ހިމަބިހީގެ އިތުރު 4 ކޭސް ފެނިއްޖެ، ޖުމްލަ އަދަދު 15 އަށް އަރައިފި: އެޗްޕީއޭ
ރާއްޖެއިން މިހާތަނަށް ހިމަބިހީގެ 15 ކޭސް ފެނިފައިވާއިރު، ބަލި ފެތުރުން ކުޑަކުރުމަށްޓަކައި ބަލިޖެހުނު މީހުންނާ ދިމާވި ފަރާތްތައް ދެނެގަނެ "ރިންގް ވެކްސިން" ދިނުމުގެ މަސައްކަތް އެޗްޕީއޭއިން ވަނީ ފަށާފަ. ވައިގެ މަގުން ހަލުވިކަމާއެކު ފެތުރޭ މި ބަލީގެ ހާލަތު މޮނިޓަރުކޮށް، ކޮންމެ އަންގާރަ ދުވަހަކު ބަލީގެ ތަފާސްހިސާބުތައް އާންމުކުރުމަށް އެ އެޖެންސީން ވަނީ ނިންމާފަ. އެހެންކަމުން ބަލީގެ އަލާމާތެއް ފެނިއްޖެނަމަ ސަމާލުވުމަށާއި ވެކްސިން ފުރިހަމަކުރުމަށް ސިއްހީ މާހިރުން އިލްތިމާސްކުރޭ.
ހެލްތު މިނިސްޓްރީ: އެޗްޕީއޭ އިން ބުނީ މި ބައްޔަށް އިތުރު 4 މީހުން ފާއިތުވި ހަފްތާގައި ޕޮޒިޓިވްވެފައިވާ ކަމަށް | ރާއްޖެއެމްވީ
ދިވެހިރާއްޖެއިން މީސެލްސް ނުވަތަ ހިމަބިއްސަށް ޕޮޒިޓިވް އިތުރު 4 މީހަކު ފެނިފައިވާ ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ހާމަކޮށް ބުނެފި އެވެ.
އެ އެޖެންސީން ބުނީ ފާއިތުވި ހަފްތާގައި އެ ބައްޔަށް އިތުރު 4 މީހުން ޕޮޒިޓިވްވެފައިވާ ކަމަށާއި މި އަހަރުގެ މިހާތަނަށް ރާއްޖެއިން ހިމަބިހީގެ ޖުމްލަ 15 ކޭސް ރިޕޯޓްކޮށްފައިވާ ކަމަށެވެ. މީގެ ތެރޭގައި ރާއްޖެއިން ބޭރުން ބަލި ޖެހިގެން އައި ދެ މީހަކު ވެސް ހިމެނެ އެވެ.
މި ބައްޔަށް ޝައްކުކުރެވޭ އިތުރު ކޭސްތަކެއްގެ އިންވެސްޓިގޭޝަން ނުވަތަ ތަހުގީގު ކުރުމުގެ މަސައްކަތް މިހާރުވެސް ކުރިއަށްދާ ކަމަށް އެ އެޖެންސީން މައުލޫމާތު ދެ އެވެ.
ހިމަބިހި ފެތުރުން ހުއްޓުވުމަށްޓަކައި އެޗްޕީއޭ އިން އަންނަނީ ބަލި ފެތުރުމުގެ ފުރުސަތު އޮތް މިންވަރު ދެނެގަތުމަށާއި، ބަލިޖެހުނު މީހުންނާ ގާތުން އެއްތާވި ފަރާތްތައް ދެނެގަތުމުގެ މަސައްކަތް ކުރަމުންނެވެ.
މީގެ އިތުރުން، މި ކޭސްތައް މޮނިޓަރކޮށް، ހިމަބިހި ވެކްސިން ފުރިހަމަނުވާ ފަރާތްތަކަށާއި، ބަލިޖެހުނު ފަރާތްތައް ދިރިއުޅޭ ސަރަހައްދުތަކުގައި "ރިންގް ވެކްސިން" ދިނުމުގެ ކަންތައްތައް ކުރިއަށް ގެންދާނެ ކަމަށް ވެސް އެޗްޕީއޭ އިން ބުނެފައިވެ އެވެ.
ބަލީގެ އަލާމާތްތަކާ ގުޅޭގޮތުން އެޗްޕީއޭ އިން ބުނީ، ހިމަބިހި ޖެހުމުން ފުރަތަމަ ބިހިތައް ނަގާނީ މޫނާއި ކަރުގައި ކަމަށެވެ. އެއަށްފަހު މޭމަތި، ބުރަކަށި، އަތް އަދި ފައިގައި ބިހިތައް ނަގަން ފަށާނެއެވެ. މި ބަލި ޖެހިފައިވާ މީހެއްގެ ފަރާތުން އެހެން މީހަކަށް ބަލި ފެތުރެނީ ބިހި ނެގުމުގެ ހަތަރު ދުވަސް ކުރިން ފެށިގެން، ބިހި ނެގުމަށްފަހު ހަތަރު ދުވަސް ހަމަވަންދެންނެވެ. މިއީ ކެއްސާ ކިނބިހި އެޅުމުގެ ތެރެއިން ވައިގެ މަގުން ވަރަށް ހަލުވިކަމާއެކު ފެތުރޭ ބައްޔެކެވެ.
އެޗްޕީއޭއިން މައުލޫމާތު ދިން ގޮތުގައި، ހިމަބިހީގެ ކޭސްތަކާ ގުޅޭ އަދާހަމަ މައުލޫމާތުތައް އާންމު ކުރުމަށް ހަމަޖެހިފައިވަނީ ހަފުތާއަކު އެއްފަހަރު އެވެ. އެގޮތުން މި ބަލީގެ ތަފާސްހިސާބުތައް އެ އޭޖެންސީ އިން އާންމު ކުރަނީ ކޮންމެ އަންގާރަ ދުވަހެއްގަ އެވެ.
