އީރާންގެ ވަފުދު ބުރާސްފަތި ދުވަހު ޕާކިސްތާން އަށް ދާނެ ކަމަށް ބުނެފި
ސޯޝަލް މީޑިއާގައި ކުރެއްވި ޕޯސްޓެއްގައި ސަފީރު ވިދާޅުވީ، އިޒްރޭލް އިން ތަކުރާރުކޮށް ހަނގުރާމަ ހުއްޓާލުމުގެ އެއްބަސްވުންތަކާ ޚިލާފު ވަމުންދާތީ، އީރާންގެ އާންމު ރައްޔިތުންގެ މެދުގައި އެކަމާ މެދު ޝައްކު ތަކެއް އުފެދިފައިވާ ކަމަށް. ނަމަވެސް، ސަރަހައްދީ ހަމަޖެހުމަށް ޓަކައި އީރާން އިން ހުށަހަޅާފައިވާ 10 ނުކުތާގެ މައްޗަށް ބިނާކޮށް ސީރިއަސް މަޝްވަރާ ތަކެއް ކުރުމަށް އީރާންގެ ވަފުދު ޕާކިސްތާން އަށް އަންނާނެ ކަމަށް ބުނެފައިވޭ.
ޕާކިސްތާން އާއި އީރާނުގެ ދިދަ. | ރޮއިޓާސް
އެމެރިކާ އާއި އިޒްރޭލް އިން އީރާންއާ ދެކޮޅަށް ކުރަމުން އަންނަ ހަނގުރާމަ ހުއްޓާލައި، އެއްބަސްވުމެއް ޤާއިމު ކުރުމަށްޓަކައި ކުރަމުން އަންނަ މަޝްވަރާ ތަކުގައި ބައިވެރިވުމަށް، އީރާންގެ އިސް އޮފިޝަލުން ހިމެނޭ ވަފުދެއް ބުރާާސްފަތި ދުވަހު ޕާާކިސްތާން އަށް ދަތުރު ކުރާނެ ކަމަށް ބުނެފި އެވެ.
ޕާކިސްތާންގައި ހުންނަވާ އީރާންގެ ސަފީރު ރިޒާ އަމީރީ މުގައްދަމް ވިދާޅުވީ، އީރާންގެ ވަފުދު ބުރާސްފަތި ދުވަހުގެ ވަގުތެއްގައި ޕާކިސްތާންގެ ވެރި ރަށް އިސްލާމްއާބާދަށް އައުމަށް ހަމަޖެހިފައިވާ ކަމަށެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ސަފީރު ވިދާޅުވީ، އިޒްރޭލް އިން ތަކުރާރުކޮށް ހަނގުރާމަ ހުއްޓާލުމުގެ އެއްބަސްވުންތަކާ ޚިލާފު ވަމުންދާތީ، އީރާންގެ އާންމު ރައްޔިތުންގެ މެދުގައި އެކަމާ މެދު ޝައްކު ތަކެއް އުފެދިފައިވާ ކަމަށެވެ. ނަމަވެސް، ސަރަހައްދީ ހަމަޖެހުމަށް ޓަކައި އީރާން އިން ހުށަހަޅާފައިވާ 10 ނުކުތާގެ މައްޗަށް ބިނާކޮށް ސީރިއަސް މަޝްވަރާ ތަކެއް ކުރުމަށް އީރާންގެ ވަފުދު ޕާކިސްތާން އަށް އަންނާނެ ކަމަށް ބުނެފައިވެ އެވެ.
މި މަޝްވަރާ ތަކަކީ މެދު އިރުމަތީގައި އެފެދިފައިވާ ނުތަނަވަސްކަން ކުޑަ ކުރުމަށާއި، ޚާއްސަކޮށް އެމެރިކާ އާއި އީރާންއާ ދެމެދު އޮތް މައްސަލަ ތަަކަށް ސުލްޙަވެރި ހައްލެއް ހޯދުމަށް ބައިނަލްއަޤުވާމީ ފެންވަރުގައި ކުރެވެމުންދާ މަޝްވަރާ ތަކުގެ ތެރެއިން ކުރިއަށް ގެންދާ ބައްދަލުވުން ތަކެކެވެ. އީރާން އިން ބުނާ ގޮތުގައި އެ ޤައުމުން ހުށަހަޅާފައިވާ 10 ނުކުތާ އަކީ، ސަރަހައްދީ ސަލާމަތާއި ރައްކާތެރިކަން ކަށަވަރު ކުރުމަށް އެޅޭނެ މުހިންމު ފިޔަވަޅު ތަކެކެވެ.
ޕާކިސްތާން އަކީ އީރާންއާ އަވަށްޓެރި ޤައުމަކަށް ވާއިރު، މިފަދަ މުހިންމު މަޝްވަރާ ތަކެއް ޕާކިސްތާންގެ ވެރި ރަށް އިސްލާމްއާބާދުގައި ބޭއްވުމަކީ ސަރަހައްދީ ސިޔާސީ މަސްރަހުގައި ޕާކިސްތާންގެ ދައުރު ބޮޑުކަން ހާމަ ކޮށްދޭ ކަމެއް ކަމަށް ތަޖުރިބާކާރުން ބުނެ އެވެ. މި ވަފުދުގެ ދަތުރުގައި ޕާކިސްތާންގެ އިސްވެރިންނާ ބައްދަލުކޮށް، މަޝްވަރާގެ މޭޒަށް ހުށަހަޅާފައިވާ ކަންކަމާ ގުޅޭ ގޮތުން ފުޅާ ދާއިރާއެއްގައި ވާހަކަ ދެއްކުމަށް ވަނީ ހަމަޖެހިފަ އެވެ.
މަސްދަރު: ރޮއިޓާސް
