އީރާން އާއެކު ނިއުކްލިއާ އެއްބަސްވުމަކަށް އައުމުގެ ފުރުސަތު ވަރަށް ބޮޑު: ޓްރަމްޕް
ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ، އީރާން އާއެކު ކަންކަން ރަނގަޅު ކުރެވިދާނެ ކަމުގެ ރަނގަޅު ފުރުސަތެއް އޮތް ކަމަށް. އެމެރިކާ އިން އީރާން އަށް ބޮމުގެ "ވާރޭ" ފޮނުވާލުމުގެ ބަދަލުގައި، މައްސަލަ ޙައްލު ކުރެވިއްޖެ ނަމަ އެއީ އޭނާ ވަރަށް އުފާވާނެ ކަމެއް ކަމަށް ވެސް ޓްރަމްޕް ވިދާޅުވި.
އެމެރިކާާގެ ރައީސް ޑޮނަލްޑް ޓްރަމްޕް. | ގެޓީ އިމޭޖަސް
އީރާން އާއެކު ނިއުކްލިއާ އެއްބަސްވުމަކަށް އައުމުގެ ފުރުސަތު ވަރަށް ބޮޑު ކަމަށާއި، އެކަމުގައި ރަނގަޅު ފުރުސަތެއް އެބަ އޮތް ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޓްރަމްޕް މިހެން ވިދާޅުވެފައި ވަނީ، އަންގާރަ ދުވަހު އީރާން އަށް ހަމަލާ ދިނުމަށް ނިންމުމަށް ފަހު، އެކަން މަޑު ޖައްސާލުމާ އެކު އެވެ. ޓްރަމްޕް ވިދާޅުވީ އީރާން އަށް ދޭން އޮތް ހަމަލާތައް މަޑު ޖައްސާލީ ގަލްފުގެ ޤައުމުތަކުގެ ވެރިންގެ އެދުމުގެ މަތިން ކަމަށެވެ.
ޓްރަމްޕް ވިދާޅުވީ، އީރާން އާއެކު މަޝްވަރާ ކުރުމުގެ ފުރުސަތު ދިނުމުގެ ގޮތުން އެ ހަމަލާތައް ފަސް ކުރުމަށް ޤައުމު ތަކުގެ ވެރިން އެދިވަޑައިގެންނެވި ކަމަށެވެ. ނަމަވެސް، އީރާން އިން އެއްބަސްވުމަކަށް ނުގޮސްފި ނަމަ، އެމެރިކާ އިން އޮތީ ވަރުގަދަ ހަމަލާ ތަކެއް ދިނުމަށް ތައްޔާރަށް ކަމަށް ވެސް ޓްރަމްޕް ވިދާޅުވެފައިވެ އެވެ.
އަންގާރަ ދުވަހު އީރާން އަށް ހަމަލާ ދޭން ނިންމިން، މަޑު ޖައްސާލީ ގަލްފުގެ ވެރިން އެދިގެން: ޓްރަމްޕް
ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ، އީރާން އާއެކު ކަންކަން ރަނގަޅު ކުރެވިދާނެ ކަމުގެ ރަނގަޅު ފުރުސަތެއް އޮތް ކަމަށެވެ. އެމެރިކާ އިން އީރާން އަށް ބޮމުގެ "ވާރޭ" ފޮނުވާލުމުގެ ބަދަލުގައި، މައްސަލަ ޙައްލު ކުރެވިއްޖެ ނަމަ އެއީ އޭނާ ވަރަށް އުފާވާނެ ކަމެއް ކަމަށް ވެސް ޓްރަމްޕް ވިދާޅުވި އެވެ.
އެމެރިކާ އާއި އީރާާންއާ ދެމެދު އުފެދިފައިވާ ނުތަނަވަސްކަން ބޮޑުވެފައި ވަނީ، އީރާން އިން އެޓޮމިކް ހަތިޔާރު އުފައްދަން މަސައްކަތް ކުރަމުން އަންނަ ކަމަށް އެމެރިކާ އިން ތުހުމަތު ކުރާތީ އެވެ. އީރާން އިން އެ ތުހުމަތުތައް ދޮގުކޮށް ކުރަމުން ގެންދިޔަ ނަަމަވެސް، އެމެރިކާ އިން ވަނީ އީރާންއާ ދެކޮޅަށް ދަތި ކުރުމުގެ ގިނަ ފިޔަވަޅު ތަކެއް ވެސް އަޅައިފަ އެވެ.
ބައިނަލްއަޤުވާމީ މާހިރުން ބުނާ ގޮތުގައި، އެމެރިކާ އާއި އީރާންއާ ދެމެދު އަލުން ހަނގުރާމަ ފެށިދާނެ ކަމުގެ ބިރު ބޮޑުވެފައި ވަނިކޮށް، ޓްރަމްޕްގެ މި ވާހަކަ ތަކަކީ މަސްރަހަށް ލިބުނު ވަރަށް ބޮޑު ފިނި ކަމެކެވެ. ބައިނަލްއަޤުވާމީ މުޖުތަމައުން ދެކޭ ގޮތުގައި މަޝްވަރާގެ މަގު އަލުން ހުޅުވިއްޖެ ނަމަ، އެމެރިކާ އާއި އީރާންއާ ދެމެދު އޮތް މައްސަލަ ތަކަށް އަދިވެސް ހައްލު ލިބިގެން ދާނެ އެވެ.
މަސްދަރު: ރޮއިޓާސް
