އިޒްރޭލްގެ ސިފައިންގެ މަރުކަޒަކަށް ހިޒްބުﷲ އިން މިސައިލް ހަމަލާ ދީފި
ހިޒްބުﷲ އިން ބުނެފައި ވަނީ، މި ހަމަލާތައް ދީފައި ވަނީ އިޒްރޭލް އިން ލުބުނާާނަށް ދެމުންދާ ހަމަލާތަކާ ގުޅިގެން ކަމަށް. އަދި ޚާއްސަ މިސައިލް ތަކުން ދީފައިވާ ހަމަލާތައް ކާމިޔާބު ވެފައިވާ ކަމަށް ވެސް، އެ ޖަމާއަތުން ވަނީ ބުނެފައި.
މީގެ ކުރިން ހިޒްބުﷲ އިން އިޒްރޭލް އަށް ދިން ހަމަލާއެއްގެ ތެރެއިން | އޭއެފްޕީ
އިޒްރޭލްގެ ވެރި ރަށް ތެލް އަވީވްގައި ހުންނަ އެ ޤައުމުގެ ސިފައިންގެ މައި މަރުކަޒަށް މިސައިލް ހަމަލާ ތަކެއް ދީފައިވާ ކަމަށާއި، އެ ހަމަލާ ތަކުގެ ޒިންމާ ނަގާ ކަމަށް ލުބުނާންގެ ހިޒްބުﷲ ޖަމާއަތުން ބުނެފި އެވެ.
ހިޒްބުﷲ އިން ބުނެފައި ވަނީ އިޒްރޭލްގެ ސިފައިންގެ މައި މަރުކަޒަށް ޚާއްޞަ މިސައިލް ތަކަކުން ހަަމަލާ ދިނުމުގެ ޒިންމާ ނަގާ ކަމަށެވެ. މީގެ އިތުރުން ތެލް އަވީވްގެ އުތުރުގައި އޮންނަ ސިފައިންގެ ޚާއްޞަ ފެސެލިޓީ އަކަށް ވެސް ހަަމަލާ ދިނުމުގެ ޒިންމާ ހިޒްބުﷲ އިން ވަނީ ނަގައިފަ އެވެ.
ހިޒްބުﷲ އިން ބުނެފައި ވަނީ، މި ހަމަލާތައް ދީފައި ވަނީ އިޒްރޭލް އިން ލުބުނާާނަށް ދެމުންދާ ހަމަލާތަކާ ގުޅިގެން ކަމަށެވެ. އަދި ޚާއްސަ މިސައިލް ތަކުން ދީފައިވާ ހަމަލާތައް ކާމިޔާބު ވެފައިވާ ކަމަށް ވެސް، އެ ޖަމާއަތުން ވަނީ ބުނެފަ އެވެ. ނަމަވެސް، މި ހަމަލާތަކާ ގުޅިގެން އިޒްރޭލް އިން މިހާތަނަށް ވަކި އެއްޗެއް ބުނެފައި ނުވެ އެވެ.
މި ހަމަލާތައް ދިނުމުން، އިޒްރޭލްގެ ތެލް އަވީވްގައި ދިރިއުޅޭ ރައްޔިތުންގެ މެދުގައި ބިރުވެފައިކަން އިތުރުވެފައިވާ ކަމަށް ރިޕޯޓުތައް ބުނެ އެވެ. އިޒްރޭލްގެ މައި ސިޓީގެ މެދު ތެރޭގައި އޮންނަ ސިފައިންގެ މަރުކަޒަށް ހަމަލާ ދެވިދާނެ ކަމުގެ ބިރު ރައްޔިތުންގެ ތެރޭގައި އިތުރުވެފައިވާ ކަމަށް ވެސް ބުނެފައިވެ އެވެ.
މަސްދަރު: އަލް ޖަޒީރާ
