އީރާނުގެ މައްސަލައިގައި ޗައިނާގެ އެހީ ބޭނުމެއް ނޫން: ޓްރަމްޕް
ޗައިނާ އަށް ފުރައި ވަޑައިގެންނެވުމުގެ ކުރިން، ވައިޓް ހައުސްގައި ހުންނަވައި ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ، އީރާން މައްސަލައިގައި އެމެެރިކާ އަށް ޗައިނާގެ އެއްވެސް އެހީތެރި ކަމެއް ބޭނުން ނުވާ ކަމަށް. ސުލްޙައިގެ މަގުން، ނުވަތަ އެހެން ގޮތަކުން ކަމަށް ވީ ނަމަވެސް، އީރާންގެ މައްސަލައިގައި އެމެރިކާ އިން ކާމިޔާބު ހޯދާނެ ކަމަށް ޓްރަމްޕް ވިދާޅުވި.
އެމެރިކާގެ ރައީސް ޑޮނަލްޑް ޓްރަމްޕް. | ގެޓީ އިމޭޖަސް
ޗައިނާ އަށް ކުރައްވަ ރަސްމީ ދަތުރުފުގައި އީރާންގެ މައްސަލައާ ގުޅޭ ގޮތުން ޗައިނާގެ ރައީސް ޝީ ޖިންޕިންއާ ދިގު މަޝްވަރާ ތަކެއް ކުރައްވާނެ ކަމަށާއި، ނަމަވެސް އީރާންގެ މައްސަލައިގައި ޗައިނާގެ އެހީ ބޭނުން ނުވާ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.
ޗައިނާ އަށް ފުރައި ވަޑައިގެންނެވުމުގެ ކުރިން، ވައިޓް ހައުސްގައި ހުންނަވައި ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ، އީރާން މައްސަލައިގައި އެމެެރިކާ އަށް ޗައިނާގެ އެއްވެސް އެހީތެރި ކަމެއް ބޭނުން ނުވާ ކަމަށެވެ. ސުލްޙައިގެ މަގުން، ނުވަތަ އެހެން ގޮތަކުން ކަމަށް ވީ ނަމަވެސް، އީރާންގެ މައްސަލައިގައި އެމެރިކާ އިން ކާމިޔާބު ހޯދާނެ ކަމަށް ޓްރަމްޕް ވިދާޅުވި އެވެ.
ދުނިޔޭގެ އެންމެ ބޮޑު އިޤްތިޞާދުގެ ދެ ލީޑަރުން މި ބައްދަލު ކުރައްވަނީ ހަ މަސް ދުވަހަށް ވުރެ ގިނަ ދުވަސް ފަހުންނެވެ. މި ބައްދަލުވުމުގެ މަޤުސަދަކީ ވިޔަފާރި އާއި، އެމެރިކާ އާއި އިޒްރޭލް އިން އީރާންއާ ދެކޮޅަށް ކުރަމުން އަންނަ ހަނގުރާމަ އަދި ދެ ޤައުމުގެ ދެ މެދުގައި އޮންނަ ޚިޔާލު ތަފާތުވުންތައް ހައްލު ކުރުމެވެ.
ޓްރަމްޕް ޗައިނާ އަށް މި ވަޑައިގަންނަވަނީ އީރާންއާ ދެކޮޅަށް ކުރަމުން އަންނަ ހަނގުރާމަ ނިންމުމަށް ސިޔާސީ މަޝްވަރާތައް ފަށައި، ނަމަވެސް އެ މަޝްވަރާތައް ހުއްޓިފައިވާ ވަގުތެއްގަ އެވެ. ޗައިނާ އާއި އީރާން އަކީ ގާތް ގުޅުމެއް ވެސް އޮންނަ ދެ ޤައުމެވެ. އީރާންގެ ތެލުގެ އެންމެ ބޮޑު ބައެއް ގަންނަ ޤައުމު ތަކުގެ ތެރޭގައި ވެސް ޗައިނާ ހިމެނެ އެވެ.
ބުދަ ދުވަހުގެ ވަގުތެއްގައި ޓްރަމްޕް ޗައިނާ އަށް ވަޑައިގަންނަވާނެ އެވެ. އަދި ބުރާސްފަތި ދުވަހާއި ހުކުރު ދުވަހު ރަސްމީ ބައްދަލުވުންތައް ކުރިއަށް ގެންދިޔުމަށް ވެސް ވަނީ ހަމަޖެހިފަ އެވެ. މިއީ 2017 ވަނަ އަހަރުގެ ފަހުން ޓްރަމްޕް ޗައިނާ އަށް ވަޑައިގަންނަވާ ފުރަތަމަ ފަހަރެވެ.
މަސްދަރު: ރޮއިޓާސް
