މިވަގުތު ޒެލެންސްކީއާ ބައްދަލު ކުރަން ޖެހޭ ސަބަބެއް ނެތް ކަމަށް ޕުޓިން ވިދާޅުވެއްޖެ
ޒެލެންސްކީގެ ސިޓީ އަށް އިޝާރާތް ކުރައްވާ ޕުޓިން ވިދާޅުވީ، އެ ސިޓީގައި އޮތީ އޭނާ ވަރަށް ކޯފާވާ ކަހަލަ ވާހަކަ ތަކެއް ކަމަށް. އެއީ ބައްދަލުވުމަށް މަގުފަހި ކުރުމުގެ ނިޔަތެއް އޮތް ސިޓީއެއް ނޫން ކަމަށް ވެސް ޕުޓިން ވިދާޅުވި. ޒެލެންސްކީގެ ނަން ސީދާ ވިދާޅުނުވި ނަމަވެސް، ޕުޓިން ވިދާޅުވީ މިވަގުތު އެއްވެސް ބައްދަލުވުމެއް ބާއްވަން ޖެހޭ ސަބަބެއް ނެތް ކަމަށް.
ރަޝިޔާގެ ރައީސް ޕުޓިން. | ގެޓީ އިމޭޖަސް
ޔޫކްރެއިންގެ ރައީސް ވުލޮޑިމިއަރ ޒެލެންސްކީއާ ބައްދަލު ކުރަން ޖެހޭ އެއްވެސް ސަބަބެއް މިވަގުތު ނެތް ކަމަށް، ރަޝިއާގެ ރައީސް ވްލަޑިމިއަރ ޕުޓިން ވިދާޅުވެއްޖެ އެވެ.
ޕުޓިން މިހެން ވިދާޅުވެފައި ވަނީ ދެ ޤައުމުގެ ރައީސުން ބައްދަލުކޮށް، މިހާރު ހިނގަމުން އަންނަ ހަނގުރާމަ ނިންމުމަށް މަޝްވަރާ ކުރުަމަށް ޒެެލެންސްކީގެ ފަރާތުން އެދިވަޑައިގެންފައި ވަނިކޮށެވެ.
އެމެރިކާއާ އެކުވެގެން އެހެން ޤައުމު ތަކަށް ޒެލެންސްކީ ފޮނުއްވި ސިޓީގައި ވިދާޅުވެފައި ވަނީ، ޔޫކްރެއިންގެ މިސައިލް ހަމަލާ ތަކުން ރަޝިޔާގެ ރައްޔިތުން ވަރުބަލި ވެފައިވާ ކަމަށާއި، ރަޝިޔާގެ އިންފްލޭޝަން މައްޗަށް ދިޔުން އަދި ތެލުގެ ދަތިކަން ޙައްލު ކުރުމަށް ސުލްޙަ އަށް ތައްޔާރަށް ހުންނެވި ކަމަށެވެ.
މީގެ އިތުރުން މި ހަނގުރާމަ އިތުރަށް ކުރިއަށް ގެންދިޔުމަކީ، ނުވަތަ ދިގު ދެންމުމަކީ ރަޝިޔާގެ ރައީސް ކަމުގައި ޕުޓިން އަށް އިތުރަށް ނުރައްކާ ވެދާނެ ކަމެއް ކަމަށް ވެސް ޒެލެންސްކީ ވިދާޅުވެފައިވެ އެވެ. ތާރީޚު ދައްކާ ކަންކަމަށް ބަލާއިރު، ރަޝިޔާ އަށް ވެސް ބަދަލު ތަކެއް އަންނަމުންދާ މަންޒަރު ފެންނަ ކަމަށް ޒެލެންސްކީ ވަނީ ވިދާޅުވެފައި އެވެ.
ރަޝިޔާގައި ކުރިއަށް ދިޔަ އަހަރީ އިޤްތިޞާދީ ފޯރަމެއްގައި ވާހަކަ ދައްކަވަމުން ޕުޓިން ވިދާޅުވީ، އެ ސިޓީ އަކީ ހަގީގީ މަޝްވަރާ ތަކަށް ހުށަަހެޅުން ނޫން ކަމަށެވެ. އެ ފޯރަމްގައި ރަޝިޔާގެ ވިޔަފާރީވެރިން ވަނީ ހަނގުރާމައިގެ ސަބަބުން އުފެދިފައިވާާ ބޮޑު އިންޓްރެސްޓް ރޭޓު ތަކާއި، އިޤްތިޞާދު ހުއްޓިފައި އޮންނަ އޮތުމާ މެދު ޝަކުވާ ކޮށްފަ އެވެ.
ޒެލެންސްކީގެ ސިޓީ އަށް އިޝާރާތް ކުރައްވާ ޕުޓިން ވިދާޅުވީ، އެ ސިޓީގައި އޮތީ އޭނާ ވަރަށް ކޯފާވާ ކަހަލަ ވާހަކަ ތަކެއް ކަމަށެވެ. އެއީ ބައްދަލުވުމަށް މަގުފަހި ކުރުމުގެ ނިޔަތެއް އޮތް ސިޓީއެއް ނޫން ކަމަށް ވެސް ޕުޓިން ވިދާޅުވި އެވެ. ޒެލެންސްކީގެ ނަން ސީދާ ވިދާޅުނުވި ނަމަވެސް، ޕުޓިން ވިދާޅުވީ މިވަގުތު އެއްވެސް ބައްދަލުވުމެއް ބާއްވަން ޖެހޭ ސަބަބެއް ނެތް ކަމަށެވެ.
އެ ބައްދަލުވުމުގެ މަޤުސަދަކީ ރަޝިޔާގެ ސިފައިންގެ ކުރިއެރުންތައް ހުއްޓުވުން ކަމަށް ޕުޓިން ސިފަ ކުރެއްވި އެވެ. އެއާާ އެކު އޭނާ ވިދާޅުވީ ބޭނުން ވަނީ ހަ މަސް ދުވަސް، ނުވަަތަ ތިން މަސް ދުވަހުގެ އެއްބަސްވުމެއް ނޫން ކަމަށެވެ. އޭގެ ބަދަލުގައި ބޭނުން ވަނީ ދިގު މުއްދަތުގެ އެއްބަސްވުމެއް ކަމަށް ޕުޓިން ވިދާޅުވި އެވެ.
މަސްދަރު: ރޮއިޓާސް
