އީރާންގެ އައު ރޫހާނީ ލީޑަރަކަށް ޚާމަނާއީގެ ދަރިކަލުން، މުޖުތަބާ ޚާމަނާއީ އައްޔަން ކުރައްވައިފި
އެ މަގާމަށް މުޖުތަަބާ ޚާމަނާއީ އައްޔަން ކުރައްވާފައިވާ ކަަމަށް އިއުލާން ކުރީ އެ ޤައުމުގެ އެސެމްބްލީ އޮފް އެކްސްޕާޓްސް އިން.
އީރާންގެ އައު ރޫހާނީ ލީޑަރުގެ މަގާމަށް އައްޔަން ކުރެއްވި މުޖުތަބާ ޚާމަނާއީ | ރޮއިޓާސް
އީރާންގެ އެންމެ މަތީ ވެރިޔާ، އަދި އެ ޤައުމުގެ ރޫހާނީ ލީޑަރުގެ މަގާމަށް މުޖުތަބާ ޚާމަނާއީ އައްޔަން ކުރައްވައިފި އެވެ.
މުޖުތަބާ ޚާމަނާއީ އަކީ އީރާންގެ ކުރީގެ ރޫހާނީ ލީޑަރު އާޔަތުﷲ އަލީ ޚާމަނާއީގެ ދަރިކަލުންނެވެ. އެމެރިކާ އާއި އިޒްރޭލް އިން އީރާން އަށް ދޭން ފެށި ހަމަލާ ތަކުގައި ޚާމަނާއީ ވަނީ އަވަހަރާ ކޮށްލައިފަ އެވެ.
އެ ހަމަލާ ތަކުގައި ޚާމަނާއީ އަވަހާރަ ވެވަޑައިގެންނެވިތާ ހަފުތާއެއް ފަހުން، އީރާންގެ އައު ރޫހާނީ ލީޑަރަކަށް މުޖުތަމާ ޚާމަނާއީ މި ވަނީ އައްޔަން ކުރައްވައިފަ އެވެ. އެ މަގާމަށް މުޖުތަަބާ ޚާމަނާއީ އައްޔަން ކުރައްވާފައިވާ ކަަމަށް އިއުލާން ކުރީ އެ ޤައުމުގެ އެސެމްބްލީ އޮފް އެކްސްޕާޓްސް އިންނެވެ.
އީރާންގެ އިސްލާމިކް ރިވޮލިއުޝަނަރީ ގާޑްސް ކޯޕް (އައިއާރުޖީސީ)އާ ގާާތް ގުޅުމެއް އޮންނަ މެދު ފަންތީގެ ދީނީ ޢިލްމުވެރިއެއް ކަމަށްވާ މުޖުތަބާ އަކީ، އީރާންގެ ދީނީ ވެރިކަމުގައި ތެރޭގައި ވަރަށް ބާރު ގަދަ ފަރާތެއްގެ ގޮތުގައި ފާހަގަވެފައިވާ ބޭފުޅެކެވެ.
މުޖުތަބާ ޚާމަނާއީ އަކީ ސިޔާސީ ގޮތުން ވަރަށް ނުފޫޒު ގަދަ ބޭފުޅެއްގެ ގޮތުގައި ފާހަގަވެފައިވާ ބޭފުޅެކެވެ. އަދި އޭނާ އަކީ އީރާންގެ ވެރި ކަމުގެ ތެރޭގައި ވެސް ވަރަށް ނުފޫޒު ގަދަ ބޭފުޅެކެވެ.
މަސްދަރު: އޭއެފްޕީ
