ސްވިޒަލެންޑާއި ކެނެޑާ ވެސް ދެ ވަނަ ބުރަށް
މޮޅާ އެކު ސްވިޒަލެންޑުން މުބާރާތުގެ އަނެއް ބުރުގެ ޖާގަ ހޯދީ ތިން މެޗުން ހަތް ޕޮއިންޓާ އެކު. ދެ ވަނައިގައި ކެނެޑާ އަށް ތިން މެޗުން ހަތަރު ޕޮއިންޓު ލިބޭއިރު، އެ ޓީމަށް ވެސް ވަނީ މުބާރާތުގެ ދެ ވަނަ ބުރުން ޖާގަ ލިބިފައި.
މެޗުގައި ލަނޑު ޖެހުމަށް ފަހު ސްވިޒަލެންޑުގެ ކުޅުންތެރިން އުފާ ފާޅު ކުރަނީ. | ރޮއިޓާސް
މިހާރު ކުރިއަށްދާ ފީފާ ވޯލްޑް ކަޕްގެ ގުރޫޕު ބީގައި ކެނެޑާއާ ދެކޮޅަށް ކުޅުނު މެޗުން މޮޅުވެ، ސްވިޒަލެންޑުން ގުރޫޕުގެ އެއް ވަނައިގައި ދެ ވަނަ ބުރުން ޖާގަ ހޯދައިފި އެވެ.
ބުދަ ދުވަހުގެ ރޭ ދަންވަރު ކުޅުނު މެޗު ސްވިޒަލެންޑުން ކާމިޔާބު ކުރީ 2-1 އިންނެވެ. މެޗުގައި ދެ ޓީމުން ވެސް ލަނޑު ޖަހާފައި ވަނީ މެޗުގެ ދެ ވަނަ ހާފުގައި އެވެ.
މެޗުގެ ދެ ވަނަ ހާފު ފަށައިގެން ފުރަތަމަ މިނެޓުގައި ސްވިޒަލެންޑަށް ލީޑު ނަގައިދިނީ ރުބެން ވާގަސް އެވެ. އޭގެ ފަހުން މެޗުގެ 57 ވަނަ މިނެޓުގައި ޖޯހަން މަންޒަމްބީ ވަނީ ސްވިޒަލެންޑުގެ ދެ ވަނަ ލަނޑު ޖަހައި ލީޑު ފުޅާ ކޮށްފަ އެވެ.
ސްވިޒަލެންޑުން ދެ ލަނޑުގެ ލީޑެއް ނެގި ފަހުން ވެސް ކެނެޑާ އިން ވަނީ ލަނޑު ޖަހަން މަސައްކަތް ކޮށްފައި އެވެ. މެޗުގައި ލަނޑު ޖަހަން ކެނެޑާ އިން ކުރި މަސައްކަތް ކާމިޔާބު ކުރެވުނީ 76 ވަނަ މިނެޓުގައި އެވެ. އެ ލަނޑު ކެނެޑާ އަށް ޖަހައިދިނީ ޕްރޮމިސް ޑޭވިޑް އެވެ.
މޮޅާ އެކު ސްވިޒަލެންޑުން މުބާރާތުގެ އަނެއް ބުރުގެ ޖާގަ ހޯދީ ތިން މެޗުން ހަތް ޕޮއިންޓާ އެކު އެވެ. ދެ ވަނައިގައި ކެނެޑާ އަށް ތިން މެޗުން ހަތަރު ޕޮއިންޓު ލިބޭއިރު، އެ ޓީމަށް ވެސް ވަނީ މުބާރާތުގެ ދެ ވަނަ ބުރުން ޖާގަ ލިބިފައި އެވެ.
