ހަނޑޫ ހުސްވި ކަމަށް ބުނެ ރިޕޯޓް ކުރިކަމަށް ވިދާޅުވެ މިނިސްޓަރު ސައީދު ބޮޑު ދޮގެއް ހައްދަވައިފި
މާރުކޭޓުން ހަނޑޫ ހުސްވި ކަމަށް ބުނެ ރިޕޯޓުކުރި ކަމަށް ވިދާޅުވެ، އިކޮނޮމިކް މިނިސްޓަރު ސައީދު ނޫސްވެރިއަކަށް ރައްދު ދެއްވުމުން އެކަމުގެ ހަގީގަތް ނޫސްވެރިޔާ ވަނީ ސާފުކޮށްދީފައި. ނޫސްވެރިޔާ ފާހަގަކުރި ގޮތުގައި ރިޕޯޓުކޮށްފައިވަނީ ހަނޑޫ ހުސްވި ވާހަކަ ނޫން ކަމަށާއި، އެސްޓީއޯ އިން ހަނޑޫ ވިއްކުން ލިމިޓްކޮށްފައިވާ ވާހަކަ ކަމަށް. ނަމަވެސް، ހަނޑޫ ވިއްކުން ލިމިޓްކުރިތޯ ނޫސްވެރިޔާ ތަކުރާރުކޮށް ސުވާލުކުރުމުން ވެސް މިނިސްޓަރު އެ ސުވާލަށް ސީދާ ޖަވާބެއް ދެއްވާފައެއް ނުވޭ.
ބުރާސްފަތި ދުވަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް މުހައްމަދު ސައީދު ވާހަކަ ދައްކަވަނީ. | ރާއްޖެއެމްވީ
ހަނޑޫ ހުސްވި ކަމަށް ބުނެ ރިޕޯޓް ކުރިކަމަށް ވިދާޅުވެ ބޮޑު ދޮގެއް މިނިސްޓަރ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް މުހައްމަދު ސައީދު ހައްދަވައިފި އެވެ.
ބުރާސްފަތި ދުވަހު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ރާއްޖެޓީވީގެ ނޫސްވެރިޔާ ކުރި ސުވާލަކާ ގުޅިގެން، އެ ސުވާލަށް ޖަވާބު ނުދެއްވައި، މިނިސްޓަރު ސައީދު ވަނީ ވަރަށް ބޮޑަށް ނުރުހުންވެ ވަޑައިގެން ހަނޑޫ ހުސްވި ކަމަށް ބުނެ ރިޕޯޓު ކުރި ކަމަށް ވިދާޅުވެފަ އެވެ.
އިއްޔެ އައި އެއް ވާހަކައަކީ މާރުކޭޓުން ހަނޑޫ ހުސްވެއްޖޭ އެނގޭތޯ. ހަނޑޫ ހުހެއް ނުވޭ. މާކެޓުގައި އެހާ ބޮޑު ޓެންޝަނެއް އުފައްދާކަށް ނުވާނެ ނޫންތޯ ދޮގު ޚަބަރެއް ފަތުރައިގެން. ކީއްކުރަންތޯ ހަނޑޫ ހުސް ނުވަނީސް ހަނޑޫ ހުސްވީ އޭ ބުނަންވީމިނިސްޓަރ އޮފް އިކޮނޮމިކް ޑިވެލޮޕްމަންޓް، ޓްރާންސްޕޯޓް އެންޑް ޓްރޭޑް މުހައްމަދު ސައީދު
މިނިސްޓަރު ސައީދު މިމޭރުމުން ވާހަކަ ދެއްކެވުމުން ނޫސްވެރިޔާ ވަނީ އެ ރިޕޯޓުގެ މައުލޫމާތު ސާފުކޮށްދީފަ އެވެ.
އެގޮތުން ވޭތުވެދިޔަ 2 ދުވަހު ހަނޑޫ ގަންނަން ދިޔަ ފަރާތްތަކަށް ހަނޑޫ ވިއްކާފައިވަނީ ލިމިޓް ކޮށްގެން ކަމަށް އެސްޓީއޯގެ ގަރާޖުގައި ތިބި މުވައްޒަފުން މައުލޫމާތު ދީފައިވާފައިވާތީ ހަނޑުލުގެ ސްޓޮކް ދަށްވެ އެސްޓީއޯ ކާޑު ގުދަނުން ލިމިޓްކޮށް ހަނޑޫ ވިއްކަމުންދާ ކަމަށް ރިޕޯޓު ކޮށްފައިވާ ކަމަށެވެ.
މީގެ އިތުރުން ހަނޑޫ ވިއްކަމުން ދަނީ ލިމިޓް ކޮށްގެންތޯ ނުވަތަ މިދޭތެރެއިން ލިމިޓް ކޮށްގެން ހަނޑޫ ވިއްކިތޯ ކުރި ސުވާލަށް މިނިސްޓަރު ސީދާ ޖަވާބެއް ނުދެއްވަ އެވެ.
