ސައުދީގެ އަލް-ޒުލްފީ އަށް ޑްރޯން ތަކެއް ވެއްޓި ގެއްލުން ތަކެއް ލިބިއްޖެ

ސައުދީ އަރަބިއްޔާގެ އަލް-ޒުލްފީ ސަރަހައްދަށް ޑްރޯން ތަކެއް ވެއްޓި، ގެއްލުން ތަކެއް ލިބިފައިވާ ކަމަށް ސައުދީގެ ސިވިލް ޑިފެންސް އިން ހާމަ ކޮށްފި އެވެ.

ސައުދީގެ ސިވިލް ޑިފެންސް އިން އަންގާރަ ދުވަހު ނެރުނު ބަޔާނެއްގައި ބުނީ، އެ ސަރަހައްދަށް ޑްރޯން ތަކެއް ވެއްޓުމުގެ ހާދިސާ ހިނގާފައިވާއިރު، ވަގުތުން އެކަމަށް ރައްދު ދީފައިވާ ކަމަށެވެ. އަދި އެ ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާ ކަމަށް ބުނެފައިވެ އެވެ. އެ ހާދިސާގައި ބައެއް ތަކެއްޗަށް ކޮންމެ ވެސް ވަރެއްގެ ގެއްލުން ތަކެއް ލިބިފައިވާ ކަމަށް ފާހަގަ ކޮށްފައިވެ އެވެ. 

ސައުދީ އަރަބިއްޔާ އަށް ޑްރޯން ތަކެއް އަމާޒު ވަމުން އަންނަނީ، އެމެރިކާ އިން އީރާންއާ ދެކޮޅަށް ކުރިއަށް ގެންދާ ހަނގުރާމައިގެ ސަބަބުންނެވެ. ޚާއްސަކޮށް އީރާން އިން އަންނަނީ ސަރަހައްދުގައި ހުރި އެމެރިކާގެ އެކި އެކި އަމާޒު ތަކަށް ހަމަލާ ދެމުންނެވެ. މިފަދަ ހާދިސާތައް ހިނގަމުން އަންނައިރު، ސައުދީ އަރަބިއްޔާގެ ދިފާއީ ބާރު ތަކުން ޑްރޯން ތަކާއި، ބެލިސްޓިކް މިސައިލް ހުއްޓުވައި، އެ ތަކެތި ނައްތާލުމަށް އަންނަނީ މަސައްކަތް ކުރަމުންނެވެ. 

މީގެ އިތުރުން ސައުދީ އަރަބިއްޔާގެ ދިފާއީ ނިޒާމު ތަކަކީ ސަރަހައްދުގައި ހުރި އެންމެ ޚަރުދަނާ ނިޒާމު ތަކުގެ ތެރޭގައި ހިމެނޭ ނިޒާމު ތަކެވެ. އެ ޤައުމުން ދަނީ ޑްރޯން ތަކާއި، މިސައިލް ހަމަލާތަކާ ދެކޮޅަށް ޚަރުދަނާ ފިޔަވަޅު ތަކެއް އަޅަމުން އަންނަ ބައިނަލްއަޤުވާމީ ރިޕޯޓު ތަކުގައި ވަނީ ފާހަގަ ކޮށްފަ އެވެ، 

މީގެ ކުރިން ވެސް ސައުދީގެ ބައެއް ސަރަހައްދު ތަކަަށް ވަނީ ޑްރޯން ހަމަލާ ތަކެއް އަމާޒުވެފަ އެވެ. އެ ހަމަލާ ތަކުގައި ބައެއް ތަންތަނަށް ގެއްލުންވެފައިވާއިރު، އޭގެ ތެރޭގައި ތެލުގެ ވަސީލަތްތަކާއި، މަރުކަޒުތައް ހިމެނެ އެވެ.