ދެ ދުވަހުގެ ތެރޭގައި އެމެރިކާ އިން ހަނގުރާމަ ފަށައިފާނެ: ޕްރޮފެސަރު މުޙައްމަދު އަލްމަސްރީ

އެމެރިކާ އިން އީރާންއާ ދެކޮޅަށް ހަނގުރާމަ އަލުން ފެށުމުގެ ފުރުސަތު ވަރަށް ބޮޑު ކަމަށާއި، ކުރިއަށް އޮތް ދެ ދުވަހުގެ ތެރޭގައި އެ ހަނގުރާމަ ފަށައިފާނެ ކަމަށް ދޯޙާ އިންސްޓިޓިއުޓް އޮފް ގްރެޖުއޭޓް ސްޓަޑީޒްގެ މީޑިއާ ސްޓަޑީޒްގެ ޕްރޮފެސަރު މުޙައްމަދު އަލްމަސްރީ ވިދާޅުވެއްޖެ އެވެ. 

މެދު އިރުމަތީގެ ސިޔާސީ ކަންކަމާއި މީޑިއާ ދާއިރާގެ ތަޖުރިބާކާރެއްގެ ގޮތުގައި ގިނަ ބަޔަކު ބަލައި ގަންނަ ޕްރޮފެސަރު އަލްމަސްރީ މި ވާހަކަތައް ދެއްކެވީ މިހާރުގެ ބައިނަލްއަޤުވާމީ ޙާލަތާ ގުޅޭ ގޮތުން ދެއްވި ބަޔާނެއްގަ އެވެ. އެމެރިކާ އާއި އީރާންއާ ދެމެދު އޮތް ދެކޮޅުވެރިކަން އިތުރަށް ބޮޑުވެ، ހަނގުރާމަ އަކަށް ބަދަލުވެދާނެ ކަމުގެ ބިރު އަނެއްކާ ވެސް ވަނީ ބޮޑުވެފަ އެވެ.

މީޑިއާގެ ދާއިރާގައި ގިނަ އަހަރު ތަކެއްގެ ތަޖުރިބާާ ލިބިވަޑައިގެންފައިވާ ޕްރޮފެސަރު އަލްމަަސްރީ ވިދާޅުވީ، މިހާރު މެދު އިރުމަތީގެ ސަރަހައްދުގައި އޮތް ޙާލަތު ވަރަށް ނާޒުކު ކަމަށާއި، އެމެރިކާ އިން އީރާންއާ ދެކޮޅަށް ހަނގުރާމައެއް ފެށުމުގެ ތައްޔާރީތައް ވަމުން އަންނަ ކަމަށް ބެލެވޭ ކަމަށެވެ. 

އެމެރިކާ އާއި އީރާންއާ ދެމެދު އޮތް ނުތަނަވަސްކަން ފެށިފައި ވަނީ މީގެ އަހަރު ތަކެއް ކުރިންނެވެ. އީރާންގެ ނިއުކްލިއާ ޕްރޮގްރާމްއާ ގުޅިގެން އެމެރިކާ އިން އީރާން އަށް އިޤްތިޞާދީ ފިޔަވަޅުތައް އަޅަމުން ގެންދާއިރު، މި ދެ ޤައުމުގެ ދެ މެދުގައި އޮތް ދެކޮޅުވެރިކަން ވަނީ އިތުރަށް ބޮޑުވެފަ އެވެ. 

ސަރަހައްދީ ސަލާމަތާއި ރައްކާތެރިކަމާ ގުޅޭ ގޮތުން މި ވާހަކަތައް ވަރަށް ސީރިއަސް ކަމަށް ޕްރޮފެސަރު ވިދާޅުވި އެވެ. އެމެރިކާ އާއި އީރާންއާ ދެމެދު ހަނގުރާމަ އަލުން ފެށިއްޖެ ނަމަ، މެދު އިރުމަތީގެ މުޅި ސަރަހައްދަށް ބޮޑެތި އަސަރު ތަކެއް ކުރާނެ ކަމަށާއި، އެކަމުގެ ސަބަބުން ސަރަހައްދުގެ އަމަން އަމާންކަން ވެސް ބޮޑަށް ބަލިކަށި ވެގެންދާނެ ކަމަަށް އަލްމަސްރީ ވިދާޅުވި އެވެ. 

ބައިނަލްއަޤުވާމީ މުޖުތަމައުން މި ކަންކަމާ ގުޅިގެން ކަންބޮޑުވުން ފާޅު ކުރަމުން ގެންދާއިރު، ހަނގުރާމަ ހުއްޓުވުމަށް ގިނަ ޤައުމުތަކަކުން އަންނަނީ ގޮވާލަމުންނެވެ. ނަމަވެސް، މިހާތަނަށް މި މައްސަލައިގައި ހައްލެއް ހޯދުމަށް ކުރި މަސައްކަތް ކާމިޔާބުވެފައި ނުވެ އެވެ.

ބައިނަލްއަގުވާމީ މުޖުތަމައުން މި ކަންކަމާ ގުޅިގެން ކަންބޮޑުވުން ފާޅުކުރަމުން ގެންދާއިރު، ހަނގުރާމަ ހުއްޓުވުމަށް ގިނަ ގައުމުތަކުން ގޮވާލަމުން ގެންދެއެވެ. ނަމަވެސް މިހާތަނަށް މި މައްސަލައިގައި ހައްލެއް ހޯދުމަށް ކުރި މަސައްކަތްތައް ކާމިޔާބު ނުވެއެވެ.