ފުޖައިރާގައި ހުންނަ ޓެލެކޮމިއުނިކޭޝަން ކުންފުންޏެއްގެ އިމާރާތަކަށް، އީރާން އިން ޑްރޯން ހަމަލާ ތަކެއް ދިން ކަމަށް ތުހުމަތު ކޮށްފި

ޔުނައިޓެޑު އަރަބް އެމިރޭޓްސް (ޔޫއޭއީ)ގެ ފުޖައިރާގައި ހުންނަ ޓެލެކޮމިއުނިކޭޝަން ކުންފުންޏެއްގެ އިމާރާތަކަށް އީރާން އިން ފޮނުވާލި ޑްރޯން ތަކެއް އަމާޒުވެ، ހަމަލާ ތަކެއް ދީފައިވާ ކަމަށް ބުނެފި އެވެ.

އެމިރޭޓްސް ނޫސް އެޖެންސީ ވާމުން އިން ބުނީ، ފުޖައިރާގެ ބެލެނިވެރި ފަރާތުން އެންގި ގޮތުގައި އީރާން އިން ފޮނުވާލި ޑްރޯން އަކުން ޑޫ (ޑީޔޫ) ޓެލެކޮމިއުނިކޭޝަން ކުންފުނީގެ އިމާރާތަކަށް ހަމަލާ ދީފައިވާ ކަމަށާއި، މި ހާދިސާއާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށެވެ. 

ފުޖައިރާ މީޑިއާ އޮފީހުން ބުނި ގޮތުގައި، މި ހަމަލާގައި އެއްވެސް މީހަކަށް އަނިޔާއެއް ލިބިފައި ނުވެ އެވެ. ނަމަވެސް، މި ހާދިސާ އަކީ ފުޖައިރާ އިމާރާތުގައި ހިނގި ސީރިއަސް ހާދިސާއެއްގެ ގޮތުގައި ބެލެނިވެރި ފަރާތުން ދެކެމުން އަންނައިރު، އެ ހާދިސާގެ ތަފްސީލް ދެނެގަތުމުގެ މަސައްކަތް ވެސް އަންނަނީ ކުރަމުންނެވެ. 

މީގެ އިތުރުން، ހޯމަ ދުވަހު އަބޫދާބީގެ މުސައްފާހު ސަރަހައްދުގައި ވެއްޓުނު ބައެއް ބައި ތަކުގެ ސަބަބުން ހާދިސާއެއް ވަނީ ހިނގައިފަ އެވެ. އެގޮތުން ގާނާގެ ރައްޔިތެއްގެ ގައިގައި އޭގެއިން ޖެހި، އޭނާ އަށް ކޮންމެ ވެސް މިންވަރެއްގެ އަނިޔާ ތަކެއް ލިބިފައިވާ ކަމަށް ވަނީ ބުނެފަ އެވެ. އަބޫދާބީގެ ކަމާ ގުޅުން ހުރި އިދާރާ ތަކުން އަންނަނީ މިކަން ވެސް ބަލަމުންނެވެ. 

ޔޫއޭއީގެ ކަމާ ގުޅުން ހުރި އިދާރާ ތަކުން ބުނެފައި ވަނީ، މި ހާދިސާއާ ގުޅިގެން ތަހުގީގެއް ފަށާފައިވާއިރު، އީރާން އިން ފޮނުވި ޑްރޯން އިން ހަަމަލާ ދިން ކަމުގެ ތުހުމަތު ވަރަށް ސީރިއަސް ގޮތެއްހައި ބަލާނެ ކަމަށެވެ. އަދި އެކަމުގެ ސަބަބުން ސަލާމަތީ ފިޔަވަޅުތައް އިތުރަށް ވަރުގަދަ ކުރުމަށް ޔޫއޭއީގެ ސަލާމަތީ ފަރާތްތަކުން ވެސް ވަނީ ނިންމައިފަ އެވެ.