ފައިނަލް އެއްބަސްވުމަކާ ހަމައަށް ދެވެންދެން، އީރާންއާ ދެކޮޅަށް ދަތި ކުރުމުގެ ފިޔަވަޅު ނާޅަން އެމެރިކާ އިން އެއްބަސްވެއްޖެ

އެމެރިކާ އާއި އީރާންއާ ދެމެދު ކުރިއަށްދާ މަޝްވަރާ ތަކުގައި މުހިންމު ކުރިއެރުމެއް ލިބިފައިވާ ކަމަށް، އީރާންގެ އިސްވެރިޔަކު ހާމަ ކޮށްފި އެވެ. 

އީރާންގެ އިސްވެރިޔަކު ވިދާޅުވެފައި ވަނީ، ދެ ޤައުމުގެ ދެ މެދުގައި އެކުލަވާލާފައިވާ މެމޮރެންޑަމެއްގައި، ފައިނަލް އެއްބަސްވުމަަކަށް ދެ ޤައުމުން ވާސިލު ވަންދެން، އީރާންއާ ދެކޮޅަށް އައު ފިޔަވަޅު ތަކެއް ނާޅަން އެމެރިކާ އިން އެއްބަސްވެފައިވާ ކަމަށެވެ. 

ރޮއިޓާސް އަށް މައުލޫމާތު ދެއްވަމުން އީރާންގެ އިސް އޮފިޝަލަކު ވިދާޅުވީ، މި މެމޮރެންޑަމް އަކީ ދެ ޤައުމުގެ ދެ މެދުގައި އިތުބާރު ބިނާ ކުރުމަށް އެޅޭނެ މުހިންމު ފިޔަވަޅެކެވެ. އެހެން ނަމަވެސް، މި މައުލޫމާތު ހާމަ ކުރުމުގައި އެ އިސްވެރިޔާގެ ނަން ހާމަ ނުކުރަން އެދިވަޑައިގަންނަވާ ކަމަށް ރޮއިޓާސްގައި ވަނީ ބުނެފައި އެވެ. 

މި މެމޮރެންޑަމްގައި ހިމެނޭ މައިގަނޑު ނުކުތާ އަކީ، އެމެރިކާ އިން އީރާންއާ ދެކޮޅަށް އައު އިގްތިސާދީ ފިޔަވަޅުތަކެއް، ނުވަތަ ދަތި ކުރުން ތަކެއް ނޭޅުމެވެ. މިއީ ދެ ގައުމުގެ ދެ މެދުގައި ފުޅާ އެއްބަސްވުމަކަށް ވާސިލު ވުމަށް މަގުފަހި ކޮށްދޭނެ ފިޔަވަޅެއް ކަމަށް ދިރާސާ ކުރާ ފަރާތް ތަކުން ދެކެ އެވެ.

އެމެރިކާ އާއި އީރާންއާ ދެމެދު އޮތް ގުޅުން ވަނީ ވަރަށް ބޮޑަށް ހީނަރުވެފައި އެވެ. ޚާއްސަކޮށް އީރާންގެ ނިއުކްލިއާ ޕްރޮގްރާމްއާ ގުޅިގެން، ދެ ގައުމުގެ ދެ މެދުގައި ބޮޑެތި ޚިލާފު ތަކެއް އޮވެ އެވެ. އެމެރިކާ އިން އީރާންއާ ދެކޮޅަށް ދަތި ކުރުމުގެ ފިޔަވަޅު ތަކެއް ވަނީ އަޅައިފަ އެވެ. އީރާން އިން ބާރު އަޅަމުން އަންނަނީ އެ ޤައުމާ ދެކޮޅަށް އަޅާފައިވާ ފިޔަވަޅުތައް އުވާލުމަށެވެ. 

މި މެމޮރެންޑަމް އަކީ ދެ ގައުމުގެ މެދުގައި ދިގު މުއްދަތަކަށް ދެމި އޮތް ނުތަނަވަސްކަން ހައްލު ކުރުމަށް އަޅާ ފުރަތަމަ ފިޔަވަޅު ކަމުގައިވާ ނަމަ، މި މަޝްވަރާ ތަކުގެ ނަތީޖާ އަކީ ކޮބައިކަން ދުނިޔޭގެ ސިޔާސީ ދާއިރާ ތަކުން ވަރަށް ބޮޑަށް ބަލަމުން ގެންދާނެ އެވެ. އީރާންގެ ނިއުކްލިއާ ޕްރޮގްރާމްއާ ގުޅިގެން ބައިނަލްއަގްވާމީ މުޖުތަމައުގައި އޮތް ކަންބޮޑުވުންތައް ހައްލު ކުރެވިދާނެ ކަމަށް އުންމީދު ކުރެވެ އެވެ.

މި މެމޮރެންޑަމްގެ ތަފްސީލްތައް އަދި ފުރިހަމަ އަށް ހާމަ ކޮށްފައި ނުވެ އެވެ. އެހެން ނަމަވެސް، މި މައުލޫމާތު ހާމަވުމުން ދެ ގައުމުގެ މެދުގައި ގުޅުން ރަނގަޅު ކުރުމަށް ކުރިއަށްދާ މަސައްކަތް ތަކަށް ވަރަށް ބޮޑު އިތުބާރެއް ލިބިގެން ދާނެ ކަމަށް ބެލެވެ އެވެ.