ލިބުނީ އެންމެ ބޭނުންވި ނަތީޖާއެއް ނޫން، އެކަމަކު ޓީމާ މެދު ފަޚުރުވެރިވަން: އާޓެޓާ

ޔުއެފާ ޗެމްޕިއަންސް ލީގުގެ ސެމީ ފައިނަލްގެ ފުރަތަމަ ލެގުގައި އެތުލެޓިކޯ މެޑްރިޑާ ދެކޮޅަށް ކުޅުނު މެޗުން ލިބުނީ، އެންމެ ބޭނުންވި ނަތީޖާ ނޫން ކަމަށާއި، އެހެން ނަމަވެސް އާސެނަލްގެ ކުޅުންތެރިންނާ މެދު ފަޚުރުވެރިވާ ކަމަށް އެ ޓީމުގެ ކޯޗު މިކޭލް އާޓެޓާ ބުނެފި އެވެ. 

އާޓެޓާ މިހެން ބުނީ ޗެމްޕިއަންސް ލީގުގެ ސެމީ ފައިނަލްގައި އެތުލެޓިކޯއާ ދެކޮޅަށް ކުޅުނު މެޗަށް ފަހު ނޫސްވެރިންނާ ވާހަކަ ދައްކަމުންނެވެ. އެ މެޗު އެއްވަރު ވެގެން ނިމުނުއިރު، އާސެނަލް އިން ލީޑު ނަގާފައި ވަނިކޮށް އެތުލެޓިކޯ އިން ނަތީޖާ ހަމަހަމަ ކުރީ ފަހަތުން އަރައިގެންނެވެ.

އާޓެޓާ ބުނީ އެ މެޗަކީ ވަރަށް ފޯރި ގަދަ މެޗަކަށް ވެގެން ދިޔަ ކަމަށާއި، ޗެމްޕިއަންސް ލީގުގެ ސެމީ ފައިނަލް އަކީ ޚާއްސަ މެޗެއް ކަމަށެވެ. އާޓެޓާ ބުނީ އާސެނަލް އިން ރަނގަޅަށް ކުޅެ، ލަނޑު ޖަހައިގެން ލީޑު ނެގި ކަމަށެވެ. ނަމަވެސް، ދެ ވަނަ ހާފު ފަށައިގެން އާސެނަލް އަށް ކޮންމެ ވރސް ވަރެއްގެ ދޫ ތަކެއް ދެެވުނު ކަމަށް އާޓެޓާ ފާހަގަ ކުރި އެވެ. 

މީގެ އިތުރުން އާޓެޓާ ބުނީ އާސެނަލްގެ ކުޅުންތެރިންނާ މެދު އޭނާ ފަޚުވެރިވާ ކަމަށެވެ. އާސެނަލް އިން ފާއިތުވި ކޮންމެ މެޗެއްގައި ވެސް ވަރަށް ގިނަ ޕްރެޝަރާ ކުރިމަތިލިކަން ފާހަގަކޮށް އޭނާ ބުނީ، މިއީ އާސެނަލް އަށް ސީޒަންގެ އެންމެ މުހިންމު ވަގުތު ކޮޅު ކަމަށެވެ. މިހާތަނަށް އާސެނަލްގެ ކުޅުންތެރިން ކުރި މަސައްކަތް އަދި ދެއްކި ހިތްވަރާ މެދު އިންތިހާ އަށް ހިތްހަމަ ޖެހޭކަން ފާހަގަކޮށް އާޓެޓާ ބުނީ، ބައެއް މޮޅެތި ޓީމުތައް މިހާ ހިސާބަށް ނާންނަ ކަމަށެވެ. 

އެތުލެޓިކޯ މެޗުގައި ލިބުނީ އާސެނަލް އެންމެ ބޭނުންވި ނަތީޖާ ނޫން ކަމަށާއި، އާސެނަލް ބޭނުންވީ އެ މެޗުން މޮޅުވާން ކަމަށް އާޓެޓާ ބުންޏެވެ. މެޗު އެއްވަރުވި ނަަމަވެސް، އަދި ވެސް އާސެނަލްގެ އަމިއްލަ އަތް މަތީގައި ބާރު އޮތް ކަމަށް އާޓެޓާ ވަނީ ބުނެފަ އެވެ. އޭނާ ބުނީ އަމިއްލަ ދަނޑުގައި ދެ ވަނަ ލެގަށް ނިކުންނާނީ އަލުން ހިތްވަރުކޮށް، ނަތީޖާ ނެރެ، ފައިނަލް އަށް ދިޔުމުގެ އަޒުމުގައި ކަަމަށެވެ. އާޓެޓާ ބުނީ އާސެނަލް ހިތްވަރު ކުރާނެ ކަމަށާއި، ނަތީޖާ ނެރެން ހިތްވަރު ލާނެ ކަމަށެވެ.

އާސެނަލްގެ އަމިއްލަ ދަނޑުގައި ކުޅޭ ސެމީ ފައިނަލްގެ ދެ ވަނަ ލެގުން މޮޅުވެ، އާސެނަލް އަށް މުބާރާތުގެ ފައިނަލްގެ ފުރުސަތު ހޯދޭނެ އެވެ.