"އައިޝާ ޑޮކިއުމެންޓްރީ" އާ ގުޅިގެން ފުލުހުން ހިންގާ ތަހުގީގަށް އީޝާ މިއަދު ވެސް ފުލުހަށް ހާޒިރު ކުރަނީ
އޮންލައިން ނޫސް "އަދަދު" އިން އާންމުކުރި ޑޮކިއުމެންޓްރީއަކާއި ގުޅިގެން ފުލުހުން ހިންގާ ތަހުގީގަށް އީޝާ ދެވަނަ ފަހަރަށް ހާޒިރުވާން ވަނީ އަންގާފައި. ރައީސްގެ އަބުރަށް ހުތުރުވާގޮތަށް ތައްޔާރުކޮށްފައިވާ ކަމަށް ބުނާ މި ވީޑިއޯގެ މައްސަލައިގައި އީޝާގެ ފަރާތުން ފުލުހުންނަށް ފުރިހަމަ އެއްބާރުލުން ދޭނެ ކަމަށް އޭނާގެ ގާނޫނީ ވަކީލު ޝަމީމް ވަނީ ވިދާޅުވެފައި.
"އައިޝާ ޑޮކިއުމެންޓްރީ" އާ ގުޅިގެން ފުލުހުން ހިންގާ ތަހުގީގަށް އައިޝަތު އީޝާ އަޝްރަފްގެ ބުދަ ދުވަހު ވެސް ފުލުހަށް ހާޒިރުވާން ވަނީ އަންގާފައި. | ސަން އޮންލައިން
އޮންލައިން ނޫސް "އަދަދު" އިން ޝާއިއުކުރި "އައިޝާ ޑޮކިއުމެންޓްރީ" އާ ގުޅިގެން ފުލުހުން ހިންގާ ތަހުގީގަށް އައިޝަތު އީޝާ އަޝްރަފު ބުދަ ދުވަހު ވެސް ފުލުހަށް ހާޒިރުވާން އަންގައިފި އެވެ.
ރާއްޖެއެމްވީ އަށް މިކަން އިޝާގެ ގާނޫނީ ވަކީލުންގެ ޓީމުން ވަނީ ޔަގީން ކޮށްދީފަ އެވެ.
އަންގާރަ ދުވަހުގެ ރޭގެ ވަގުތެއްގައި ވެސް އީޝާ ފުލުހަށް ހާޒިރުކޮށް ތަހުގީގަށް ބަޔާން ނަގާފައިވާއިރު، ބުދަ ދުވަހު ހާޒިރުވާން އަންގާފައިވަނީ ހަވީރު 4:00 މާލޭގެ، ހެންވޭރު ދަނޑު ކައިރީގައި ހުންނަ ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިން އަށެވެ.
މިއީ މި މައްސަލައިގެ ތަހުގީގަށް އޭނާ ފުލުހަށް ހާޒިރުކުރާ ދެވަނަ ފަހަރެވެ.
އީޝާގެ މައްޗަށް ކުރެވޭ ތުހުމަތަކީ ރައީސް ޑރ. މުހައްމަދު މުއިއްޒުގެ މައްޗަށް ގަޒުފުކޮށް ހަދާފައިވާ ކަމަށް ބުނާ ޑޮކިއުމެންޓްރީގައި ބައިވެރިވުމެއް އޮތް ކަމަށް ކުރެވޭ ތުހުމަތަކާ ގުޅިގެން ކަމަށްވާއިރު، އަންގާރަ ދުވަހުގެ ރޭ އީޝާ ހުޅުމާލެ ޕޮލިސް ސްޓޭޝަނަށް ހާޒިރުކުރުވުމަށް ފަހު ނޫސްވެރިންނާ ވާހަކަދައްކަވަމުން އޭނާ ގެ ގާނޫނީ ވަކީލު އަދި ކުރީގެ ޕްރޮސިކިއުޓާ ޖެނެރަލް ހުސައިން ޝަމީމް ވިދާޅުވީ، "އައިޝާ ޑޮކިއުމެންޓްރީ" އާ ގުޅިގެން ފުލުހުން ހިންގާ ތަހުގީގަށް އީޝާގެ ފަރާތުން ފުރިހަމަ އެއްބާރުލުން ދޭން ބޭނުންވާ ކަމަށެވެ.
މި މައްސަލައިގެ ތަހުގީގަށް ސުވާލުކޮށް ބަޔާން ނެގުމަށް އަންގާރަ ދުވަހުގެ ރޭ އީޝާ ހުޅުމާލެ ޕޮލިސް ސްޓޭޝަނަށް ހާޒިރުކުރުމުން، ނޫސްވެރިންނާ ވާހަކަދައްކަވަމުން ޝަމީމް ވިދާޅުވީ އީޝާ ބޭނުން ވަނީ މިކަން ހިނގައިދިޔަ ގޮތުގެ ހުރިހާ ތަފްސީލެއް ފުލުހުންނަށް ކިޔައިދޭން ކަމަށެވެ.
