ޓްރަމްޕްގެ މަލާމާތަށް ރައްދު ދިނުމަކީ ބޭކާރު ކަމެއް، މިއީ ޝޯ ކުޅެންވީ ވަގުތެއް ނޫން: މެކްރޮން

އެމެރިކާގެ ރައީސް ޑޮނަލްޑް ޓްރަމްޕް ދެއްކެވި ވާހަކަ ތަކަށް ރައްދު ދިނުމަކީ ބޭކާރު ކަމެއް ކަމަށް، ފްރާންސްގެ ރައީސް އިމަނުއެލް މެކްރޮން ވިދާޅުވެއްޖެ އެވެ.

ބުރާސްފަތި ދުވަހު މެކްރޮން މިހެން ވިދާޅުވެފައި ވަނީ، މެކްރޮން އާއި އޭނާގެ އަނބިކަނބަލުންނާ ގުޅޭ ގޮތުން އެމެރިކާގެ ރައީސް ޓްރަމްޕް ދެއްކެވި ވާހަކަ ތަކަށް ރައްދު ދިނުމުންނެވެ. އެގޮތުން މެކްރޮން ވޮދާޅުވީ ޓްރަމްޕް ދެއްކެވި ވާހަކަ ތަކަށް ރައްދު ދިނުމަކީ ބޭކާރު ކަމެއް ކަމަށާއި، އެއީ ޓްރަމްޕް ދެއްކެވި ގޯސް ވާހަކަ ތަކެއް ކަަމަށެވެ. 

ބުދަ ދުވަހު ޓްރަމްޕް ވަނީ ނޭޓޯގެ ޤައުމު ތަކަށް ފާޑު ވިދާޅުވެފަ އެވެ. އެ ވާހަކައިގެ ތެރެއިން ޓްރަމްޕް ވަނީ މެކްރޮން އާއި އޭނާގެ އަނބިކަނބަލުން ބްރިޖީޓް މެކްރޮން އަށް މަލާމާތް ކުރައްވައިފަ އެވެ. އެގޮތުން މެކްރޮންގެ އަނބިކަނބަލުން އޭނާގެ މޫނު މަތީގައި ޖައްސަވާފައިވާ ކަމަށާއި، އެކަމުގެ ސަބަބުން މެކްރޮން އަށް ވަރަށް ބޮޑަށް އަނިޔާވެފައިވާ ކަމަށް ވެސް ޓްރަމްޕް ވިދާޅުވި އެވެ. 

ޓްރަމްޕްގެ ވާހަކަ ތަކަކީ ބޭކާރު ވާހަކަ ތަކެއް ކަމަށް މެކްރޮން ވިދާޅުވެފައިވާއިރު، އޭނާ ވިދާޅުވީ މެދު އިރުމަތީގައި މިހާރު ހިނގަމުން އަންނަ ހަނގުރާމަ ހުއްޓުމަށް ޙައްލެއް ހޯދަން ޖެހޭ ކަމަށެވެ. އެގޮތުން ފްރާންސް އިން ބޭނުން ވަނީ ސުލްޙަ އާއި ސަލާމަތް ހޯދަން ކަމަށާއި، މިއީ ޝޯ ކުޅެންވީ ވަގުތެއް ނޫން ކަމަށް ވެސް މެކްރޮން ވިދާޅުވެފައިވެ އެވެ.