ޓްރަމްޕްގެ އެޑްވައިޒަރަކާ ބައްދަލު ކުރުމުގެ ހުއްދަ އަކަށް ޖަލުގައި ހުންނެވި ބޮލްސޮނާރޯ، ސުޕްރީމް ކޯޓުގައި އެދިއްޖެ
11 މާރިޗު 2026 | ބުދަ 05:56ބޮލްސޮނާރޯގެ ޤާނޫނީ ވަކީލުން އަންގާރަ ދުވަހު ކޯޓަށް ހުށަހެޅި ލިޔުން ތަކުގައި ބުނެފައި ވަނީ، ޓްރަމްޕްގެ ސަރުކާރުގައި ބްރެޒިލްގެ ކަންކަން ބެލެހެއްޓުމުގެ އިސް ދައުރެއް އަދާ ކުރެއްވުމަށް ހަމަޖެހިފައިވާ ޑަރެން ބީޓީ އާއި، ޖަލުގައި ހުންނެވި ބޮލްސޮނާރޯ ބައްދަލު ކުރުމުގެ ފުރުސަތު ދޭން ޖެހޭ ކަމަށް.
ބްރެޒިލްގެ ކުރީގެ ރައީސް ޖައިރް ބޮލްސޮނާރޯ | ގެޓީ އިމޭޖަސް
ބިރެޒިލްގެ ޖަލުގައި، ޖަލު ޙުކުމް ތަންފީޒު ކުރަމުން އަންނަ ބްރެޒިލްގެ ކުރީގެ ރައީސް ޖައިރް ބޮލްސޮނާރޯ، އެމެރިކާގެ ރައީސް ޑޮނަލްޑް ޓްރަމްޕްގެ އެޑްވައިޒަރަކާ ބައްދަލު ކުރުމުގެ ހުއްދަ އަކަށް އެ ޤައުމުގެ ސުޕްރީމް ކޯޓުގައި އެދިއްޖެ އެވެ.
ބޮލްސޮނާރޯގެ ޤާނޫނީ ވަކީލުން އަންގާރަ ދުވަހު ކޯޓަށް ހުށަހެޅި ލިޔުން ތަކުގައި ބުނެފައި ވަނީ، ޓްރަމްޕްގެ ސަރުކާރުގައި ބްރެޒިލްގެ ކަންކަން ބެލެހެއްޓުމުގެ އިސް ދައުރެއް އަދާ ކުރެއްވުމަށް ހަމަޖެހިފައިވާ ޑަރެން ބީޓީ އާއި، ޖަލުގައި ހުންނެވި ބޮލްސޮނާރޯ ބައްދަލު ކުރުމުގެ ފުރުސަތު ދޭން ޖެހޭ ކަމަށެވެ. ޑަރެން ބީޓީ އަކީ ޓްރަމްޕްގެ ސަރުކާރުގެ ސީނިއާ އެޑްވައިޒަރެއްގެ މަޤާމަށް ދާދި ފަހުން އައްޔަން ކުރައްވާފައިވާ ބޭފުޅެކެވެ.
މި ހުށަހެޅުން ސުޕްރީމް ކޯޓަށް ހުށަހަޅާފައި މި ވަނީ ބްރެޒިލްގެ ސިޔާސީ މަސްރަހު ނުތަނަވަސްވެފައިވާ ވަގުތެއްގަ އެވެ. ބޮލްސޮނާރޯގެ ޤާނޫނީ ވަކީލުން ބޭނުން ވަނީ، އެމެރިކާގެ އައު ސަރުކާރާއި ބޮލްސޮނާރޯއާ ދެމެދު އޮތް ގުޅުން މި ބައްދަލުވުމުގެ ތެރެއިން އިތުރަށް ވަރުގަދަ ކުރުމަށެވެ. ޑަރެން ޓީބީ އަކީ ބްރެޒިލްގެ ކަންކަމާ ގުޅޭ ގޮތުން ޓްރަމްޕްގެ ސަރުކާރަށް ލަފާ ދޭނެ އެންމެ އިސް ފަރާތެވެ.
ބްރެޒިލްގެ ސަރުކާރާ ދެކޮޅަށް ބަޣާވާތް ހިންގުމަށް ރޭވުމެއް ރާވައި، އެކަމުގައި ބައިވެރި ވެފައި ވާތީ ބޮލްސޮނާރޯގެ މައްޗަށް ވަނީ 27 އަހަރާއި ތިން މަސް ދުވަހުގެ ޖަލު ޙުކުމެއް އިއްވައިފަ އެވެ. މިއީ 2022 ވަނަ އަހަރު އޮތް ބްރެޒިލްގެ ރިޔާސީ އިންތިޚާބުގައި ކުރިމަތިވި ނާކާމިޔާބާ ގުޅިގެން ބޮލްސޮނާރޯ ރާވާފައިވާ ބަޣާވާތެއް ކަމަށް ބުނެފައިވެ އެވެ.
ބައްދަލުވުމުގެ ހުއްދަ އަށް ބޮލްސޮނާރޯގެ ފަރާތުން އެދިފައި ވީ ނަމަވެސް، އެ ހުށަހެޅުމާ ގުޅޭ ގޮތުން މިހާތަނަށް ސުޕްރީމް ކޯޓުން ވަކި ނިންމުމެއް ނިންމާފައި ނުވެ އެވެ. ނަމަވެސް، އެ ބައްދަލުވުމުގެ ހުއްދަ ސުޕްރީމް ކޯޓުން ދީފި ނަމަ، އެކަމުގެ ސަބަބުން ބްރެޒިލްގެ ސިޔާސީ މަަސްރަހަށް ބޮޑެތި ބަދަލު ތަކެއް އަންނާނެ ކަމަށް މާހިރުން ފާހަގަ ކޮށްފައިވެ އެވެ.
މަސްދަރު: ރޮއިޓާސް
