ލޭބާ ޕާޓީގެ 100 އަށް ވުރެ ގިނަ މެމްބަރުން ތިބީ، ބޮޑު ވަޒީރު ސްޓާމާއާ މެދު ވަކި ގޮތެއް ނުނިންމާ!
ވެރިކަން ކުރާ ލޭބާ ޕާޓީގެ ޤާނޫނު ހަދާ މަޖިލީހުގެ މެމްބަރުންގެ އަދަދަކީ 403. މި އަދަދު ތަކަށް ބަލާއިރު، ބޮޑު ވަޒީރުގެ މަގާމުގައި ސްޓާމާ ހުންނެވުމާާ މެދު ގޮތެއް ނިންމަވާފައި ނުވާ 140 އެއްހާ މެމްބަރުން އެބަ ތިބި. މިއީ ޕާޓީގެ އެތެރޭގައި ސްޓާމާ އަށް އޮތް ތާއީދު ކުޑަވަމުންދާ ކަމުގެ ނިޝާނެއްގެ ގޮތުގައި ބެލެވޭ.
އިނގިރޭސިވިލާތުގެ ބޮޑު ވަޒީރު ކިއާ ސްޓާމާ. | ގެޓީ އިމޭޖަސް
އިނގިރޭސިވިލާތުގެ ބޮޑު ވަޒީރު އަދި ވެރިކަން ކުރާ ލޭބާ ޕާޓީގެ ލީޑަރު ކިއާ ސްޓާމާގެ މުސްތަޤުބަލާ މެދު ގިނަ ބަހުސް ތަކެއް ކުރެވެމުން ދާއިރު، އެ ޕާޓީގެ 100 އަށް ވުރެ ގިނަ މެމްބަރުން މިހާތަނަށް ވަކި ނިންމުމެއް ނިންމާފައި ނުވާ ކަމަށް ހާމަވެއްޖެ އެވެ.
ސިޔާސީ ދާއިރާ ދިރާސާ ކުރާ ފަރާތްތަކުން ދެކޭ ގޮތުގައި، މިއީ ބޮޑު ވަޒީރުގެ މަގާމުގައި ސްޓާމާ ދެމި ހުންނެވުމާ މެދު ޕާޓީގެ އެތެރޭގައި އޮތް ނުތަނަވަސްކަން ހާމަކޮށްދޭ ކަމެކެވެ.
ލޭބާ ޕާޓީގެ ޤާނޫނު ހަދާ މަޖިލީހުގެ މެމްބަރުންގެ ތެރެއިން ގިނަ އަދަދެއްގެ މެމްބަރުން އަންނަނީ ބޮޑު ވަޒީރު ސްޓާާމާ މަގާމުން ދުރަށް ވަޑައިގެންނެވުމަށް ގޮވާލައްވަމުންނެވެ. ލޭބާ ޕާޓީގެ ލީޑާޝިޕްގެ އިންތިޚާބެއް ބޭއްވުމަށް މަދުވެގެން 81 މެމްބަރުން ސޮއި ކުރަން ޖެހޭއިރު، ސްޓާމާ އަށް ފަހު ދެން އެ ޕާޓީގެ ލީޑަރުގެ މަގާމަށް ވަޑައިގަންނަވާނެ ބޭފުޅަކާ މެދު މެމްބަރުންގެ ތެރޭގައި ދެބަސްވުން އޮތް ކަމަށް ވަނީ ބުނެފަ އެވެ.
މީގެ އިތުރުން ބައެއް މަސްދަރު ތަކުން ހާމަ ކޮށްފައިވާ ގޮތުގައި، ބޮޑު ވަޒީރު ސްޓާމާ އަށް ތާއީދު ކުރާކަން ހާމަ ކުރުމަށް 100 އަށް ވުރެ ގިނަ މެމްބަރުން ވަނީ ސިޓީއެއްގައި ސޮއި ކުރައްވައިފަ އެވެ. އެހެން ނަމަވެސް، ބައެއް ފަރާތް ތަކުން ފާހަގަ ކޮށްފައިވާ ގޮތުގައި އޭގެ ތެރެއިން ބައެއް މެމްބަރުންގެ ނަން އެ ލިސްޓުގައި ހިމަނާފައި ވަނީ އެ ބޭފުޅުންގެ ނުގަބޫލުގަ އެވެ.
ސަރުކާރުގެ ވަޒީރުން ނުވަތަ "ޕޭރޯލް ވޯޓު"ގެ ގޮތުގައި ބެލެވޭ 70 މެމްބަރުން، ނުވަތަ 80 މެމްބަރުންނަކީ އާންމު އުސޫލުން ބޮޑު ވަޒީރަށް ތާއީދު ކުރައްވާނެ ބޭފުޅުންނެވެ. ނަމަވެސް، ފަހަކަށް އައިސް ފެނިގެން ދިޔަ ކަންތައް ތަކަށް ބަލާއިރު، ސަރުކާރުގެ ވަޒީރު ކަމުގައި ތިއްބެވި ނަމަވެސް، ބޮޑު ވަޒީރަށް ފުރިހަމަ އަށް ވަފާތެރި ވާނެ ކަމުގެ ޔަޤީންކަމެއް މިހާރު ނެތް ކަމަށް މަސްރަހު ދިރާސާ ކުރާ ފަރާތް ތަކުން ބުނެ އެވެ.
ވެރިކަން ކުރާ ލޭބާ ޕާޓީގެ ޤާނޫނު ހަދާ މަޖިލީހުގެ މެމްބަރުންގެ އަދަދަކީ 403 އެވެ. މި އަދަދު ތަކަށް ބަލާއިރު، ބޮޑު ވަޒީރުގެ މަގާމުގައި ސްޓާމާ ހުންނެވުމާާ މެދު ގޮތެއް ނިންމަވާފައި ނުވާ 140 އެއްހާ މެމްބަރުން އެބަ ތިއްބެވެ. މިއީ ޕާޓީގެ އެތެރޭގައި ސްޓާމާ އަށް އޮތް ތާއީދު ކުޑަވަމުންދާ ކަމުގެ ނިޝާނެއްގެ ގޮތުގައި ބެލެވެ އެވެ.
ސިޔާސީ ގޮތުން ބަލާއިރު، މިހާ ގިނަ އަދަދެއްގެ މެމްބަރުން ބޮޑު ވަޒީރަށް ތާއީދު ކުރުމުގައިމ ނުވަތަ ދެކޮޅު ހެދުމުގައި ވަކި ގޮތެއް ނުނިންމަވައި ތިއްބެވުމަކީ ސްޓާމާ އަށް ކުރިމަތި ވެފައިވާ ބޮޑު ގޮންޖެހުމެކެވެ. މިއީ ބޮޑު ވަޒީރު ސްޓާމާގެ ލީޑާޝިޕް ބަލިކަށި ވަމުންދާކަން ހާމަ ކޮށްދޭ ކަމެއް ކަމަށް ބައެއް ފަރާތް ތަކުން ދެކެ އެވެ.
މަސްދަރު: ބީބީސީ
