ގަލްފުގެ ތެލާއި ގޭސް ސަޕްލައި އާންމު ހާލާތަކަށް އަންނާނީ ހަމަސް ދުވަސް ފަހުން: އައި.އީ.އޭ
ގަލްފް ސަރަހައްދުގެ ތެލާއި ގޭހުގެ އިންފްރާސްޓްރަކްޗަރަށް ލިބިފައިވާ ގެއްލުންތަކުގެ ސަބަބުން ކުރިމަތިވެފައިވާ ނުރައްކާތެރިކަން، ސިޔާސީ ފަރާތްތަކާއި މާކެޓްތަކުން ވަޒަންކުރަނީ އެންމެ އެކަށީގެންވާ މިންވަރަށް ނޫންކަމަށް އައި.އީ.އޭ އިން ވަނީ ބުނެފައި.
ތެހެރާންގެ ދެކުނުން 1،400 ކިލޯމީޓަރު (870 މޭލު) ދުރުގައި، އީރާނުގެ ޕާޝިއަން ގަލްފް އައްސޭރިފަށުގައި އޮންނަ އަސަލޫޔޭގައި ގާއިމުކޮށްފައިވާ ސައުތު ޕާސް ގޭސް ފީލްޑުގެ 19 ވަނަ ފޭސް ފެންނަ މަންޒަރެއް. | ގެޓީ އިމޭޖަސް
ގަލްފް ސަރަހައްދުން ތެލާއި ގޭސް ސަޕްލައިކޮށްދޭ މިންވަރު ކުރިން ހުރި އޭގެ އަސްލު ހާލަތަށް ރުޖޫޢަކުރުމަށް ހަ މަސްދުވަސް ނަގާފާނެ ކަމަށް އިންޓަރނޭޝަނަލް އެނާޖީ އެޖެންސީ (އައި.އީ.އޭ) ގެ އިސްވެރިޔާ ފާތިހް ބިރޯލް އިންޒާރު ދެއްވައިފި ކަމަށް ފައިނޭންޝަލް ޓައިމްސްއިން ރިޕޯޓްކޮށްފިއެވެ.
ބިރޯލް ވިދާޅުވީ، ގަލްފް ސަރަހައްދުގެ ތެލާއި ގޭހުގެ އިންފްރާސްޓްރަކްޗަރަށް ލިބިފައިވާ ބޮޑެތި ގެއްލުންތަކުގެ ސަބަބުން އުފެދިފައިވާ މައްސަލަތަކުގެ ނުރައްކާތެރިކަން، ސިޔާސީ ފަރާތްތަކާއި މާކެޓްތަކުން ވަޒަންކުރަނީ ހަގީގީ މިންވަރަށްވުރެ ކުޑަކޮށް ކަމަށެވެ.
ވޭތުވެދިޔަ ހަފުތާގެ ތެރޭގައި، ގަލްފް ސަރަހައްދުގައި ހުރި ދުނިޔޭގެ އެންމެ ބޮޑެތި ތެޔޮ ސާފުކުރާ ބައެއް ކާރުޚާނާތަކަށް އިޒްރޭލާއި އެމެރިކާ ގުޅިގެން ކުރިއަށް ގެންދާ ހަނގުރާމައިގެ ތެރޭގައި ވަނީ ހަމަލާދީފައެވެ.
