ފުރިހަމަ ރެކޯޑާ އެކު މެކްސިކޯ ދެ ވަނަ ބުރަށް
25 ޖޫން 2026 | ބުރާސްފަތި 03:17މޮޅާ އެކު މެކްސިކޯ އިން މުބާރާތުގެ ދެ ވަނަ ބުރުގެ ޖާގަ ހޯދީ ކުޅުނު ތިން މެޗުން ވެސް މޮޅުވެ ނުވަ ޕޮއިންޓާ އެކު.
މެޗުގައި ލަނޑު ޖެހުމަށް ފަހު މެކްސިކޯގެ ކުޅުންތެރިން އުފާ ފާޅު ކުރަނީ. | ރޮއިޓާސް
މިހާރު ކުރިއަށްދާ ފީފާ ވޯލްޑް ކަޕްގެ ގުރޫޕު އޭގައި ޗެކް ރިޕަބްލިކާ ދެކޮޅަށް ކުޅުނު މެޗުން ވެސް މޮޅުވެ، މެކްސިކޯ އިން މުބާރާތުގެ ދެ ވަނަ ބުރުން ޖާގަ ހޯދައިފި އެވެ.
ބުރާސްފަތި ދުވަހުގެ ހެނދުނު ކުޅުނު މެޗު މެކްސިކޯ އިން ކާމިޔާބު ކުރީ 3-0 އިންނެވެ. މެޗުގައި މެކްސިކޯ އިން އެ ޓީމުގެ ތިން ލަނޑު ވެސް ޖެހީ މެޗުގެ ދެ ވަނަ ހާފުގައި އެވެ.
މެޗުގެ ދެ ވަނަ ހާފު ފަށައިގެން 10 ވަނަ މިނެޓުގައި މެކްސިކޯ އިން ވަނީ ލަނޑު ޖަހައި ލީޑު ނަގައިފަ އެވެ. އެ ލަނޑު މެކްސިކޯ އަށް ޖަހައިދިނީ މަތެއޯ ޗަވޭޒް އެވެ. އޭގެ ހަ މިނެޓު ފަހުން މެކްސިކޯގެ ދެ ވަނަ ލަނޑު ޖަހައި ލީޑު ފުޅާ ކޮށްދިނީ ހޫލިއަން ކުއިނޯންސް އެވެ.
ދެ ލަނޑު ޖެހި ފަހުން ވެސް މެކްސިކޯ އިން ރަނގަޅަށް ކުޅެމުން ދިޔައިރު، ޗެކް ރިޕަބްލިކުން ވެސް ވަނީ ލަނޑު ޖަހަން މަސައްކަތް ކޮށްފައި އެވެ. މެޗުގެ ފުރިހަމަ ވަގުތު ހަމަވެ އިތުރަށް ދެއްކި ވަގުތުގައި މެކްސިކޯގެ ތިން ވަނަ ލަނޑު ޖެހީ، އަލްވާރޯ ފިޑަލްކޯ އެވެ.
މޮޅާ އެކު މެކްސިކޯ އިން މުބާރާތުގެ ދެ ވަނަ ބުރުގެ ޖާގަ ހޯދީ ކުޅުނު ތިން މެޗުން ވެސް މޮޅުވެ ނުވަ ޕޮއިންޓާ އެކު އެވެ.
