އެމެެރިކާގެ އަސްކަރިއްޔާގެ ޗީފް އޮފް ސްޓާފް މަގާމުން ވަކި ކޮށްފި
3 އެޕްރީލު 2026 | ހުކުރު 08:51ޕެންޓަގަން އިން ކަށަވަރު ކޮށްދީފައިވާ ގޮތުގައި ޖޯޖް ވަނީ އޭނާގެ މަގާމުން ރިޓަޔާ ކުރައްވާފައި. އޭނާގެ މަގާމުގެ ދައުރުގައި ބާކީ އެއް އަހަރަށް ވުރެ ގިނަ ދުވަސް އޮތްއިރު، ޖޯޖް އަކީ އެމެރިކާގެ އަސްކަރިއްޔާގެ 41 ވަނަ ޗީފް އޮފް ސްޓާފް.
އެމެރިކާގެ އަސްކަރިއްޔާގެ ޗީފް އޮފް ސްޓާފް ޖޯޖް | ރޮއިޓާސް
އެމެރިކާގެ އަސްކަރިއްޔާގެ ޗީފް އޮފް ސްޓާފް ރެންޑީ ޖޯޖް، މަގާމުން ވަކި ކޮށްފައިވާ ކަމަށް ރިޕޯޓު ކޮށްފި އެވެ.
ރޮއިޓާސް އިން ރިޕޯޓު ކޮށްފައިވާ ގޮތުގައި ބުރާސްފަތި ދުވަހު ޖޯޖް ވަނީ މަގާމުން ވަކިކޮށްފަ އެވެ. އޭނާ މަގާމުން ވަކި ކުރަން ނިންމާފައި ވަނީ އެމެރިކާގެ ސެކްރެޓަރީ އޮފް ވޯ ޕީޓް ހެގްސެތު ކަމަށް ތިން އޮފިޝަލަކާ ހަވާލާދީ ރޮއިޓާސްގައި ވަނީ ބުނެފަ އެވެ.
ޕެންޓަގަން އިން ކަށަވަރު ކޮށްދީފައިވާ ގޮތުގައި ޖޯޖް ވަނީ އޭނާގެ މަގާމުން ރިޓަޔާ ކުރައްވައިފަ އެވެ. އޭނާގެ މަގާމުގެ ދައުރުގައި ބާކީ އެއް އަހަރަށް ވުރެ ގިނަ ދުވަސް އޮތްއިރު، ޖޯޖް އަކީ އެމެރިކާގެ އަސްކަރިއްޔާގެ 41 ވަނަ ޗީފް އޮފް ސްޓާފް އެވެ.
ޕެންޓަގަންގެ ބަޔާނެއްގައި ބުނެފައި ވަނީ ޖޯޖްގެ ފަރާތުން ލިބިފައިވާ ޚިދުމަތްތަކާއި، އޭނާ ކޮށްދެއްވި އަގު ހުރި މަސައްކަތް ތަކަށް ޝުކުރު އަދާ ކުރާ ކަމަށެވެ. އަދި އޭނާ އަށް އިތުރު ކާމިޔާބީ އަށް ވެސް އެދޭ ކަމަަށް ބަޔާނުގައި ވަނީ ބުނެފަ އެވެ.
ނަން ހާމަ ކުރަން ބޭނުން ނުވާ ދެ އޮފިޝަލަކު ބުނީ، ހެގްސެތު ވަނީ ޖޯޖްގެ އިތުރުން، އެހެން ދެ އިސް އޮފިޝަލަކު ވެސް މަގާމުން ވަކި ކޮށްފަ އެވެ. އެއީ ސިފައިންގެ ތަމްރީނު ކޮމާންޑުގެ އިސްވެރިޔާ ޖެނަރަލް ޑޭވިޑް ހޮޑްނީ އާއި، ސިފައިންގެ ކޯޕްސްގެ އިސްވެރިޔާ މޭޖާ ޖެނަރަލް ވިލިއަމް ގްރީން އެވެ.
ޖޯޖް ވަޒީފާ އިން ވަކި ކުރި ސަބަބެއް ޑިޕާޓްމަންޓް އިން ހާމަ ކޮށްފައި ނުވެ އެވެ. މިކަން ހިނގާފައި މި ވަނީ އެމެރިކާގެ ސިފައިން މެދު އިރުމަތީގައި އެ މީހުންގެ ހަރަކާތް އިތުރު ކުރަމުން އަންނަ ވަގުތެއްގަ އެވެ.
