އަތޮޅުތެރެއަށް ކުރާ ދަތުރުތަކުން ފެންނަނީ ވަރަށް އުންމީދީ މަންޒަރެއް، ހާއްސަކޮށް ފެންނަ ނުފެންނަ ވޯޓަށް ރައްޔިތުން ތިބީ ބޮޑުކޮށް ނޫނެކޭ ބުނަން ތައްޔާރަށް: ފިއްޓޭ
ރަށްރަށުން އެމްޑީޕީގެ އަސްލު ރޫހު ފެންނަމުންދާކަން ފާހަގަކުރައްވައި، އޭނާ ވިދާޅުވީ ނުފޫޒުތަކާއެކުވެސް ކެނޑިޑޭޓުން ވަރަށް ހަރަކާތްތެރިކޮށް މަސައްކަތް ކުރަމުންދާ ކަމަށް. އެހެންކަމުން، ކައުންސިލް އިންތިޚާބާއި ފެންނަ ނުފެންނަ ވޯޓުވެސް އެމްޑީޕީން ކާމިޔާބު ކުރާނެ ކަމަށް އޭނާ ވިދާޅުވި.
ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު ޙުސެއިން ޒިޔާދު (ފިއްޓޭ) | ރާއްޖެ އެމްވީ
ލޯކަލްކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބަށް އެމްޑީޕީގެ ލީޑަރޝިޕް އިން އަތޮޅުތެރެއަށް ކުރާ ދަތުރުތަކުން ފެންނަނީ ވަރަށް އުންމީދީ މަންޒަރެއް ކަމަށާއި، ހާއްސަކޮށް ފެންނަ ނުފެންނަ ވޯޓަށް ރައްޔިތުން ބޮޑުކޮށް ނޫނެކޭ ބުނަން ތައްޔާރަށް ތިބިކަމަށް ރައްޔިތުންގެ މަޖިލީހުގެ ވައިކަރަދޫ ދާއިރާގެ މެމްބަރު ޙުސެއިން ޒިޔާދު (ފިއްޓޭ) ވިދާޅުވެއްޖެ އެވެ.
ފިއްޓޭ މިހެން ވިދާޅުވީ، ލޯކަލްކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ އިންތިހާބަށް އެމްޑީޕީގެ ލީޑަރޝިޕް އިން އަތޮޅުތެރެއަށް ކުރާ ދަތުރުގެ ތެރެއިން ހދ އަތޮޅަށް ކުރި ދަތުރުގައި ރާއްޖެ ޓީވީ އަށް ދެއްވި އިންޓަވިއުއެއްގަ އެވެ. ފިއްޓޭ ވިދާޅުވީ، އެމްޑީޕީގެ ޓީމްތަކުން އަތޮޅުތެރޭގެ ރަށްތަކަށް ޒިޔާރަތް ކުރުމުން ފަނޑުވަމުންދިޔަ ޖޯށާ ފޯރި އިތުރުވާން ފަށައިފި ކަމަށާއި ކެމްޕޭންތައް ވެސް ވަރަށް ފޯރީގައި ކުރިއަށްދާ ކަމަށެވެ.
އެމްޑީޕީގެ ކެނޑިޑޭޓުންނަށް ޖުމުލަކޮށް ބަލާއިރު މިހާ ފިއްތުންތަކާ ނުފޫޒާއެކުވެސް ހަމަ ވަރަށް ރަނގަޅަށް ކުރޭ. އެކި ރަށްރަށުގައި އެކިގޮތަށް ކެމްޕޭން ކުރޭ . އެއްބައި ރަށްރަށުގައި ހަމަ ފާޅުގަ ނުކުމެ ވަރުގަދަޔަށް އެމްޑީޕީ ސްޓައިލްގަވެސް އެބަކުރޭ. ބައެްްއްރަށްރަށުގައި ވަރަށް ސައިލެންޓް ކެމްޕޭނެއް އެހެން ނަމަވެސް ވަރަށް އުންމީދު އެބަކުރެވޭވައިކަރަދޫ ދާއިރާގެ މެމްބަރު ޙުސެއިން ޒިޔާދު (ފިއްޓޭ)
މީގެއިތުރުން ފިއްޓޭ ވިދާޅުވީ، އެމްޑީޕީގެ އަސްލު ރޫހު ކުރީގެ ކިކު ރާއްޖެތޭރޭގެ ރަށްރަށުން އަދިވެސް ފެންނަކަމަށާއި ކުރިއަށް އޮތްތަނުގައި ރޫހު އިތުރަށް އާލާވުމަކީ ވަރަށް އުންމީދު ކުރާކަމެއް ކަމަށެވެ.
ފިއްޓޭ ވިދާޅުވީ ކުރިއަށް އޮތް ދެ އިންތިހާބުކަމަށްވާ ކައުންސިލް އިންތިހާބާއި ފެންނަ ނުފެންނަ އިންތިހާބުވެސް ބޮޑުކޮށް އެމްޑީޕީ އަށް ކާމިޔާބުކުރެވޭނެކަން ހާމަވަނީ ކެމްޕޭނަށް އަތޮޅުތެރެއަށް ކުރަމުންދާ ދަތުރުތަކުން ކަމަށެވެ.
