އީރާންގެ އެއްބަސްވުން ދެމެހެއްޓުމަށް، އެމެރިކާ އިން އިޒްރޭލް އަށް ދޭ އެހީ ކަނޑާލަން ޖެހޭ: ޖޯ ކެންޓް

އެމެރިކާ އާއި އީރާންއާ ދެމެދު އެކުލަވާލާ އެއްބަސްވުން ދެމެހެއްޓުމަށްޓަކައި، އެމެރިކާާ އިން އިޒްރޭލް އަށް ދެމުން އަންނަ އެހީ ކަނޑާލަން ޖެހޭ ކަމަށް އެމެރިކާގެ ކައުންޓަ ޓެރަރިޒަމް ސެންޓަރުގެ ކުރީގެ އިސްވެރިޔާ ޖޯ ކެންޓް ވިދާޅުވެއްޖެ އެވެ.

އެމެރިކާ އިން އީރާންއާ ދެކޮޅަށް ފެށި ހަނގުރާމައާ ދެކޮޅު ހެދުމުގެ ގޮތުން، މިއަހަރުގެ މާޗު މަހުގެ ތެރޭގައި ކެންޓް ވަނީ މަގާމުން އިސްތިއުފާ ދެއްވައިފަ އެވެ. އަދި އެމެރިކާ އިން އީރާންއާ ދެކޮޅަށް ކުރަމުން އައި ހަނގުރާމަ އަށް އޭނާ ވަނީ ވަރަށް ބޮޑަށް ފާޑު ވެސް ވިދާޅުވެފައި އެވެ. 

އެކްސްގައި ކުރެއްވި ޕޯސްޓެއްގައި ކެންޓް ވިދާޅުވީ، އިޒްރޭލް އިން ވަނީ މި އެއްބަސްވުން ބަރުބާދު ކުރުމަށް ލިބުނު ހުރިހާ ފުރުސަތެއް ނަގާފައިވާ ކަމަށާއި، އެމެރިކާ އިން ފިޔަވަޅު ތަކެއް ނާޅައިފި ނަމަ އަނެއްކާާ ވެސް އިޒްރޭލް އިން އެކަން ކުރާނެ ކަމަށެވެ. އެހެންވެ، އިޒްރޭލް އަށް ދެމުން އަންނަ ހަނގުރާމައިގެ އެހީތެރިކަމާއި، ބައިނަލްއަޤުވާމީ އެހީތެރިކަން ކަނޑާލުމަކީ ކުރެވިދާނެ ކަމެއް ކަަމަށް އޭނާ ވިދާޅުވި އެވެ. 

މީގެ އިތުރުން ކެންޓް ވިދާޅުވެފައި ވަނީ، ގަލްފުގެ ސަރަހައްދުގައި އީރާން އަށް ހަމަލާ ދެވޭ ހިސާބު ތަކުގައި ހންނަ އެމެރިކާގެ އަސްކަރީ ބޭސް ތަކުން ސިފައިން ނެރެން ޖެހޭ ކަމަށް ވެސް ވިދާޅުވެފައި އެވެ. މިކަން ކުރުމުން، އީރާންގެ ހަރުކަށި ފިކުރުގެ ބޭފުޅުންނަށް، އެމެރިކާ އަށް ހަމަލާދީ، އެމެރިކާ އަލުން ހަނގުރާމަ އަށް ގެންދިޔުމުގެ ފުރުސަތު ނުލިބޭނެ ކަމަށް ވެސް އޭނާ ވިދާޅުވި އެވެ. 

ހަމަ އެހެންމެ، އިޒްރޭލް ނުވަތަ އީރާންގެ ޝަރުތު ތަކުގެ މަތިން އެމެރިކާ އަލުން ހަނގުރާމަ އަށް ވަދެވޭނެ އަދި ކޮންޓްރޯލް ކުރެވޭނެ ހުރިހާ ކަމެއް ނައްތާލަން ޖެހޭ ކަމަށް ކެންޓް ވިދާޅުވި އެވެ. އަދި ކޮންޓްރޯލް ކުރެވޭ ހުރިހާ ޙާލަތްތައް އެމެރިކާގެ ފައިދާ އަށް ހަމަޖައްސަން ޖެހޭ ކަމަށް ވެސް އޭނާ ވަނީ ވިދާޅުވެފައި އެވެ. 

އިޒްރޭލުގެ ނުވަތަ އީރާނުގެ ޝަރުތުތަކުގެ މަތިން އެމެރިކާ އަލުން ހަނގުރާމައަށް ވަދެވޭނެ ކޮންޓްރޯލްކުރެވޭ ހުރިހާ ކަމެއް ނައްތާލަން ޖެހޭ ކަމަށް ކެންޓް ވިދާޅުވިއެވެ. އަދި ކޮންޓްރޯލްކުރެވޭ ހުރިހާ ހާލަތްތައް އެމެރިކާގެ ފައިދާއަށް ހަމަޖައްސަން ޖެހޭ ކަމަށްވެސް އޭނާ ވަނީ ވިދާޅުވެފައެވެ.