އައިސިސްގެ ދެވަނަ އިސްވެރިޔާ މަރާލާފައިވާ ކަމަށް ޓްރަމްޕް ވިދާޅުވެއްޖެ

ދުނިޔޭގެ އެންމެ ބޮޑު ޓެރަރިސްޓް ޖަމާއަތް، އައިސިސްގެ ދެ ވަނަ އަށް އެންމެ އިސްވެރިޔާ އަބޫ ބިލާލް އަލް މިނުކީ މަރާލާފައިވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.

ހުކުރު ދުވަހު ޓްރަމްޕް ވިދާޅުވީ، އެމެރިކާ އާއި ނައިޖީރިއާގެ ސިފައިލން ގުޅިގެން ކުރިއަށް ގެންދިޔަ އޮޕަރޭޝަނެއްގައި އަބޫ ބިލާލް އަލް މިނުކީ މަރާލާފައިވާ ކަމަށެވެ. 

ޓްރުތު ސޯޝަލް މީޑިއާގައި ކުރެއްވި ޕޯސްޓެއްގައި ޓްރަމްޕް ވިދާޅުވީ، އަބޫ ބިލާލް އަލް މިނުކީ އެފްރިކާގައި ފިލައިގެން އުޅޭނެ ކަމަށް ހީކުރި ނަމަވެސް، އޭނާ ކުރަމުން ދިޔަ ކަންތައްތަކުގެ މައުލޫމާތު އެމެރިކާ އަށް ލިބެމުން ދިޔަ ކަމަށެވެ. 

ޓްރަމްޕް ވިދާޅުވީ މިއީ ވަރަށް ސާފުކޮށް ރާވައި، ވަރަށް ފުރިހަމަ ގޮތުގައި ހިންގި ވަރަށް ކޮމްޕްލެކްސް މިޝަނެއް ކަމަށާއި، ދުނިޔޭގެ އެންމެ އެކްޓިވް ޓެރަރިސްޓް ހަނގުރާމައިގެ މައިދާނުން ނައްތާލުމަށް ހިންގި އެ އޮޕަރޭޝަން ވަރަށް ކާމިޔާބު ކަމަށެވެ.

ޓްރަމްޕް ވަނީ އެ އޮޕަރޭޝަންގައި ބައިވެރިވެ، އެއްބާރުލުން ދިން ނައިޖީރިއާ ސަރުކާރަށް ވަރަށް ބޮޑަށް ޝުކުރު އަދާ ކުރައްވައިފަ އެވެ. އޭނާ ވިދާޅުވީ، އެމެރިކާގެ ދިފާއީ ބާރު ތަކާއި، ނަައިޖީރިއާގެ ސިފައިން މި މިޝަން ވަރަށް ހުނަރުވެރިކަމާ އެކު ފުރިހަމަ ކުރި ކަމަށެވެ. 

ނަމަވެސް، މީގެ ކުރިން ޓްރަމްޕް ވަނީ ނައިޖީރިއާ އަށް ވަރަށް ބޮޑަށް ފާޑު ވިދާޅުވެފަ އެވެ. އޭނާ ވިދާޅުވީ ނައިޖީރިއާގައި މަސީހީން ނިކަމެތި ވަމުންދާ ކަމަށެވެ. ނަމަވެސް، ނައިޖީރިއާގެ ސަރުކާރުން ވަނީ އެ ތުހުމަތުތައް ދޮގު ކޮށްފަ އެވެ. 

މި އޮޕަރޭޝަން ހިންގުމުގައި އެމެރިކާ އާއި ނައިޖީރިއާއާ ގުޅިގެން މަސައްކަތް ކުރި ކަަމަށް ޓްރަމްޕް ފާހަގަ ކުރެއްވިއިރު، މިއީ ދެ ޤައުމުގެ ސަލާމަތީ ބަރު ތަކުގެ ގުޅުން ވަރުގަދަވެފައިވާކަން ދައްކައިދޭ ކަމެއް ކަމަށް ތަޖުރިބާކާރުން ދެކެ އެވެ. 

އައިސިސް އަކީ ދުނިޔޭގއ އެކި ހިސާބު ތަކުގައި ޙަރަކާތްތެރިވާ، ބައިނަލްއަޤުވާމީ ޓެރަރިސްޓް ޖަމާއަތެކެވެ. މި ޖަމާއަތުގެ ދެ ވަނަ އެންމެ އިސްވެރިޔާ މަރާލުމަކީ، ޓެރަރިޒަމާ ދެކޮޅަށް ކުރާ ޙަރަކާތް ތަކުގައި ވަރަށް މުހިންމު ކާާމިޔާބެއް ކަމަށް ސަލާމަތީ ތަޖުރިބާކަރުން ދެކެ އެވެ. 

އައިސިސް އަކީ ދުނިޔޭގެ އެކި ހިސާބުތަކުގައި ހަރަކާތްތެރިވާ، ބައިނަލްއަގުވާމީ ޓެރަރިސްޓް ޖަމާއަތެކެވެ. މި ޖަމާއަތުގެ ދެވަނަ އަށް އެންމެ އިސް ވެރިޔާ މަރާލުމަކީ، ޓެރަރިޒަމާ ދެކޮޅަށް ކުރާ ހަރަކާތްތަކުގައި ވަރަށް މުހިއްމު ކާމިޔާބެއް ކަމަށް ސަލާމަތީ ތަޖުރިބާކާރުން ދެކެއެވެ.