އީރާނުގެ މަލާމާތް ޓްރަމްޕަށް، އެމެރިކާ އިން މަޝްވަރާ ކުރަނީ އެމީހުން އަމިއްލަ އަށް އެކަނި ތިބެގެން

އެމެރިކާ އާއި އިޒްރޭލުން އީރާންއާ ދެކޮޅަށް ކުރަމުން އަންނަ ހަނގުރާމަ ނިންމުމަށް އެމެރިކާ އިން މަޝްވަރާ ކުރަމުން އަންނަނީ އެ މީހުން އަމިއްލަ އަށް ތިބެ، އެ މީހުން އެކަނި ކަމަށް އީރާން އިން ބުނެފި އެވެ.

އީރާންގެ އަސްކަރިއްޔާގެ ތަރުޖަމާނު ބުދަ ދުވަހު ވިދާޅުވެފައި ވަނީ، އެމެރިކާ އިން އީރާންއާ ދެކޮޅަަށް ހިންގާ ހަނގުރާމަ ނިންމުމުގެ މަޝްވަރާތައް ކުރަމުން ގެންދަނީ އެމެރިކާ އެކަނި ކަމަށެވެ. އީރާންގެ އަސްކަރިއްޔާގެ ތަރުޖަމާނު މިހެން ވިދާޅުވެފައި މި ވަނީ، އީރާން އާއެކު މަޝްވަރާ ކުރަމުން އަންނަ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެފައި ވަނިކޮށެވެ. 

އީރާންގެ ދައުލަތުގެ މީޑިއާ އިން ރިޕޯޓު ކޮށްފައިވާ ގޮތުގައި، އީރާންގެ ސިފައިންގެ ތަރުޖަމަނު ވިދާޅުވެފައި ވަނީ އެމެރިކާ އިން އީރާންއާ ދެކޮަޅަށް ހަނގުރާމަ ނިންމުމަށް މަޝްވަރާ ކުރަމުން އަންނަ ކަމަށް ބުނާ ވާހަކަ އަކީ ދޮގެއް ކަމަށެވެ. މަޝްވަރާ ތަކުގައި އީރާންގެ އެއްވެސް ބައިވެރިވުމެއް ނެތްކަން ފާހަގަ ކުރައްވައި އޭނާ ވިދާޅުވީ، އެއީ އެމެރިކާ އެކަނި އޮވެ ކުރާ މަޝްވަރާ ތަކެއް ކަަމަށެވެ. 

އަންގާރަ ދުވަހު އެމެރިކާގެ ރައީސް ޓްރަމްޕް ވިދާޅުވެފައި ވަނީ، އީރާން އިން އޮތީ އެމެރިކާ އާއެކު އެއްބަސްވުމަކަށް އަންނަން ވަރަށް ބޮޑަށް ބޭނުން ވެފައި ކަމަށެވެ. އަދި އެ ހަނގުރާމަ ނިންމުމަށް މަޝްވަރާ ކުރަމުން އަންނަ ކަމަށް ތަކުރާރުކޮށް ޓްރަމްޕް ވަނީ ވިދާޅުވެފަ އެވެ. ނަމަވެސް، އީރާންގެ އަސްކަރިއްޔާގެ ތަރުޖަމާނު މި ދެއްކެވި ވާހަކަ އިން ސާފު ވަނީ، އެމެރިކާ އާއެކު މަޝްވަރާ ކުރަން އެ ޤައުމުން ބޭނުން ނުވާ ކަމެވެ. 

އެމެރިކާ އާއި އީރާންއާ ދެމެދު އޮތް ގުޅުން ގޯސްވެފައި ވަނީ، އީރާން އާއެކު ހަދާފައި އޮތް ނިއުކްލިއާ އެއްބަސްވުމުން އެމެރިކާ ވަކި ވުމުންނެވެ. އެ އެއްބަސްވުމުން އެމެރިކާ ވަކިވެފައި ވަނީ ޓްރަމްޕްގެ ރިޔާސީ ފުރަތަމަ ދައުރުގެ ތެރޭގަ އެވެ. އެއްބަސްވުމުން ވަކިވެ، އެމެެރިކާ އިން ވަނީ އީރާންއާ ދެކޮޅަށް އިޤްތިޞާދީ ގޮތުން ވަރުގަދަ ފިޔަވަޅު ތަކެއް އަޅައިފަ އެވެ. އޭގެ ފަހުން އެމެރިކާ އާއި އީރާންއާ ދެމެދު ނުތަނަވަސްކަން ވަނީ ބޮޑުވެފަ އެވެ. 

އީރާންގެ އަސްކަރިއްޔާގެ ތަރުޖަމާނު ވިދާޅުވެފައިވާ ގޮތުގައި، އެމެެރިކާ އިން ދައްކާ ވާހަކަ ތަކަކީ އެ ޤައުމުން ސިޔާސީ ބޭނުން ތަކަށްޓަކައި ދައްކާ ވާހަކަ ތަކެއް ކަމަަށެވެ. އީރާން އިން މިހާރު އެމެރިކާ އާއެކު މަޝްވަރާ ކުރަމުން ނުދާ ކަމަށާއި، ކުރިއަށް އޮތް ތަނުގައި ވެސް އެ ފަދަ މަޝްވަރާ ތަކެއް ކުރުމަށް ބޭނުން ނުވާ ކަމަށް އޭނާ ވަނީ ވިދާޅުވެފަ އެވެ. 

ބައިނަލްއަޤުވާމީ މަސްރަހު ދިރާސާ ކުރާ ފަރާތް ތަކުން ބުނެފައިވާ ގޮތުގައި، މި ޙާލަތުގައި އެމެރިކާ އާއި އީރާންއާ ދެމެދު ގުޅުން ރަނގަޅު ކުރުމަށް ކުރިއަށް ދާނެ މަގެއް ނުފެނެ އެވެ.