ސައުދީގެ ފޮރިން މިނިސްޓަރު ފައިޞަލް އާއި، އެމެރިކާގެ ސެކްރެޓަރީ އޮފް ސްޓޭޓް ރޫބިއޯގެ ފޯނު ކޯލެއް
11 މާރިޗު 2026 | ބުދަ 07:05އީރާންގެ ނުރައްކާ ތަކުން ސައުދީ އަރަބިއްޔާ ރައްކާތެރިކަން ކަށަވަރު ކުރުމާ ގުޅޭ ގޮތުން ވެސް ދެ ބޭފުޅުން މަޝްވަރާ ކުރައްވާފައިވާ ކަމަށް ހާމަ ކޮށްފައިވޭ. ހަމަ އެހެންމެ، ސައުދީގައި ދިރި އުޅޭ ރައްޔިތުންނާއި، ބޭރު ޤައުމު ތަކުގެ ރައްޔިތުންގެ ރައްކާތެރިކަން ކަށަވަރު ކުރުމަށްޓަކައި ސަރަހައްދީ މަސްލަހަތު ޤާއިމު ކުރުމަށް ކުރެވިދާނެ ކަންކަމާ ބެހޭ ގޮތުން ވެސް، ފްރިންސް ފައިޞަލް އާއި ރޫބިއޯ ވަނީ މަޝްވަރާ ކުރައްވާފައި.
ސައުދީ އަރަބިއްޔާގެ ފޮރިން މިނިސްޓަރު ޕްރިން ފައިޞަލް ބިން ފަރުޙާން އާއި، އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ މިދިޔަ އަހަރުގެ ތެރޭގައި ކުރެއްވި ބައްދަލުވުމެއްގެ ތެރެއިން | ގެޓީ އިމޭޖަސް
އެމެރިކާ އާއި އިޒްރޭލް އިން އީރާންއާ ދެކޮޅަށް ކުރިއަށް ގެންދާ ހަނގުރާމައިގެ ސަބަބުން މެދު އިރުމަތީގެ ސަރަހައްދުގައި ނުތަނަވަސްކަން ބޮޑުވެފައިވާއިރު، ސައުދީ އަރަބިއްޔާގެ ފޮރިން މިނިސްޓަރު ޕްރިން ފައިޞަލް ބިން ފަރުޙާން އާއި، އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯ ފޯނުން ގުޅުއްވައި މަޝްވަރާ ކުރައްވައިފި އެވެ.
ބުދަ ދުވަހު ސައުދީ އަރަބިއްޔަގެ ފޮރިން މިނިސްޓްރީ އިން ނެރުނު ބަޔާނެއްގައި ބުނެފައި ވަނީ، ޕްރިންސް ފައިޞަލް އާއި ރޫބިއޯ ވަނީ ގިނަ ކަންތައްތަކާ ގުޅޭ ގޮތުން މަޝްވަރާ ކުރައްވާފައި ކަމަށެވެ. އެގޮތުން ސައުދީ އަރަބިއްޔާ އާއި ސަރަހައްދުގެ ޤައުމުތަކާ ދެކޮޅަށް އީރާން އިން ދެމުންދާ ހަމަލާ ތަކުގެ އިތުރުން، ސޫދާންގެ މައްސަލައާ ގުޅޭ ގޮތުން ވެސް މަޝްވަރާ ކުރައްވާފައިވާ ކަމަށް ބުނެފައިވެ އެވެ.
އެގޮތުން ސޫދާންގެ މުސްލިމް ބްރަދަހުޑް އަކީ، "ޚާއްސަ ގޮތެއްގައި ފާހަގަ ކުރެވޭ ދުނިޔޭގެ ޓެރަރިސްޓް" ޖަމާއަތެއްގެ ގޮތުގައި އެމެރިކާގެ ސްޓޭޓް ޑިޕާޓްމަންޓް އިން ކަނޑައަޅާފައިވާ ކަމަށް އެމެރިކާ އިން ވަނީ ހޯމަ ދުވަހު ހާމަ ކޮށްފަ އެވެ. މީގެ އިތުރުން މާޗު މަހުގެ 16 ވަނަ ދުވަހުން ފެށިގެން، އެ ޖަމާއަތަކީ ޓެރަރިސްޓް ޖަމާއަތެއްގެ ގޮތުގައި ރަސްމީކޮށް ކަނޑައެޅުމަށް ގަސްދުކުރާ ކަމަށް ވެސް އެމެރިކާ އިން ބުނެފައިވެ އެވެ.
ރޫބިއޯއާ ކުރެއްވި މަޝްވަރާގައި ސައުދީގެ ފޮރިން މިނިސްޓަރު ޕްރިން ފައިޞަލް ވަނީ އެކަމަށް މަރުޙަބާ ކިޔާ ކަމަށް ވިދާޅުވެފަ އެވެ. މީގެ އިތުރުން އީރާންގެ ނުރައްކާ ތަކުން ސައުދީ އަރަބިއްޔާ ރައްކާތެރިކަން ކަށަވަރު ކުރުމާ ގުޅޭ ގޮތުން ވެސް ދެ ބޭފުޅުން މަޝްވަރާ ކުރައްވާފައިވާ ކަމަށް ހާމަ ކޮށްފައިވެ އެވެ. ހަމަ އެހެންމެ، ސައުދީގައި ދިރި އުޅޭ ރައްޔިތުންނާއި، ބޭރު ޤައުމު ތަކުގެ ރައްޔިތުންގެ ރައްކާތެރިކަން ކަށަވަރު ކުރުމަށްޓަކައި ސަރަހައްދީ މަސްލަހަތު ޤާއިމު ކުރުމަށް ކުރެވިދާނެ ކަންކަމާ ބެހޭ ގޮތުން ވެސް، ފްރިންސް ފައިޞަލް އާއި ރޫބިއޯ ވަނީ މަޝްވަރާ ކުރައްވައިފަ އެވެ.
ސައުދީ އަރަބިއްޔާ އިން ވަނީ، އީރާން އިން އެ ޤައުމުގެ ދިފާއުގައި ދެމުން އަންނަ ހަމަލާތައް ކުށްވެރިކޮށްފަ އެވެ. އަދި ކުރިއަށް އޮތް ތަނުގައި އެ ހަމަލާ ތަކުގެ ނަތީޖާ ހިތިވާނެ ކަމުގެ އިންޒާރު ވެސް ސައުދީ އަރަބިއްޔާ އިން ދީފައިވެ އެވެ. އެމެރިކާގެ ރައީސް ކަމުގެ ދެ ވަނަ ދައުރަަކަށް ޑޮނަލްޑް ޓްރަމްޕް ވަޑައިގެންނެވި ފަހުން، އެމެރިކާ އާއި ސައުދީއާ ދެމެދު ވަރަށް ގާތް ގުޅުމެއް އޮވެ އެވެ.
މަސްދަރު: އަލް އަރަބިއްޔާ
