ކުއަޓަރ ފައިނަލްގައި ބަޔާން އާއި ރެއާލްގެ ކުރިމަތިލުމެއް

ޔުއެފާ ޗެމްޕިއަންސް ލީގުގެ ކުއަޓަރ ފައިނަލްގެ ދެ ވަނަ ލެގުގައި ވެސް އެޓަލަންޓާ ބަލިކޮށް ބަޔާން މިއުނިކް އިން މުބާރާތުގެ ކުއަޓަރ ފައިނަލްގެ ފުރުސަތު ހޯދިއިރު، ކުއަޓަރ ފައިނަލްގައި ރެއާލް މެޑްރިޑްއާ ވާދަ ކުރަން ޖެހިއްޖެ އެވެ.

މިދިޔަ ހަފުތާގައި އެޓަލަންޓާގެ އަމިއްލަ ދަނޑުގައި ކުޅުނު ފުރަތަމަ ލެގު ބަޔާން އިން ކާމިޔާބު ކުރީ 6-1 އިންނެވެ. އެހެންވެ ބަޔާން އަށް އޮތީ ކުއާޓާ ފައިނަލްގެ އުންމީދު ބޮޑުވެފަ އެވެ. ބުދަ ދުވަހުގެ ރޭ ދަންވަރު ބަޔާންގެ އަމިއްލަ ދަނޑުގައި ކުޅުނު ދެ ވަނަ ލެގު އެ ޓީމުން ކާމިޔާބު ކުރީ 4-1 އިންނެވެ.

މެޗުގެ ފުރަތަމަ ހާފުގެ 25 ވަނަ މިނެޓުގައި ބަޔާން އަށް ލިބުނު ޕެނަލްޓީ ކާމިޔާބުކޮށް، ލީޑު ނަގައިދިނީ އިންގްލެންޑުގެ ކެޕްޓަން ހެރީ ކޭން އެވެ. އޭގެ ފަހުން ދެ ވަނަ ހާފު ފަށައިގެން ނުވަ ވަނަ މިނެޓުގައި ކޭން ވަނީ ބަޔާންގެ ދެ ވަނަ ލަނޑު ޖަހައި ލީޑު ފުޅާ ކޮށްފަ އެވެ. އޭގެ ދެ މިނެޓު ފަހުން ބަޔާންގެ ތިން ވަނަ ލަނޑު ލެނާޓް ކާލް ޖެހިއިރު، އެ ޓީމުގެ ފަހު ލަނޑު ޖެހީ ލުއިސް ޑިއާޒް އެވެ. މެޗުގައި އެޓަލަންޓާގެ ހަމައެކަނި ލަނޑު ޖެހީ ލަޒާ ސަމާޑްޒިކް އެވެ. 

މޮޅާއެކު ބަޔާން އިން ވަނީ އެގްރިގޭޓް ނަތީޖާ 10-2 އިން ކުއާޓާ ފައިނަލްގެ ޖާގަ ހޯދައިފަ އެވެ. އަދި ކުއާޓާ ފައިނަލްގައި ނިކުންނަން ޖެހޭނީ އެންމެ ގިނަ ފަަހަރު ޗެމްޕިއަންސް ލީގު ކާމިޔާބު ކޮށްފައިވާ ރެއާލްއާ ދެކޮޅަށެވެ.