މަޝްވަރާތައް ދިގު ކުރުމަށް އީރާން އިން "ގޭމު" ކުޅެމުންދާ ކަމަށް ބުނެ، އެމެރިކާގެ ސެނެޓަރު ގްރެހަމް ފާޑު ވިދާޅުވެއްޖެ
ސެނެޓަރު ގްރެހަމް އެކްސްގައި ކުރެއްވި ޕޯސްޓެއްގައި ވިދާޅުވީ، އީރާން އިން މަސައްކަތް ކުރަމުން އަންނަނީ މަޝްވަރާތައް މަރުހަލާ ދިގު ދަންމާލަން ކަމަށް. އަަދި މަޝްވަރާ ތަކުގައި ވާހަކަ ދައްކަމުން އަންނައިރު، އީރާން އިން "ކާޑުތައް ކުޅެމުންދާ" ކަމަށް ވެސް އޭނާ ވަނީ ވިދާޅުވެފައި.
އެމެރިކާގެ ސެނެޓަރު ލިންޑްސީ ގްރެހަމް. | ރޮއިޓާސް
އެމެރިކާ އާއި އީރާންއާ ދެމެދު ކުރިއަށްދާ ހަނގުރާމަ ދާއިމީ ގޮތެއްގައި ހުއްޓާލުމަށް، އީރާން އިން އެންމެ ފަހުން ހުށަހެޅި ހުށަހެޅުމަކީ ވަރަށް "ސިލީ" ހުށަހެޅުމެއް ކަމަށާއި، އެމެރިކާ އިން އެ ހުށަހެޅުން ބަަލައި ނުގަތީ އެ ސަބަބާ ހުރެ ކަމަށް އެމެރިކާގެ ސެނެޓަރު ލިންޑްސީ ގްރެހަމް ވިދާޅުވެއްޖެ އެވެ.
ސެނެޓަރު ގްރެހަމް އެކްސްގައި ކުރެއްވި ޕޯސްޓެއްގައި ވިދާޅުވީ، އީރާން އިން މަސައްކަތް ކުރަމުން އަންނަނީ މަޝްވަރާތައް މަރުހަލާ ދިގު ދަންމާލަން ކަމަށެވެ. އަަދި މަޝްވަރާ ތަކުގައި ވާހަކަ ދައްކަމުން އަންނައިރު، އީރާން އިން "ގޭމު ކުޅެމުންދާ" ކަމަށް ވެސް އޭނާ ވަނީ ވިދާޅުވެފަ އެވެ. އޭނާ ތުހުމަތު ކުރެއްވި ގޮތުގައި އީރާން އިން މަސައްކަތް ކުރަނީ މަޝްވަރާ ދިގު ދެންމުމަށެވެ.
އީރާން އިން މިފަދަ ހުށަހެޅުމެއް ހުށަހަޅާފައި ވަނީ މެދު އިރުމަތީގެ މަސްރަހު ގޯސްވެ، އެމެރިކާ އާއި އީރާންއާ ދެމެދު ނުތަނަވަސްކަން ބޮޑު ވަމުން އަންނަ ވަގުތެއްގަ އެވެ. ނަމަވެސް، އެމެރިކާ އިން ވަނީ އީރާންގެ ހުށަހެޅުން ބަލައި ނުގަންނަން ނިންމައިފަ އެވެ. އޭގެ ފަހުން އީރާން އިން ބުނެފައި ވަނީ އެމެރިކާގެ ޖަވާބު ލިބިފައިވާ ކަމަށާއި، އެކަން ދިރާސާ ކުރަމުން އަަންނަ ކަމަށެވެ.
ސެނެޓަރު ގެރްހަމް އަކީ އީރާންއާ ދެކޮޅަށް ވަރަށް ހަރުކަށި ގޮތެއްގައި ވާހަކަ ދައްކަވަމުން އަންނަ ބޭފުޅެކެވެ. އީރާންގެ ސިޔާސަތުތަކާ ދެކޮޅަށް އެމެރިކާގެ ސެނެޓުގައި އެންމެ ބޮޑަށް ވާހަކަ ދައްކަވާ، އެކަމާ އެންމެ ދެކޮޅު ހަައްދަވާ ބޭފުޅުންގެ ތެރޭގައި ވެސް ގްރެހަމް ހިމެނެ އެވެ. އޭނާ އަކީ އެމެރިކާގައި ވެރިކަން ކުރަމުން އަންނަ ރިޕަބްލިކަން ޕާޓީ އަށް ނިސްބަތްވާ މެމްބަރެކެވެ.
މަޝްވަރާތައް ދިގު ދަންމާލަން އީރާން އިން މަސައްކަތް ކުރަމުން އަންނަ ކަމަށް ގްރެހަމް ތުހުމަތު ކޮށްފައި ވުމުން، އީރާން އިން އެކަމަށް ރައްދު ދޭނެ ކަމަށް ވަރަށް ބޮޑަށް ބެލެވެ އެވެ. އީރާން އިން ކުރިން ވަނީ މަޝްވަރާ ތަކުގައި ހިތްވަރާ އެކު ބައިވެރިވަމުން އަންނަ ކަމަށާއި، ސުލްޙަ ޤާއިމު ކުރުމަށް އެ ޤައުމުން ކޮންމެހެން ވެސް މަސައްކަތް ކުރަމުން އަންނަ ކަމަށް ބުނެފަ އެވެ.
އެމެރިކާގެ ސެނެޓަރު ގްރެހަމް މިފަދަ ބަޔާނެއް ދެއްވުމުން، އީރާން އާއި އެމެރިކާއާ ދެމެދު އޮތް ނުތަނަވަސްކަން އިތުރަށް ބޮޑުވެގެން ދާނެ ކަމަށް ތަޖުރިބާ ކާރުން ވަނީ ފާހަގަ ކޮށްފަ އެވެ.
