"އައިޝާ" ޑޮކިއުމަންޓްރީ ފެތުރި ފަރާތްތަކާމެދު ފިޔަވަޅު އެޅުމަށް ރައީސް މުއިއްޒު ކުރެއްވި އަމުރާއެކު، ފުލުހުން އަދަދު ނޫހުގެ އޮފީސް ބަލާފާސްކުރަން ފަށައިފި
މިދިޔަ މަހުގެ 28 ވަނަ ދުވަހު އަދަދު ނޫހުން އާންމުކުރި މި ޑޮކިއުމަންޓްރީ ބިނާކޮށްފައިވަނީ ނަން ހާމަނުކުރާ މީހަކު ދީފައިވާ އިންޓަވިއުއެއްގެ މައްޗަށެވެ. މި ވީޑިއޯގައި ރައީސުލްޖުމްހޫރިއްޔާގެ އޮފީހުގެ ކުރީގެ މުވައްޒަފަކު ވަނީ ރައީސް މުއިއްޒާ އެކު ޒާތީ ގުޅުމެއް އޮތް ކަމަށް ބުނެ، އެމަނިކުފާނަށް ބޮޑެތި ތުހުމަތުތަކެއް އަމާޒުކޮށްފަ.
ފުލުހުން އަދަދު ނޫހުގެ އޮފީހުގައި ހަރަކާތްތެރި ވަނީ | ރާއްޖެ އެމްވީ
އޮންލައިން ނޫސް "އަދަދު" ގެ ސޯޝަލް މީޑިއާ މަންސަތަކުގައި އާންމުކުރި "އައިޝާ" ޑޮކިއުމަންޓްރީއާ ގުޅިގެން، ކޯޓު އަމުރެއްގެ ދަށުން ފުލުހުން އެ ނޫހުގެ އޮފީސް ބަލާފާސްކުރަން ފަށައިފި އެވެ.
ފުލުހުން އެ ނޫހުގެ އޮފީހަށް ވަދެފައިވަނީ، އެ ޑޮކިއުމަންޓްރީގައި ހިމެނޭ ވާހަކަތަކަކީ ދޮގު ވާހަކަތަކެއް ކަމަށް ވިދާޅުވެ، އެކަމުގައި ޝާމިލުވާ ފަރާތްތަކަށް ގާނޫނީ ފިޔަވަޅު އެޅުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަމާބެހޭ އިދާރާތަކުގައި އެދިވަޑައިގެންފައި ވަނިކޮށެވެ.
މިދިޔަ މަހުގެ 28 ވަނަ ދުވަހު އަދަދު ނޫހުން އާންމުކުރި މި ޑޮކިއުމަންޓްރީ ބިނާކޮށްފައިވަނީ ނަން ހާމަނުކުރާ މީހަކު ދީފައިވާ އިންޓަވިއުއެއްގެ މައްޗަށެވެ. މި ވީޑިއޯގައި ރައީސުލްޖުމްހޫރިއްޔާގެ އޮފީހުގެ ކުރީގެ މުވައްޒަފަކު ވަނީ ރައީސް މުއިއްޒާ އެކު ޒާތީ ގުޅުމެއް އޮތް ކަމަށް ބުނެ، އެމަނިކުފާނަށް ބޮޑެތި ތުހުމަތުތަކެއް އަމާޒުކޮށްފަ އެވެ.
މި މައްސަލައާ ގުޅިގެން ހޯމަ ދުވަހުގެ ހެނދުނު ބޭއްވި ނޫސްވެރިންގެ ބައްދަލުވުމެއްގައި ރައީސް މުއިއްޒު ވަނީ އެ ޑޮކިއުމަންޓްރީގައި ހިމެނޭ ހުރިހާ ވާހަކަތަކެއް ދޮގުކުރައްވާފަ އެވެ. އަދި މި މަސައްކަތުގައި ބައިވެރިވި އެންމެހައި ފަރާތްތަކާ މެދު ގާނޫނީ ގޮތުން އެޅެން އޮތް އެންމެ ހަރުކަށި ފިޔަވަޅު އެޅުމަށް އެދިވަޑައިގަންނަވާނެ ކަމަށްވެސް ރައީސް ވިދާޅުވި އެވެ.
އަދަދު ނޫހުގެ އޮފީސް ބަލާފާސްކުރުމަށް ފުލުހުން ހޯދާފައިވާ ކޯޓު އަމުރުގައި، އެ އޮފީހުން ސީދާ ހޯދަން ބޭނުންވަނީ ކޮން އެއްޗެއްކަން ސާފުކޮށް ބަޔާންކޮށްފައި ނުވާ ކަމަށް އެ ނޫހުގެ ބައެއް ފަރާތްތަކުން ވަނީ ބުނެފަ އެވެ. ނަމަވެސް، ފުލުހުން އެ ތަނުގައި ހަރަކާތްތެރިވަމުންދަނީ އެ ޑޮކިއުމަންޓްރީއާ ގުޅުންހުރި ހެކިތަކެއް ހޯދުމަށް ކަމަށް ބެލެވެ އެވެ. އަދަދު ނޫހުން އާންމުކޮށްފައިވާ ވީޑިއޯތަކުން ފެންނަ ގޮތުގައި، ފުލުހުން ދަނީ އެ އޮފީހުގެ ފޮޓޯ ނަގައި، ސިސްޓަމްތައް ބަލައި ފާސްކުރަމުންނެވެ.
މިކަމާ ގުޅިގެން ފުލުހުން ބުނީ، ފުލުހުން ބަލަމުންދާ މައްސަލައަކާ ގުޅިގެން ކޯޓު އަމުރެއްގެ ދަށުން އަދަދު ނޫހުގެ އޮފީސް ބަލައި ފާސް ކުރަމުންދާ ކަމަށެވެ. ނަމަވެސް، މައްސަލައިގެ އިތުރު ތަފުސީލެއް ފުލުހުން ހާމައެއް ނުކުރެ އެވެ.
