އީރާންގެ އިންޓެލިޖެންސް މިނިސްޓަރު އަވަހާރަ ކޮށްލައިފިން: އިޒްރޭލްގެ ޑިފެންސް މިނިސްޓަރު

އިޒްރޭލް އިން ދިން ހަމަލާ ތަކެއްގައި އީރާންގެ އިންޓެލިޖެންސް މިނިސްޓަރު އިސްމާއީލް ޚަތީބު އަވާހަރަ ކޮށްލާފައިވާ ކަމަށް، އިޒްރޭލްގެ ޑިފެންސް މިނިސްޓަރު އިޒްރާއީލް ކާޓްޒް އިއުލާން ކުރައްވައިފި އެވެ. 

އެންމެ ފުރަތަމަ މިކަން ރިޕޯޓު ކޮށްފައި ވަނީ އިޒްރޭލްގެ ޗެނަލް 12 އިންނެވެ. އޭގެ ފަހުން އިޒްރޭލްގެ ޑިފެންސް މިނިސްޓަރު ކާޓްޒް ވަނީ އެކަން އިއުލާން ކުރައްވައިފަ އެވެ. ކާޓްޒް މިކަން އިއުލާން ކުރެއްވި ނަމަވެސް، މި ހާދިސާއާ ގުޅޭ ގޮތުން އީރާން އިން މިހާތަނަށް ރަސްމީކޮށް އެއްޗެއް ބުނެފައި ނުވެ އެވެ. އީރާންގެ މީޑިއާ ތަކުގައި ވެސް، މި ހަމަލާތަކާ ގުޅޭ އިތުރު ތަފްސީލެއް ހާމަ ކޮށްފައި ނުވެ އެވެ.

Raajje.mv

އީރާންގެ އިންޓެލިޖެންސް މިނިސްޓަރަށް ހަމަލާ ދީފައިވާ ކަމަށް އިޒްރޭލް އިން ބުނެފި

އިޒްރޭލް އިން ބުނެފައި ވަނީ މި ހަމަލާތައް ދީފައި ވަނީ އަންގާރަ ދުވަހުގެ ރޭގެ ވަގުތެއްގައި ކަމަށެވެ. އެގޮތުން އެއީ އީރާންގެ އެތެރޭގެ އަމާޒު ތަކަށް ދިން ހަމަލާ ތަކުގެ ތެރެއިން ދެވުނު ހަމަލާއެއް ކަމަށް ބުނެފައިވެ އެވެ. އިޒްރޭލްގެ ޑިފެންސް މިނިސްޓްރީ އިން ބުނެފައި ވަނީ، އެ ހަމަލާ ތަކުގައި އީރާާންގެ ޖާސޫސޫ އިދާރާގެ އެންމެ އިސްވެރިޔާ އަމާޒަކަށް ބޭނުން ކޮށްފައިވާ ކަމަށެވެ. 

އީރާންގެ އިންޓެލިޖެންސް މިނިސްޓަރު ޚަތީބް އަކީ، އީރާންގެ ޤައުމީ ސަލާމަތާއި އަދި ޖާސޫސީ ކަންކަމުގައި އިސް ދައުރެއް އަދާ ކުރައްވާ ބޭފުޅެކެވެ. އޭގެ ކުރިން އިޒްރޭލް އިން ވަނީ އީރާންގެ ސެކިއުރިޓީ ޗީފް އަލީ ލަރިޖާނީ އާއި، އައިއާރުޖީސީގެ ބަސީޖް ފޯސްގެ ކޮމާންޑަރު ގޮލާމްރޭޒް ސުލައިމާނީ ވެސް އަވަހާރަ ކޮށްލައިފަ އެވެ.