކަޕްގެ ގުރޫޕު އޭގައި ދެކުނު ކޮރެއާއާ ދެކޮޅަށް ކުޅުނު މެޗުން މޮޅުވެ، ދެކުނު އެފްރިކާ އިން މުބާރާތުގެ ދެ ވަނަ ބުރުން ޖާގަ ހޯދައިފި އެވެ.
ބުރާސްފަތި ދުވަހުގެ ހެނދުނު ކުޅުނު މެޗު ދެކުނު އެފްރިކާ އިން ކާމިޔާބު ކުރީ 1-0 އިންނެވެ. މެޗުގައި ދެކުނު އެފްރިކާ އިން ލަނޑު ޖެހީ ވެސް ދެ ވަނަ ހާފުގައި އެވެ.
މެޗު ފަށައިގެން ދެ ޓީމުގެ ފަރާތުން ވެސް ހަމަހަމަ ކުޅުމެއް ފެނުނުއިރު، ދެ ޓީމަށް ވެސް ލަނޑު ޖަހާނެ ފުރުސަތު ލިބިފައި އެވެ. ނަމަވެސް، ފުރަތަމަ ހާފު ނިމުނީ އެއްވެސް ޓީމަކަށް ލަނޑެއް ނުޖެހި އެވެ.
މެޗުގެ ދެ ވަނަ ހާފުގެ 63 ވަނަ މިނެޓުގައި ދެކުނު ކޮރެއާ އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު އެ ޓީމަށް ޖަހައިދިނީ ތަޕެލޯ މަސެކޯ އެވެ.
މޮޅާ އެކު ދެކުނު އެފްރިކާ ވަނީ ތިން މެޗުން ހަތަރު ޕޮއިންޓާ އެކު ގުރޫޕުގެ ދެ ވަނަ ހޯދައިފަ އެވެ. ފުރަތަމަ މެޗުގައި މެކްސިކޯ އަތުން ބަލިވި ނަމަވެސް، ދެ ވަނަ މެޗުގައި ވަނީ ޗެކް ރިޕަބްލިކާ އެއްވަރު ކޮށްފައި އެވެ. ތިން ވަނަ މެޗުގައި ދެކުނު ކޮރެއާ ބަލިކޮށް، ދެ ވަނަ ބުރުން ޖާގަ ހޯދީ އެވެ. މިއީ ދެކުނު އެފްރިކާ އިން މުބާރާތުގެ ގުރޫޕު ސްޓޭޖު ފަހަނަ އަޅައި ދިޔަ ފުރަތަމަ ފަހަަރެވެ.
ދެކުނު އެފްރިކާ އަތުން ބަލިވި ދެކުނު ކޮރެއާ އޮތީ ތިން ޕޮއިންޓާ އެކު ތިން ވަނައިގައި އެވެ. އެ ޓީމަށް ދެ ވަނަ ބުރުގެ ފުރުސަތު އޮތީ، އެންމެ ރަނގަޅު ނަތީޖާ ނެރޭ ތިން ވަނަ ޓީމު ތަކުގެ ތެރޭގައި ހިމެނިގެންނެވެ.
