އެމެރިކާގެ ބްލޮކޭޑް ފޫއަޅުވާލުމަށް ފަހު، އީރާންގެ 220 މިލިއަން ޑޮލަރުގެ ތެޔޮ ޓޭންކަރެއް އޭޝިއާ ޕެސިފިކް އަށް
މި އުޅަނދުގެ ޙަރަކާތް ތަކަށް ބަލާއިރު، އެމެރިކާގެ ކަނޑުގެ ސިފައިން އީރާންގެ ބަނދަރުތައް ބަންދު ކުރިކަން އިއުލާން ކުރި އޭޕްރީލް މަހުގެ 13 ވަނަ ދުވަހު މި އުޅަނދު އޮތީ އީރާންގެ ކަނޑުގެ ސަރަހައްދުގައި. އަދި މާޗު މަހުގެ 20 ވަނަ ދުވަހު މަލަކާ ކަނޑު އޮޅިން ފުރައިގެން އީރާން އަށް ދިޔުމަށް ފަހު، މި އުޅަނދު އޮޓޮމެޓިކް އައިޑެންޓިފިކޭޝަން ސިސްޓަމް (އޭއައިއެސް)، ނުވަތަ ލޮކޭޝަން ދައްކައިދޭ ސިސްޓަމް ވަނީ ނިއްވާލާފައި.
އީރާނުގެ ދިދަ ނަގައިގެން ދަތުރު ކުރަމުން ދިޔަ "އެމް/ވީ ތޫސްކާ" ނަމަކަށް ކިޔާ މުދާ އުފުލާ ބޯޓަށް އެމެރިކާގެ ސިފައިން އަރައި، އެ ބޯޓު އެމެރިކާގެ ބާރުގެ ދަށަށް ގެނައުމަށް ފަހު، އެ ސަރަހައްދުގައި އެމެރިކާގެ ފައުޖު ތަކުން ފޯރިމަރަމުންދާ މަންޒަރު ފެންނަ ފައިލް ފޮޓޯއެއް. | ރޮއިޓާސް
އީރާންއާ ދެކޮޅަށް އެމެރިކާގެ ކަނޑުގެ ސިފައިން އަޅާފައިވާ ބްލޮކޭޑް، ނުވަތަ ހުރަސްތައް ފޫއަޅުވާލުމަށް ފަހު، 220 މިލިއަން އެމެރިކާ ޑޮލަރުގެ ސާފު ނުކުރާ ތެޔޮ ހިފައިގެން ދަތުރުކުރި އީރާންގެ މާސިންގާ ތެޔޮ ޓޭންކަތެއް އޭޝިއާ ޕެސިފިކް ސަރަހައްދަށް ވަދެފައިވާ ކަމަށް، ތެޔޮ އުޅަނދު ފަހަރުގެ ހަރަކާތްތައް މޮނިޓާކުރާ ޓޭންކަރ ޓްރެކަރސް ޑޮޓް ކޮމް އިން ބުނެފި އެވެ.
އީރާންގެ ނެޝަނަލް އިރޭނިއަން ޓޭންކަރ ކޮމްޕެނީ އަަށް ނިސްބަތްވާ މި ވީއެލްސީސީ (ވެރީ ލަރޖް ކްރޫޑް ކެރިއަރ) އަކީ 1.9 މިލިއަނަށް ވުރެ ގިނަ ފީފާގެ ސާފު ނުކުރާ ތެޔު އުފުލުމުގެ ޤާބިލުކަން ހުރި އުޅަނދެކެވެ.
އެކްސްގައި އާންމު ކުރި ރިޕޯޓެއްގައި ޓޭންކަރ ޓްރެކަރސް އިން ބުނެފައި ވަނީ "ހިއުޖް" ގެ ނަމުން ނަން ދީފައިވާ މި އުޅަނދު އެންމެ ފަހުން ފެނިފައި ވަނީ، މީގެ ހަފުތާއެއްހާ ދުވަސް ކުރިން ސްރީލަންކާގެ ކައިރިން ކަމަށެވެ. މިހާރު މި އުޅަނދު ދަތުރު ކުރަމުން ދަނީ އިންޑޮނޭޝިއާގެ ލޮމްބޮކް ކަނޑު އޮޅިން ރިއާއު އާކިޕެލާގޯއާ ދިމާލަށް ކަމަށް ވެސް އެ ފަރާތުން މައުލޫމާތުދެ އެވެ.
މި އުޅަނދުގެ ޙަރަކާތް ތަކަށް ބަލާއިރު، އެމެރިކާގެ ކަނޑުގެ ސިފައިން އީރާންގެ ބަނދަރުތައް ބަންދު ކުރިކަން އިއުލާން ކުރި އޭޕްރީލް މަހުގެ 13 ވަނަ ދުވަހު މި އުޅަނދު އޮތީ އީރާންގެ ކަނޑުގެ ސަރަހައްދުގަ އެވެ. އަދި މާޗު މަހުގެ 20 ވަނަ ދުވަހު މަލަކާ ކަނޑު އޮޅިން ފުރައިގެން އީރާން އަށް ދިޔުމަށް ފަހު، މި އުޅަނދު އޮޓޮމެޓިކް އައިޑެންޓިފިކޭޝަން ސިސްޓަމް (އޭއައިއެސް)، ނުވަތަ ލޮކޭޝަން ދައްކައިދޭ ސިސްޓަމް ވަނީ ނިއްވާލައިފަ އެވެ.
ްއީރާންގެ ދައުލަތުގެ މީޑިއާ އިން އޭޕްރީލް 29 ވަނަ ދުވަހު ބުނެފައި ވަނީ، އެމެރިކާގެ ހުރަސްތަކާ އެކު ވެސް އީރާންގެ މަދުވެގެން 52 އުޅަނދެއް ވަނީ އެމެރިކާގެ ބްލޮކޭޑް ފޫއަޅުވާލައިފަ އެވެ. ނަމަވެސް، އެމެރިކާގެ އަސްކަރިއްޔާ އިން ބުނަމުން ދަނީ ބްލޮކޭޑް ފެށި ފަހުން، އީރާންއާ ގުޅުންހުރި 41 އުޅަނދެއްގެ މިސްރާބު އަނބުރާލަން މަޖުބޫރު ކުރުވާފައިވާ ކަމަށެވެ.
އެމެރިކާގެ އޮފިޝަލުން ވިދާޅުވާ ގޮތުގައި، އެ ޤައުމުން އަޅާފައިވާ ފިޔަވަޅު ތަކުގެ ނަތީޖާ ދަނީ ފެންނަމުންނެވެ. އަދި އެކަމުގެ ސަބަބުން އީރާން އަށް ލިބެން ޖެހޭ ބިލިއަނުން ގުނޭ އާމްދަނީ ގެއްލިފައިވާ ކަމަށް ވެސް އެމެރިކާ އިން ބުނެ އެވެ. އެމެރިކާގެ ސިޔާސަތަކީ އީރާން އަށް ތެޔޮ އެކްސްޕޯޓު ނުކުރެވޭ ގޮތް ހަދައި، ތެޔޮ ރައްކާ ކުރާނެ ޖާގަ ހުސްވެ، އުފެއްދުންތެރިކަން މުޅިން ހުއްޓުމަކަށް ގެނައުމެވެ.
މަސްދަރު: އަލް ޖަޒީރާ
