އީރާން އަށް ނިއުކްލިއާ ޕްރޮގްރާމްގެ ފުރުސަތު އޮވެގެން ނުވާނެ ކަމަށް އިނގިރޭސި ރަސްގެފާނު ވެސް އެއްބަސްވޭ: ޓްރަމްޕް

ނިއުކްލިއާ ޕްރޮގްރާމް ކުރިއަށް ގެންދިޔުމުގެ ފުރުސަތު އީރާން އަށް އޮވެގެން ނުވާނެ ކަމަށް، އިނގިރޭސި ރަސްގެފާނު ޗާލްސް ތިން ވަނަ ވެސް ޤަބޫލުފުޅު ކުރައްވާ ކަމަށް، އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.

އިނގިރޭސިވިލާތުގެ ރަސްގެފާނު ޗާލްސް އަށް ރަސްމީކޮށް މަރުޙަބާ ދެންނެވުމަށް، ވައިޓް ހައުސްގައި އޮތް ޚާއްސަ ފަރިއްކޮޅެއްގައި ޓްރަމްޕް ވަނީ އީރާންއާ ދެކޮޅަށް ކުރަމުން އަންނަ ހަނގުރާމައާ ގުޅޭ ގޮތުން ވެސް ވާހަކަ ދައްކަވައިފަ އެވެ. 

ޓްރަމްޕް ވިދާޅުވީ، އޭނާގެ ސަރުކާރުން މިހާރު މެދު އިރުމަތީގެ ސަރަހައްދުގައި ކުރަމުންދާ މަސައްކަތްތައް ވަަރަށް ރަނގަޅަށް ކުރިއަށް ދަމުން އަންނަ ކަމަށެވެ. ޓްރަމްޕް ވިދާޅުވީ، އެ ސަރަހައްދުގައި ކުރަމުންދާ ކަންކަން ރަނގަޅު ގޮތުގައި ކުރިއަށްދާ ކަމަށާއި، އެކަމުގައި އެމެރިކާ އޮތީ ވަރަށް ކުރީގައި ކަމަށެވެ. 

މީގެ އިތުރުން ޓްރަމްޕް ވިދާޅުވީ، އެމެރިކާ އިން އެ ޤައުމުގެ ދުޝްމަނުންނާ ދެކޮޅަށް ހަނގުރާމައިގެ ކާމިޔާބީ ތަކެއް ހޯދާފައިވާ ކަމަށެވެ. އީރާން އަށް ނިސްބަތް ކުރައްވައި ޓްރަމްޕް ވިދާޅުވެފައި ވަނީ، ދުޝްމަނުންނަށް ނިއުކްލިއާ ހަތިޔާރު ހޯދުމުގެ ފުރުސަތު އޮވެގެން ނުވާނެ ކަމަށާއި، އެކަމަށް އެމެރިކާ އިން ކުރަމުން އަންނަ ވަކާލާތު ދޫކޮށް ނުލާނެ ކަމަށެވެ. 

އެކަން ފާހަގަ ކުރައްވައި ޓްރަމްޕް ވިދާޅުވީ، އީރާން އަށް ނިއުކްލިއާ ހަތިޔާރު ހޯދުމުގެ ފުރުސަތު އޮވެގެން ނުވާނެ ކަމަށް، އިނގިރޭސިވިލާތުގެ ރަސްގެފާނު ވެސް އެއްބަސްވެ ވަޑައިގަންނަވާ ކަމަށެވެ. ޓްރަމްޕް ވިދާޅުވީ، އެކަމުގައި އޭނާގެ ސިޔާސަތު ތަކަށް އިނގިރޭސިވިލާތުގެ ރަސްގެފާނު ވެސް އެއްބަސްވާ ކަމަށާއި، އެއީ ވަރަށް މުހިންމު ކަމެއް ކަމަށް ދެކޭ ކަމަށެވެ. 

އިނގިރޭސިވިލާތުގެ ރަސްގެފާނު ޗާލްސް، އެމެރިކާ އަށް ކުރެއްވި ތާރީޚީ ދަތުރުފުޅަކީ ދެ ޤައުމުގެ ދެ މެދުގައި ގުޅުން ބަދަހި ކުރުމާއި، ބައިނަލްއަޤުވާމީ މައްސަލަ ތަކުގައި ދެ ޤައުމުން އެކުގައި މަސައްކަތް ކުރުމާ ގުޅޭ ގޮތުން މަޝްވަރާ ކުރުމަށް ކުރެއްވި ދަތުރުފުޅެކެވެ.