އީރާނުގެ ސެކިއުރިޓީ ކައުންސިލްގެ ސެކްރެޓަރީ ގެ މަގާމަށް މުޙައްމަދު ބާގިރު ޒުލްގަދަރު އައްޔަން ކޮށްފި
24 މާރިޗު 2026 | އަންގާރަ 17:16ރައީސް މަސްއޫދު ޕެޒެޝްކިއާން މި މަގާމަށް ޒުލްގަދަރު އައްޔަންކުރެއްވީ އެ ގައުމުގެ ރޫހާނީ ލީޑަރުގެ ތާއީދާއެކުގައި. މީގެ ކުރިން އެކްސްޕީޑިއަންސީ ކައުންސިލްގެ ސެކްރެޓަރީކަން ވެސް ކުރައްވާފައިވާ ޒުލްގަދަރު މި މަގާމަށް އައްޔަންކުރިކަން އީރާނުގެ ރައީސްގެ އޮފީހުން މިހާރު ވަނީ ކަށަވަރުކޮށްދީފަ.
މުޙައްމަދު ބާގިރު ޒުލްޤަދުރް. | ތަސްނީމް ނިއުސް އޭޖެންސީ
އިޒްރޭލުން މިދިޔަ ހަފުތާގައި ދިން ހަމަލާއެއްގައި ޝަހީދުކޮށްލާފައިވާ އަލީ ލަރީޖާނީގެ ބަދަލުގައި، އީރާނުގެ ސުޕްރީމް ނޭޝަނަލް ސެކިއުރިޓީ ކައުންސިލްގެ އާ ސެކްރެޓަރީގެ މަގާމަށް މުޙައްމަދު ބާގިރު ޒުލްގަދަރު އައްޔަންކޮށްފިއެވެ.
އީރާނުގެ ރައީސްގެ އޮފީހުގެ ޑެޕިއުޓީ ފޯ އިންފޮމޭޝަން މުޙައްމަދު މަހްދީ ތަބާތަބާއީ މިދިޔަ އަންގާރަ ދުވަހު (24 މާރިޗު) އިއުލާންކުރެއްވި ގޮތުގައި، މުޙައްމަދު ބާގިރު ޒުލްގަދަރު އެ މަގާމަށް އައްޔަންކުރެއްވީ އިސްލާމީ އިންގިލާބުގެ ލީޑަރު އާޔަތުﷲ ސައްޔިދު މުޖުތަބާ ޚާމަނާއީގެ ރުހުމާއި ތާއީދާއެކު، ރައީސް މަސްއޫދު ޕެޒެޝްކިއާން ނެރުއްވި ގަރާރަކުންނެވެ.
ޒުލްގަދަރަކީ މީގެ ކުރިން އީރާނުގެ އެކްސްޕީޑިއަންސީ ކައުންސިލްގެ ސެކްރެޓަރީގެ މަގާމު ފުރުއްވާފައިވާ ބޭފުޅެކެވެ.
މަސްދަރު: ތަސްނީމް ނިއުސް އޭޖެންސީ
