ހޮރްމޫޒް ކަނޑުއޮޅިން ދަތުރު ކުރި މުދާ އުފުލާ ބޯޓަކަށް، ގޮތް ނޭނގޭ އެއްޗަކުން ހަމަލާ ދީފި
ޔޫކޭއެމްޓީއޯ އިން އަންގާރަ ދުވަހު ނެރުނު ބަޔާނެއްގައި ބުނެފައި ވަނީ، އެ ހާދިސާ ހިނގާފައި ވަނީ މުހިންމު ކަނޑުގެ މަގެއް ކަމަށް ހޮރްމޫޒް ކަނޑުއޮޅިން ބޯޓު ދަތުރު ކުރަމުން ދަނިކޮށް ކަމަށް.
ބަންދަރު އައްބާސް ކައިރީގައިވާ ހޮރްމޫޒް ކަނޑުއޮޅިން ދަތުރު ކުރަމުންދާ އުޅަނދު ފަހަރު. | ރޮއިޓާސް
ހޮރްމޫޒް ކަނޑުއޮޅިން ދަތުރު ކުރަމުން ދިޔަ މުދާ އުފުލާާ ބޯޓަކަށް، ގޮތް ނޭނގޭ އެއްޗަކުން ހަމަލާ ދީފައިވާ ކަމަށް، އިނގިރޭސިވިލާތުގެ މެރިޓައިމް ޓްރޭޑް އޮޕަރޭޝަންސް (ޔޫކޭއެމްޓީއޯ) އިން ހާމަ ކޮށްފި އެވެ.
ޔޫކޭއެމްޓީއޯ އިން އަންގާރަ ދުވަހު ނެރުނު ބަޔާނެއްގައި ބުނެފައި ވަނީ، އެ ހާދިސާ ހިނގާފައި ވަނީ މުހިންމު ކަނޑުގެ މަގެއް ކަމަށް ހޮރްމޫޒް ކަނޑުއޮޅިން ބޯޓު ދަތުރު ކުރަމުން ދަނިކޮށް ކަމަށެވެ. މި ހަމަލާ ދީފައި ވަނީ ކޮން އެއްޗަކުން ކަމެއް މިހާތަނަށް ސާފުވެފައި ނުވާ ކަމަށް ވެސް، އެ އިދާރާ އިން ވަނީ މައުލޫމާތު ދީފަ އެވެ.
މި ހަމަލާއާ ގުޅިގެން އެ ސަރަހައްދުގެ ތިމާވެއްޓަށް އެއްވެސް ގެއްލުމެއް ލިބިފައިވޭތޯ ބެލުމުގެ މަސައްކަތް މިހާރު ކުރަމުން އަންނަ ކަމަށް ވަނީ ރިޕޯޓު ކޮށްފަ އެވެ. ނަމަވެސް، ޔޫކޭއެމްޓީއޯ އިން ބުނެފައި ވަނީ މި ހާދިސާގެ ސަބަބުން ތިމާވެއްޓަށް ކުރާނެ އަސަރެއް މިހާތަނަށް އަންދާޒާ ކުރެވިފައި ނުވާ ކަމަށެވެ.
މި ހާދިސާއާ ގުޅޭ އިތުރު ތަފްސީލު ހޯދުމަށް ކަމާ ގުޅުން ހުރި އިދާާރާ ތަކުން މިހާރު މަސައްކަތް ކުރަމުން އަންނަ ކަމަށް ވަނީ ބުނެފަ އެވެ. އަދި އެ ސަރަހައްދުން ދަތުރު ކުރާ އުޅަނދު ފަހަރު ތަކުން ސަމާލުވުމަށް ވެސް ވަނީ އެދިފަ އެވެ.
މަސްދަރު: ރޮއިޓާސް
