އެމެރިކާ އާއި އީރާންގެ ބައްދަލުވުމަށް އަންނަ ފަރާތް ތަަކަށް ވިސާ ދިނުމުގައި ޕާކިސްތާން އިން ލުއި ފަސޭހަ ގޮތް ތަކެއް
އޭޕްރީލް 10 ޖަހާފައިވާ އިރުޝާދުގައި ހުރިހާ އެއާލައިން ތަކަށް އަންގާފައި ވަނީ، ެ ބައްދަލުވުމާ ގުޅިގެން ދަތުރު ކުރާ ފަރާތް ތަކަށް ކުރިން ވިސާ ނުލިބި އޮތް ނަމަވެސް، ފްލައިޓަށް އެރުވުމަށް އެދޭ ކަމަށް. އެ ފަރާތް ތަކަށް ޕާކިސްތާންގެ އިމިގްރޭޝަން އޮފިޝަލުން އެއާޕޯޓުގައި ވިސާ ދޫ ނުކުރާނެ ކަމަށް ވެސް ބުނެފައިވޭ.
ޕާކިސްތާން އާއި އީރާންގެ ދިދަ. | ރޮއިޓާސް
އެމެރިކާ އާއި އީރާންއާ ދެމެދު ބާއްވާ ބައްދަލުވުމުގައި ބައިވެރިވުމަށް، ޕާކިސްތާންގެ އިސްލާމްއާބާދަށް އަންނަ ފަރާތް ތަކަަށް ވިސާ ދިނުމުގައި ޕާކިސްތާން އިން ފަސޭހަ އިންތިޒާމު ތަކެއް ހަމަޖައްސައިދީފި އެވެ.
ޕާކިސްތާންގެ ދާޚިލީ ވުޒާރާ އިން ނެރެފައިވާ ބަޔާނެއްގައި ބުނެފައި ވަނީ އެ އިންތިޒާމު ހަމަޖައްސައި ދީފައިވާ ކަމަށެވެ. އެގޮތުން ޕާކިސްތާން އަށް ވަޑައިގަންނަވާ ފަރާތް ތަަކަށް އެއާޕޯޓުގައި ވިސާ ދިނުމުގެ އިންތިޒާމު ހަމަޖައްސައި ދީފައިވާ ކަމަށް ވަނީ ބުނެފަ އެވެ.
އޭޕްރީލް 10 ޖަހާފައިވާ އިރުޝާދުގައި ހުރިހާ އެއާލައިން ތަކަށް އަންގާފައި ވަނީ، ެ ބައްދަލުވުމާ ގުޅިގެން ދަތުރު ކުރާ ފަރާތް ތަކަށް ކުރިން ވިސާ ނުލިބި އޮތް ނަމަވެސް، ފްލައިޓަށް އެރުވުމަށް އެދޭ ކަމަށެވެ. އެ ފަރާތް ތަކަށް ޕާކިސްތާންގެ އިމިގްރޭޝަން އޮފިޝަލުން އެއާޕޯޓުގައި ވިސާ ދޫ ނުކުރާނެ ކަމަށް ވެސް ބުނެފައިވެ އެވެ.
ޕާކިސްތާންގެ ޚާރިޖީ ވަޒީރު އިޝާޤު ދާރު އެކްސްގައި ކުރެއްވި ޕޯސްޓެއްގައި ވިދާޅުވީ، އިސްލާމްއާބާދު ބައްދަލުވުން 2026އާ ގުޅިގެން ބައިވެރިވާ ޤައުމު ތަކުގެ އޮފިޝަލުން ނުވަތަ އެހެން ފަރާތްތަކަށް މަރުޙަބާ ކިޔާނެ ކަމަށެވެ. އޭގެ ތެރޭގައި ނޫސްވެރިން ވެސް ހިމެނޭނެ އެވެ. އެހެންކަމުން ވިސާ ނެތި ވެސް އެ ފަރާތް ތަކަށް ފްލައިޓުން ދަތުރު ކުރެވޭނެ އެންމެހާ އިންތިޒާމު ތަކެއް ހަމަޖައްސާފައިވާ ކަމަށް ބުނެފައިވެ އެވެ.
މި އެންގުން ވަނީ ސަރުކާރުގެ މުހިންމު އިދާރާ ތަކަށް ވެސް ފޮނުވައިފަ އެވެ. އޭގެ ތެރޭގައި ޚާރިޖީ ކަންކަމާ ބެހޭ އިދާރާ ތަކާއި، ދިފާއީ ކަންކަމާ ބެހޭ އިދާރާ ތަކުގެ އިތުރުން، އޭވިއޭޝަން އޮތޯރިޓީ ވެސް ހިމެނެ އެވެ. މިއީ މި ބައްދަލުވުމުގައި ބައިވެރިވާ އެންމެހާ ފަރާތްތަކަށް ވެސް ފަސޭހަ އިންތިޒާމެއް ހަމަޖައްސަައި ދިނުމުގެ ގޮތުން ޕާކިސްތާން އިން ނިންމާފައިވާ ނިންމުމެކެވެ.
މަސްދަރު: އަލް އަރަބިއްޔާ
